TRACK AND FIELD OVAL, AGTULTULOY A MAPAPINTAS

Cabugao, Ilocos Sur – Agtultuloy ti pannakatrabaho ti Track and Field Oval a proyekto ti LGU-Cabugao ken iti LGU-Probinsial a masarakan iti abagatan ti Cabugao South Central School, Bry. Bonifacio. Cabugao, Ilocos Sur.

Segun ken ni Engr. Crescencio Marcos C. Formoso a kalpasan   ti  back-fill works ti nasao a pasilidad, namulaan ti carabao grass ti pagaayaman ti baseball ken softball babaen iti panagtrabaho dagiti LGU-Personnel.

Maisaruno met a maporma ken mapintaan ti disso  ti pakaangayan  ti dadduma nga ay-ayam a pakabuklan ti pannakaisagana ti nadakamat a pasilidad para iti District Sports Competition.

Kabayatanna, binisita ni Mayor Edgardo “Ediboy” S. Cobangbang, Jr. ti nadakamat a maar-aramid nga sports facility ket inimatanganna ti naaramid a  pannakai-lay out ti disenio iti pagay-ayaman maibasar  kadagiti nadumaduma nga sports events a maaramid. 

Segun ken ni Mr. Ronel Ubaldo, Physical Education on School Sports (PESS)  Coordinator ti Cabugao DepED District  nga apaman a maileppas ti disso a pagaayaman  kadaytoy a pasilidad ket manamnama a ditoy ti pakaangayan ti kaaduan nga sports events  ti District Sports Competition ti Cabugao DepED District a mayeskediul  inton Oktubre 13, 2014. # (Web In-Action)

RELIEF GOODS, AGTULTULOY A MAIKKAN DAGITI BIKTIMA TI BAGYO MARIO

Cabugao, Ilocos Sur – Agtigtignay latta  ti nabukel a Relief Operations and Distribution  Team ti Municipal Social Welfare and Development (MSWD) nga idauluan ni Mrs. Lydia S. Gazmen a kaduada dagiti pannakabagi ti 4 P’s Municipal Operations Office  ket nagitedda ti Relief Goods (Bagas, Sardinas ken Payless) kadagiti naapektaran nga indibidual ken Pamilia maigapu iti idadaliasat itay nabiit ti Bagyo Mario.

Kabayatanna, simmangpet pay ti 1,000 Packs a  Relief Goods iti Munisipio  a naggapu iti DSWD ken 500 Packs a naggapu iti Gobierno Probinsial babaen iti itutulong ni Gov. Ryan Luis V. Singson ditoy ili a Cabugao.

Kanaig daytoy, agtultuloy latta ti Relief Operation and Distribution Team ti Munisipio kadagiti dadduma pay a barangay ti ili a nagireport iti naapektaran agingga a sapasap a maikkanda amin  ti tulong dagiti maseknan a pamilia ken indibidual a nakaro a naapektaran ti naglabas a bagyo. # (Web In-Action)

INCREASE PUBLIC AWARENESS ON BENEFITS OF FOOD FORTIFICATION: FNRI NUTRITIONIST

Susana Encarnacion, a nutritionist from the Food and Nutrition Research Institute, said that there is a need to increase public awareness on the benefits of food fortification or adding micronutrients to foods which are widely consumed by the populace such as rice, noodles and cooking oil as it is an effective intervention in fighting malnutrition and mineral deficiencies among Filipinos.

She said that food fortification is an effective strategy in fighting malnutrition and public awareness on the benefits of fortified foods should be given more emphasis.

In a media forum attended by advocates of health and nutrition in Ilocos, Acting Director of the Department of Science and Technology Armando Ganal urged the participants to perform their roles of disseminating important information to reach different stakeholders in the region.
Ganal said that media play a vital role in nforming the public on facts and updates relating to societal issues including health and nutrition.

The Nutrition Communication (NUTRICOMNET) was also reorganized during the convention.

NUTRICOMNET is a network of provincial and regional media practitioners and information officers of agencies and institutions which are involved in food, nutrition and health promotion.

The network will help achieve the Millennium Development Goal in eradicating extreme poverty and hunger by 2015. (From a report of Joanne Namnama G. Parrocha, PIA, La Union)

SECRETARY ROXAS CITES EARLY WARNING SYSTEM IN REDUCING STORM CASUALTIES

LAOAG CITY – Interior and Local Government Secretary Mar Roxas said the government’s early warning system has helped reduce the number of casualties and losses during typhoon situations.

He said the national government invested hundreds of millions of pesos for the procurement of radars, dopplers and other scientific gadgets to gather specific and accurate weather forecasts and alert people to prepare early.

“(Through these gadgets) we are able to alert people from 24 to 72 hours before the coming of typhoon,” Roxas said during a press briefing at the provincial capitol here.

Roxas and Presidential Spokesman Edwin Lacierda flew to Ilocos Norte last Monday and met Governor Imee Marcos and Ilocos Sur Governor Ryan Singson.

The neighboring Ilocos provinces were two of the hardest hit when Typhoon Mario barreled through northern Luzon last week.

Roxas also cited how local and national governments including the National Disaster Risk Reduction Management Council (NDRRMC) operate during a weather disturbance.
“Early warning is given to local governments which are the frontliners. National governments in the local level work on early preparation while the national disaster council supports in the recovery efforts,” Roxas said.

Roxas said the duty to respond during the 24 to 48-hour period of a storm is lodged with the local governments. The national government comes in after the 48-hour mark, he added.

“But this time, the national government responded within 48 hours by sending a C-130 air force plane to bring food packs for the victims,” he said.

He also said the importance of close coordination between and among the national government, the LGUs and the community in preparing for a typhoon. # (Adapted, Tawidnews/PIA)

DISTRICT ESCODA CELEBRATION, NAANGAY DITOY COMPLEX

Cabugao, Ilocos Sur – Naaramid ti District Escoda Celebration iti Tema: “Imagine  More”  babaen kadagiti kameng ti Girl Scouts of the Philippines (GSP), Cabugao District idi Setiembre 28, 2014 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran ti 26 a pageskuelaan ti Elementaria ken tallo (3)  a National High Schools ti  ili a Cabugao, Ilocos Sur.

Sakbayna, naangay ti Nasantuan a Misa iti Cabugao Catholic Church sakbay ti Girl Scout Celebration  iti Cabugao Cultural and Sports Complex.

Naaramid ti Re-dedication to the GS Promise and Law babaen iti Turod Girl Scout, Star Scout Promise  babaen ti Aragan  Star Scout, Star Scout Law ti Sabang Star Scout ken Twinkler Promise and Law babaen iti Daclapan Twinklers.

Nangipaay ti Welcome Talk ni Mrs. Estrellita M. Siruno, Principal II, Cabugao North CS ken OIC District Commissioner  ti Girl Scout. Inawisna ti amin a makikaysa iti pannakaseremonia ti kabibiag ni Josefa Llanes Escoda, kangrunaan a teddek ti Girl Scouting ken maysa nga Ilokana.

Simmaruno ti Presentation of Participants thru Cheers and Yells by school babaen iti panangtarawidwid  ni Mrs. Nora Quibilan  sa naangay iti ESCODA CEREMONY babaen iti panangiwanwan  da Mrs. Melvi S. Sajonia ken ni Mrs. Estrellita M. Siruno, agpada a Principal II ken GS Trainers,  In-charge.

Nangipaay ti mensahe ni  SBM Dr. Jemaima S. Tan-Yee, GS District Committee Chairman. Dinayawna ti napintas a panagkakammayet dagiti ubbing a babbai, nagannak, Guardians  ken   Teachers  a nangtarabay kadagiti annakda a makipaset  kadaytoy a programa.

Naisaruno ti Introduction of the Guest of Honor and Speaker babaen ken ni Mrs. Digna R. Talusig, GSP Field Adviser.

Nagpaay a Guest of Honor ken Speaker ni Mrs. Ma. Victoria L. Reyes, RN, Former Girl Scout.  Kimmablaaw ken nagyaman ni Ma’am Victoria  iti naited kenkuana a gundaway a mangipaneknek ti pateg ti Girl Scout a pakasanayan ken pakasursuruan kadagiti napapateg a galad dagiti agad-adal a babbai.

Pinadayawan  met ni Mrs. Reyes dagiti ubbing, estudiante, nagannak, Guardians, Teachers, GSP Officers ken Municipal Officials kadaytoy a naballigi a pannakaseremonia  iti kabibiag ni Josefa Llanes Escoda, Ilokana a Founder ti Girl Scouting.

Kalpasanna, naipaay ken ni Mrs. Reyes iti Certificate of Appreciation iti pannakaawisna a nagsarita itoy a taripnong babaen kadagiti Opisiales ti Scouting nga idauluan ni GS OIC District Commissioner Estrellita M. Siruno.

Naisaganad a nagpabuya dagiti mangibagi ti Zone 1-4, UCCP Twinklers, Senior Scouts ti  Cabugao National High School, Lipit NHS, ken ti  Sisim NHS.

Nag-Closing Remarks ni Mrs. Evangeline U. Seatriz, President, Cabugao GSP Troop Leaders Association. 

Nagpaay nga Emcee da Ms. Catherine Margie Seatriz, Ms. Maricel Gonzales ken ni Ms. Rocilyn Sabaten. # (Web In-Action)

ZONE MEET III & IV COMPETITION, INATENDARAN DA MAYOR EDIBOY

Cabugao, Ilocos Sur – Naangay ti maikadua nga  aldaw,  Setiembre 26, 2014 a panagsalip dagiti umaayam a Pupils  iti Elementaria kadagiti agkakadarapat a pageskuelaan ti Zone III a buklen ti Brgy. Nagsincaoan, Lipit, Cuancabal, Pila ken Sagayaden.

Naangay ti panagsasalip idiay pageskuelaan ti Pila Elementary School nga idauluan ni Head Teacher III, Mr. Donato P. Sajor.

Iti Setiembre 26, 2014, naggiddan a naangay ti nasao nga sports competition iti Zone III ken Zone IV  a naangay kadagiti  pageskuelaan iti Barangay Pila, Cabugao, Ilocos Sur ken iti Barangay Sisim, Cabugao, Ilocos Sur kas panagsaganadda.

Naluktan ti pay-ayam babaen iti  Opening Parade a nagpartisiparan dagiti umaayam a tartarabayen dagiti Officials of the Meet kas iti Chairman ken Miembros-da iti nagduduma nga events a mapagsasalipan a kas iti Basketball, Volleyball, Chess, Badminton ken Athletics. Addaanda met iti Clerk of Course a mangtarawidwid iti rekord ti  paay-ayam.

Iti panaglukat ti pay-ayam, naaramid ti ababa a programa. Nasindian ti Symbolic Athletic Torch babaen kadagiti Presidente ti Zona; naibasa iti Sportsmanship Oath ken nagsarita dagiti Presidente kadagita a Zona ken improklama ni Mr. Ronel M. Ubaldo, District PESS Coordinator ti Pormal a panaglukat ti ay-ayam.

Nangipaay manen  ti Mensahe da Mayor Edgardo “Ediboy” S. Cobangbang, Jr. ken ni  SBM Dr. Jemaima S. Tan-Yee, Commitee Chair on Education. Kangrunaan nga anag ti panagmensaheda ket iti panaglalaing koma dagiti ubbing nga atleta iti nakapilianda a pagay-ayaman ken mamantener koma iti sportsmanship a mangmuli iti natibker a kinatao ken disiplinada.

Innayon ni Mayor Ediboy iti panagyamanna kadagiti amin nga ubbing, mangisursuro, nagannak, Guardians, Opisiales ti Barangay a nakikammayet iti aktibidad ta napintas ti koordinasion ken panagtutunosda a mangipromot  kadaytoy a tinawen a  pasalip a paka-hulmaan dagiti ubbing nga agbalin a naresponsable nga umili.

Binayabay met da Vice Mayor Deogracias Jose Victorino H. Savellano ken kakaduada iti Konseho Munisipal nga isuda SBM Danny Q. Gazmen, SBM Atty. Bryann Jett S. Pano, SBM Josefina S. Vallejo iti panagturong ni  Mayor Ediboy kadagiti pakaangayan ti Zone Meet Competition.

Nagsarita met da  Barangay Captain Patricio Satumba  ti Barangay Pila  ken ni Brgy. Captain Ruben Siruno  ti Barangay Sisim ken kasta metten  a  nagsarita dagiti School Heads kadagiti nadakamat a pagadalan. 

Kabayatanna, mayeskediul manen ti pannakaangay ti District Meet a pagsasalipan dagiti mapili nga atleta kadagiti uppat a sona iti Cabugao DepED District iti sumaruno a bulan. # (Web In-Action)

MITING DAGITI FEDERATED SENIOR CITIZEN, NABALLIGI

Cabugao, Ilocos Sur – Naangay ti Monthly Regular Meeting ti Cabugao Faderated Senior Citizen, Cabugao, Ilocos Sur iti Senior Citizen’s  Center, Brgy. Rizal, Cabugao, Ilocos Sur itay nabiit.

Kangrunaan a trinatarda ti pannakipagselebrarda iti Elderly Week ti bulan ti Oktubre 2014 ken panang-up-dateda  ti Masterlist dagiti Miembros/Officers, Financial Recording ti Saranay Association ti kada barangay ken dadduma pay a pakaseknan/problema  ti indibidual/grupo iti uneg ti Asosasion iti barangay ken iti Pederasion. 

Maysa pay a napagnanaminganda ket  iti partisipasionda ken dagiti aktibidad nga iwayatda iti panangselebrarda ti Elderly Week.

Tinamingda pay dagiti pinansial a bambanag a pakaseknan iti operasion ti Saranay ken internal a pakaseknan ti Pederasion-da. Naballigi ti panagtratarda kadagitoy a pakaseknanda. # (Web In-Action) 

ZONE MEET COMPETITION TI DepED, NARUGIAN

Cabugao, Ilocos Sur – Naangay ti umuna iti dua nga  aldaw (Setiembre 25-26, 2014) a panagsasalip dagiti umaayam a Pupils  iti Elementaria kadagiti agkakadarapat a pageskuelaan ti Cabugao DepED District a kas ituyang ti pannakabingayda iti uppat a sona.

Iti Setiembre 25, 2014, naggiddan a naangay ti nasao nga sports competition iti Zone II ken Zone 1 a naangay kadagiti pagadalan  a mangbukel itoy iti  pageskuelaan iti Barangay Sabang, Cabugao, Ilocos Sur ken iti Barangay Pug-os, Cabugao, Ilocos Sur kas panagsaganadda.

Daytoy a tinawen a pasalip ket maluktan ti Opening Parade a pagpartisiparan dagiti umaayam a tartarabayen dagiti Officials of the Meet kas iti Chairman ken Miembros-da iti nagduduma nga events a mapagsasalipan a kas iti Basketball, Volleyball, Chess, Badminton ken Athletics. Addaanda met iti Clerk of Course a mangtarawidwid iti rekord ti  paay-ayam.

Iti panaglukat ti pay-ayam, naaramid ti ababa a programa. Nasindian ti Torch a mangipalnaad ti rugi ti ay-ayam; maibasa iti Sportsmanship Oath ken agsarita ti Presidente iti dayta a Zona.

Nangipaay ti Mensahe da Mayor Edgardo “Ediboy” S. Cobangbang, Jr. ken ni  SBM Dr. Jemaima S. Tan-Yee, Commitee Chair on Education. Kangrunaan nga anag ti panagmensaheda ket iti panaglalaing koma dagiti ubbing nga atleta iti nakapilianda a pagay-ayaman ken mamantener koma iti sportsmanship a mangmuli iti natibker a kinatao ken disiplinada. 

Binayabay met da Vice Mayor Deogracias Jose Victorino H. Savellano ken kakaduada iti Konseho Munisipal nga isuda SBM Danny Q. Gazmen, SBM Atty. Bryann Jett S. Pano, SBM Josefina S. Vallejo ken ni ABC President, Brgy. Captain Teddy U. Soller iti panagturong ni  Mayor Ediboy kadagiti pakaangayan ti Zone Meet Competition.

Panglukat a sarita ti inakem dagiti Barangay Captain kadagita a lugar iti umuna nga aldaw a da Brgy. Captain Atilano Saquiton ti Barangay Sabang ken ni Brgy. Captain Arnold V. Yangat ti Barangay Pug-os ken nagsarita met dagiti School Heads nga isuda Mr. Edison Solatre ti Sabang Elementary School ken ni Miss Mildred Naval ti Pug-os ES.
Kabayatanna, nayeskediul met ti Setiembre 26, 2014 a panagsasalip dagiti pageskuelaan a mangbukel iti Zone III ken Zone IV a maangay idiay pageskuelaan ti  Barangay Pila, Cabugao, Ilocos Sur ken iti Barangay Sisim, Cabugao, Ilocos Sur kas panagsaganadda.

Kalpasan iti Zone Meet a pakapilian dagiti umaayam, maangayto ti District Meet a pagsasalipan dagiti mapili nga atleta kadagiti uppat a sona iti mayeskediul nga aldaw iti Cabugao DepED District. # (Web In-Action)

SUMREKAN A DALAN ITI BRGY. SABANG, MAPAGNUMARANEN

Cabugao, Ilocos Sur – Nakongkreton ti sumrekan a kalsada kasta metten ti masungad a rangtay a mapan iti Barangay Sabang, Cabugao, Ilocos Sur, maibilang a maysa kadagiti Tourist Destination ti ili a Cabugao, Ilocos Sur ken nalatak a lugar a pakaang-angayan ti Surfing Competition.

Iti pannakiuman ti Web In-Action iti Setiembre 25, 2014, impeksa dagiti lumugar ken dagiti Opisiales ti Barangay nga idauluan ni Brgy. Captain Atilano Saquiton iti naan-anay a panagyamanda iti Gobierno Lokal ti Cabugao ken iti Gobierno Probinsial iti agtultuloy a pannakapasayaat dagiti pasilidad ken impraestruktura ti barangay a mangpasayaat pay iti aglawlaw a mangawis kadagiti Turista nga agpasiar kadaytoy a barangay.

Iti agdama, maang-angay ti Zone II Athletic Competition 2014 iti Sabang Elementary School a pagpartisiparan ditoy dagiti pageskuelaan ti Brgy. Namruangan, Daclapan, Dardarat, Sabang, Turod ken ti Salomague. # (Web In-Action)

SPES, INAWATDA TI GUNGGONADA ITI DOLE

Cabugao, Ilocos Sur –  Inawat dagiti agtutubo a nagtrabaho iti naipatungpal nga  Special Program for the Employment of Students (SPES) a nagbuligan nga inggannuat ti Department of Labor and Employment (DOLE)-Vigan City ken  ti LGU-Cabugao para kadagiti nagkasapulan ti trabaho nga agad-adal itay  bakasion ti Mayo 2014.

Inawatda ti tsekeda a kaibatogan ti bayad ti serbisioda manipud kada Mayor Edgardo “Ediboy” S. Cobangbang, Jr. ken ni Mr. Emmanuel Hagad, Head, DOLE Ilocos Sur Field Office iti Opisina ti Mayor ti ili  iti Setiembre 24, 2014.

Maibatay  iti rekord ti Human Resource Management Office (HRMO)  ti LGU-Cabugao, umabot ti 50 nga estudiante ti naikkan  iti trabaho itay  Summer Vacation 2014  babaen iti panagtrabahoda kadagiti Opisina iti  nadumaduma a Departamento ti LGU a nakaidesignaranda. Tallo a Batch ti naituyang a panagtrabaho dagitoy a nagaplikar nga estudiante a naggapu iti nadumaduma a barangay ti ili.  

Iti pannakiuman ti Web In-Action kadagiti estudiante iti Setiembre 24, 2014, imbatad dagiti  immawat  ti SPES Check nga agyamyamanda unay  iti LGU-Cabugao ken ti DOLE-Vigan City  ta dakkel ti maitulongna iti 30 nga aldaw a panagtrabahoda  a nakateggedanda  iti nayon ti gastosenda. # (Web In-Action)

NAPNEK DAGITI CABUGAOENIOS TI BANAG DAGITI PROYEKTODA

Cabugao, Ilocos Sur – Kalpasan ti Flag Ceremony idi Setiembre 23, 2014, impadamag ken impeksa ni Mayor Edgardo “Ediboy” S. Cobangbang, Jr. ti ragsakna iti napintas a pagkunaan dagiti kakailian a Cabugaoenios maipapan iti pannakaibanag dagiti proyekto nga indonarda ditoy ili ti Cabugao, Ilocos Sur manipud ti rugi  ti  panagtakemna agingga iti agdama.

Sakbayna, ti  Ama ti Ili ket naikkan ti gundaway itay nabiit a bimmisita  kadagiti Cabugaoenios iti pagilian ti Amerika. 
Kanaig daytoy, pinadayawan ni Mayor Ediboy iti agtultuloy a natunos a panangsangaili ti Pamilia-LGU ken dagiti umili   kadagiti Balikbayans iti yuumayda a panagbakasion ditoy ili ti  Cabugao ket agtultuloy koma latta iti pannakaiparikna kadakuada ti nabara a pannakasaraboda ken sangsangkamaysa koma ti panagyaman dagiti umili kadagiti proyektoda a mangnayon iti pagimbagan dagiti umili ti Cabugao, Ilocos Sur.

Kabayatanna, pinadayawan pay ti Ama ti ili iti akem dagiti Municipal Officials, MDRRMC,  Municipal Police Station ken iti Bureau of Fire Protection (BFP-Cabugao) iti agtultuloy ken napintas a pannakaipaay dagiti serbisio kadagiti umili, pannakamantener ti linak ken talna ken pannakatarabay dagiti umili iti panawen dagiti napalabas a kalamidad. # (Web In-Action)

LIVELIHOOD ASSISTANCE, IMPAAY TI DOLE

Cabugao, Ilocos Sur – Naaramid ti pannakai-turn-over ti Tseke nga aggatad iti P382,000 manipud iti Department of Labor and Employment (DOLE)-Vigan City, Ilocos Sur a maited  iti Cabugao Vegetable Producers and Traders Association nga idauluan ni Mr. Armando Azcueta, Presidente.

Naaramid ti Turn-over iti Opisina ti Mayor iti Setiembre 24, 2014.

Inimatangan ni Mayor Edgardo “Ediboy” S. Cobangbang, Jr. a binayabay dagiti LGU Department Heads/Personnel, Opisiales ti Asosasion ken dagiti pannakabagi ti DOLE-Vigan City nga idauluan ni Mr. Emmanuel Hagad, Head, DOLE Ilocos Sur Field Office iti pannakai-turnover ti nasao a gatad a maigatang iti Kuliglig ken Water Pump. Ited met ti LGU-Cabugao ti Counterpart-na a P120,000 a maigatang ti Hose a kanayon  ti waterpump para kadagiti agusar a kameng ti Asosasion. # (Web In-Action)

NAGLEPPAS TI MASS IMMUNIZATION KADAGITI BRGYS.

Cabugao, Ilocos Sur – Nagleppas ti panangidanon dagiti Medical Personnel ti Rural Health Unit (RHU)-Cabugao nga idauluan da  Dr. Bernardino M. De Gracia, OIC Municipal Health Officer ken ni Public Health Nurse Mrs. Janet Sison  iti serbisio ti panagbakuna iti “Anti-Measles Rubella with Oral Polio Vaccine” kadagiti ubbing  iti 33 a barangay ti ili a Cabugao, Ilocos Sur ita nga aldaw ti Setiembre 24, 2014.

Daytoy a nasaknap a panagbakuna ket maikonsentrar iti panglapped ti sakit a Kamuras, Polio, Neumonia (adda uyekna  a pugiit), segun iti RHU Staff. Nabakunaan dagiti ubbing  iti kada barangay ti ili a Cabugao tapno maantisiparan ti panagraira ti virus iti nasao a sakit.

Kabayatanna, pinasingkedan ni Ms. Jeannette Garcia, Public Health Sanitary Inspector iti LGU-Cabugao a napukawen ti insidente ti Dengue kasta met ti sakit a Meningococcemia   maigapu ta naadalanen dagiti umili iti naan-anay a panangliklik iti pakaigapuan ti  nasao a sakit babaen iti agtultuloy a panangtarabay ti LGU-Cabugao ken ti Departamento ti Salun-at (DOH) kadakuada.

Inulit ni Mrs. Garcia dagiti nasamay nga addang a pinangparmekda iti Dengue Occurrence kas iti sumaganad: 

1. Iraman dagiti RHU Personnel a naibagbaga iti kada pasienteda iti inaldaw iti nasken nga aramidenda tapno maliklikan ti pannakakagat ti agranggas a lamok ken no kasano a paksiaten ida.

2. Pannakaiwayat ti nasaknap nga “Oplan Taob” a kangrunan a katinnulong ti DOH-LGU, MDRRMC ken  dagiti Opisiales ti Konseho iti  barangay ti ili.

3. Nakoordinar dagiti ospital pribado/pampubliko  iti uneg ti ili kasta met kadagiti kadarapat nga ili tapno ti maseknan a kinapet ti dengue nga agnaed ditoy nga ili ket matulongan pay  a mangsaranget kadayta a sakit.

4. Nawarasan ti amin a household ti barangay iti OV-Trap tapno masigud a makeltay ti itlog ti lamok a mangpataud ti dengue no mapalusposan a dumakkel daytoy.

5. Maaramat pay ti de-fogging iti apektado a disso no nasaknapen ti panagwaras dagita a makadangran a lamok.

6. Agtultuloy a kooperasion ti tunggal Ahensia a manglapped iti itataud daytoy a sakit. # (Web In-Action)

MAIREHISTRO TI BARO NGA ASOSASION ITI DOLE-VIGAN CITY

Cabugao, Ilocos Sur – Kalpasan ti pannakaratipikar ti pannakabukel ti Asosasion ti New Cabugao Onion and Garlic Association nga idauluan ni Mr. Henry B. Saliganan, Presidente, nairehistron  ti papeles daytoy nga Asosasion iti Department of Labor and Employment (DOLE)-Vigan City.

Iti miting ti Asosasion iti Setiembre 24, 2014 iti 2nd Floor Municipal Building, Cabugao, Ilocos Sur, napagtutulaganda iti wagas a panangusardanto iti naited kadakuada a Power Sprayer kasta metten  no kasano a makinegosiarda ken ni Mr.  PJ Manalo a mangited ti bin-ida.

Malaksid itoy, napagnunumuanda pay no kasano a mapatibkerda ti gimongda babaen iti napintas a recording, agtultuloy a  pannakikammayetda iti LGU-Cabugao ken dadduma pay nga Ahensia a maseknan a makatulong kadakuada nangrunanto iti merkado (panaglako) ti produktoda. # (Web In-Action)

RELIEF GOODS, NAITED KADAGITI NAAPEKTARAN TI BAGYO MARIO

Cabugao, Ilocos Sur – Nagtignay ti nabukel a  Relief Operations Team ti Municipal Social Welfare and Development (MSWD) nga idauluan ni Mrs. Lydia S. Gazmen ket nagitedda ti Relief Goods (Bagas, Sardinas ken Payless) kadagiti naapektaran nga indibidual ken Pamilia maigapu iti idadaliasat ti Bagyo Mario idi Setiembre 19-21, 2014.

Immuna a nagturongan ti grupo iti Barangay Quezon, Cabugao, Ilocos Sur nga immuna a nakaisubmiter ti listaan dagiti naapektaran a pamilia (nalayus iti igid ti karayan ken Creek ken nadadaelan  ti balayna) sa simmaruno iti Barangay Pug-os sa iti Barangay Aragan.

Kabayatanna, nagtignay dagiti Opisiales ti Barangay nga idauluan ti Punong Barangay kadagiti 33 a barangay ti ili ti Cabugao tapno bisitaenda dagiti naireport a naapektaran a pamilia/indibidual  iti lugarda  iti bagyo kasta met a tumulongda a mangtingiting iti crop damage iti benneg ti agrikultura kadagiti nagpasiar a Teknisian ti DA-lgu Cabugao  a pakairamanan ti impraestruktura ken kanaigna a pasilidad ti barangay a nadadael iti idadaliasat ti Bagyo Mario.

Kanaig daytoy, agtultuloy latta ti Relief Operation and Distribution Team ti Munisipio kadagiti dadduma pay a barangay ti ili a nagireport iti naapektaran agingga a sapasap a maikkan ti tulong dagiti maseknan a pamilia ken indibidual. # (Web In-Action)

TYPHOON MARIO, NAPARDAS TI AKSION KEN TINNULONG

Cabugao, Ilocos Sur – Ilaylayat pay laeng ni Bagyo Mario ti panagdaliasatna idi malem ti Setiembre 19, 2014, dinoblen ti panagsagana ti puersa ti Municipal Disaster Risk Reduction Management Council (MDRRMC)  nga idauluan da Engr. Nestor B. Somera ken ni Municipal Engineer Crescencio C. Formoso a pakairamanan  ti Skeletal Force ti LGU-Cabugao ket naguurnongda  iti Municipal Hall ti ili a Cabugao tapno makipagtamingda iti pakaseknan ken problema a parnuayen ti nasao a kalamidad.

Nangbukel ti MDRRMC-Cabugao iti  Rescue Team ket nagpatnagda a naguray iti agpa-rescue a maapektaran  kadagiti 33 a barangay kabayatan ti isasaplit ti bagyo.

Iti kaaldawan ti Setiembre 20, 2014, nagindurog ti pigsa ni Bagyo Mario iti dayta a nagmalem ket nagrekurida ti MDRRMC Team/LGU Officials kadagiti barangay partikular kadagiti dati a malaylayus a disso. Napalagipan dagiti umili babaen iti tulong dagiti Barangay Officials  nga agnaed kadagiti asideg ti Karayan, Creek, rangkis agraman iti igid ti kabaybayan nga agalertoda ken ka-koordinarda dagiti Opisiales ken kameng ti maaksionan daras dagiti mapagteng a didigra.

Nakasagana met dagiti Hotline Numbers ti MDRRMC Operation Center iti Munisipio.

Kabayatanna, maaksionan met a  daras dagiti masep-ak a sanga ken mabual a pinuon ti akasia/kayo  iti National Highway babaen iti panagtinnulong ti Bureau of Fire and Protection (BFP-Cabugao) Team kasta metten iti Municipal Police Station Team – Cabugao, sibilian a maapektaran ken Opisiales ti Barangay iti dayta a disso nga agipakni ken mangwada iti dalan tapno naannayas ti panagdaliasat dagiti lugan. Kabayatan ti isasaplit ti bagyo, saan unay nga agbayag iti maparnuay a trapiko iti Kalsada Nasional ta nakasagana met dagiti maikinaria ti LGU-Cabugao nga agipakni kadagiti makasali ti dalan a di kabaelan ti mano-mano kasta met dagiti agsullat a rugit kadagiti   drainage crossing  kas idiay Barangay Cuancabal.

Iti Setiembre 21, 2014 (Domingo), kimmapsut  ti epekto ti Supertyphoon  Mario  ngem napigsa pay laeng ti tudona agingga iti malem. Nagtalinaed dagiti Rescue Team ti MDRRMC-Cabugao iti Munisipio ken kadagiti disso nga agkasapulan ti tulong. Nagtalinaed latta ti puersa ti MDRRMC-Cabugao Team agraman kadagiti support unit kas iti PNP-Cabugao, BFP-Cabugao, Barangay Officials ken sibilian a lumugar kadagiti barangay a maseknan. # (Web In-Action)