47 A NAGADAL TI CARPENTRY, NAGTURPOSDA

Cabugao, Ilocos Sur – Nagturpos ti 47   nga 4Ps Beneficiries iti Training on Carpentry a naggapu manipud kadagiti 33 a barangay  iti  ili iti Municipal Hall Ground, Cabugao, Ilocos Sur  kabayatan ti 15 nga aldaw (Hulio 12-28, 2016)  a nagbuligan nga impatungpal ti Sustainable Livelihood Program ti DSWD ken ti kapartnerna,  LGU-Cabugao.

CLICK HERE TO VIEW MORE PHOTOS

Iti aldaw a panagturposda, naaramid ti pannakaited ti Certificate of Attendance ken dagiti Tool Kits kadagiti Trainees iti Cabugao Cultural and Sports Complex ita nga aldaw,  Hulio 29, 2016 nga inatendaran dagiti 47 Trainees, kameng ti Pamiliada, Opisiales ti Gobierno Lokal nga idauluan da Mayor Josh Edward S. Cobangbang ken ni Vice Mayor DJ Savellano agraman dagiti Staff ti MSWDO ken ti Municipal Link - 4 Ps Cabugao.

Iti Mensahena, dinayaw ni Mayor Josh Edward S. Cobangbang iti  regta dagiti Trainees a nangragpat ti adal a mabalinda nga isapul ti pagbiagda.  Innayon ni Mayor Josh Edward nga  awan ti rason a dida maipaayan iti pannarabay  dagiti aggagar a pumintas ti biagna babaen iti panagsanayda.

Innayon ti Alkalde Munisipal a dagiti ramit nga usarenda ket magatang ngem ti inadalda a naragpatda ket awan ti pangisukatanda ta manayon daytoy a katulonganda a mangnayon iti masapulanda.

Insupusop pay ni Mayor Josh Edward a matulongan pay ti Munisipio ida a mangisapul iti naadalda ta makatulong pay iti ekonomia ti ili gapu ta no ngumato ti matgedanda ket kabaelanda ti gumatang iti kayatda a pagimbagan ket pumintas met ti taray ti negosio ken taripa a maited iti Gobierno Lokal.

Nagsarita met ni Vice Mayor DJ Savellano ket kinablaawanna dagiti naggraduar. Innayonna a no napulido ti gapuananda ket agdinamag iti kabaelanda ket alaenda ti serbisioda nga umaduan pay ti masapulanda.

Indauluan ni Mayor Josh Edward dagiti Opisiales ken pannakabagi ti DSWD, MOO-4Ps  ken MSWDO a nangimatang iti pannakaited  dagiti Sertipiko ti Panagturpos.

Nagsarita met da Mr. Dennis P. Aguimbag, SLP Officer-DSWD ken ni SBM Dr. Jemaima S. Tan-Yee, pannakabagi ti Committee on Social Services ket kangrunaan nga anag ti mensaheda ti pannakaipakat ti inadalda tapno manayonan pay ti maited kadakuada a pagsayaatan.  

Nakikaysa iti graduation activities  da Vice Mayor DJ Savellano;   SBM Danny Q. Gazmen; SBM Dr. Jemaima S. Tan-Yee;  SBM Jayhan Alcid -Tan  ken ni ABC President Thaddeus “Teddy”  U. Soller. # (Web In-Action)

CLICK HERE TO VIEW MORE PHOTOS

MUNICIPAL NUTRITION FORUM, NAANGAY

Cabugao, Ilocos Sur – Naangay ti Celebration ti Municipal Nutrition Month 2016 babaen iti Tema:  “First 1000 Days ni baby pahalagahan para sa malusog na kinabukasan.” iti St. Mark the Evangelist Social Hall, Cabugao, Ilocos Sur a nagatendaran dagiti Barangay  Nutrition Scholar iti 33 a barangay ti ili; pannakabagi ti PNP-Cabugao; RHU-Cabugao; DA-LGU; MLGOO ken MSWDO idi Hulio 28, 2016.

Nangted ti mensahena ni Mayor Josh Edward S. Cobangbang kadagiti nagatendar ken dagiti umili iti pannakipagselebrar ti ili a Cabugao iti agtultuloy a pannakaitandudo ti Nutrision.

Innayon ni Mayor Josh Edward a maipamaysa koma ti nutrision dagiti agtan-ay nga ubbing tapno mapasayaat ti pisikal ken mental a kasasaadda kabayatan iti panagdakkelda tapno agbalinda a mapangnamnamaan nga umili iti masakbayan.

Nagsarita da MSWD Officer Mrs. Lydia S. Gazmen; MLG Officer Connie Quinola; OIC MHO Dr. Bernardino P. De Gracia III ken ni SBM Dr. Jemaima S. Tan-Yee, pannakabagi ti Committee on Social Services. Anag ti Mensaheda iti pannakaitultuloy ti naregta nga implementasion dagiti programa iti Nutrision  iti Munisipalidad  tapno maikkat a mamimpinsan ti problema ti Malnutrision.

Nagatendar met da Vice Mayor DJ Savellano; SBM Josefina S. Vallejo;  MLG Officer Connie Quinola; PO2 Nazette Aberin Ibe; Acting Municipal Agriculturist Robert  Savella; OIC Municipal Health  Officer,  Dr. Bernardino P. De Gracia III; MSWD Officer Mrs. Lydia S. Gazmen; MNAO Ms. Jeanette Garcia ken ni Ms. Melanie Saquiton. # (Web In-Action)

NAI-TURNOVER TI BARO A WASTE COMPACTOR TRUCK TI LGU-CABUGAO

Cabugao, Ilocos Sur – Naaramid ti pannakai-turnover  ti kabarbaro a Waste Compactor Truck iti Green Innovations and Consultancy Services, Inc. (GICSI), kapartner ti Local  Government Unit (LGU)-Cabugao babaen iti Integrated Solid Waste Program Under Public-Private Partnership Scheme iti sango ti Municipal Hall Building  ita  a  Hulio 28, 2016.

Iti nasao a turnover, inimatangan ti Pamilia-LGU ken dagiti Opisiales Lokal ti ili a Cabugao nga idauluan ni Mayor Josh Edward S. Cobangbang. 

Nakipaset met dagiti Staff ti Green Innovations and Consultancy Services, Inc. iti nadakamat a turnover.  # (Web In-Action)

ALIKAMEN TI BARANGAY, NAI-TURNOVER ITI BARANGAY NAGSINCAOAN

Cabugao, Ilocos Sur – Naangay ti Turn-over dagiti Equipments  (Rolyo ti Hose, Knapsack Sprayer ken Jetmatic Pump) kadagiti Opisiales ken bumarangay  ti Barangay Nagsincaoan, Cabugao, Ilocos Sur   nga idauluan ni  Punong Barangay Modesto Bringas  idi Hulio 27, 2016 iti nasao a barangay.

Inyallawat ni Mayor Josh Edward  S. Cobangbang dagiti ramit    kadagiti Opisiales/lumugar iti nadakamat a barangay ken  binayabay dagiti Konsehales ti ili a nagatendar nga isuda  SBM Danny Q. Gazmen;  SBM Vicky S. Serna; SBM  Dr. Jemaima S. Tan-Yee; SBM Josefina S. Vallejo ken ni SBM Atty. Randy B. Kinaud 

Imbatad dagiti lumugar a napateg daytoy a nagun-odda manipud iti LGU-Cabugao nga idauluan ni Mayor Josh Edward S. Cobangbang    a mangpanam-ay ken mangtulong kadagiti lumugar ti Barangay Nagsincaoan.

Innayonda pay a mantenerenda a nasayaat dagitoy a naited kadakuada a ramit tapno agtultuloy a mapagtalinaed iti usarda  kadakuada. # (Web In-Action)

CASH FOR WORK DAGITI BARANGAY TI CABUGAO, NAITED

Cabugao, Ilocos Sur – Inawat ti 495  nga umili (4Ps Recipients)  iti bayad ti panagtrabahoda (10 nga aldaw ti nabatayan ti tunggal maysa) iti Cash for Work Program ti Department of Social Welfare and Development (DSWD) a  tinarabay ti LGU-Cabugao kadagiti 33 a barangay ti ili idi Hulio  27, 2016 iti Cabugao Cultural and Sports Complex, Brgy. Rizal, Cabugao, Ilocos Sur.

Nasangaili ti pannakabagi ti DSWD Regional Office 1 a tinulongan dagiti Staff ti MSWDO nga idauluan ni MSWD Officer Lydia S. Gazmen iti pannakaproseso dagiti papeles dagiti nag-claim nga umili sakbay nga inawatda ti mabatayanda a bayad a nakakuentaan ti aldaw a panagobrada iti barangay-da.

Sakbay a nairugi ti Pay-out ket kimmablaaw ken nagyaman ni Mrs. Gazmen.  Inlawlawagna ti pakabuklan ti programa ti Cash  for Work ti DSWD ket pagyamananna iti  agtultuloy a  suporta ti LGU-Cabugao nga idauluan ni Mayor Josh Edward S. Cobangbang kasta metten  kadagiti Opisiales ti DSWD ta simmangpet manen  daytoy nga inur-uray dagiti agobra iti Cash for Work Program. 

Naipagteng ti Mensahe ni Mayor Josh Edward S. Cobangbang. Kimmablaaw ken nagyaman iti daytoy a pagsayaatan nga impagteng manen ti nasional a gobierno a mangpalag-an ti kasasaad ken rikna  dagiti umili. Dinayaw ti Alkalde Munisipal  dagiti kailianna  ta ammoda nga itrabaho  dagiti naipakumit kadakuada a pagrebbengan iti pannakasagrapda kadaytoy a pagimbagan. 

Dinakamat ni Mayor Josh Edward ti pateg ti pakabuklan iti P940,500 a gatad a masagrap ita nga aldaw dagiti kailianna nga immawat iti Cash for Work Program.

Iti pannakiuman ti Web In-Action kadagiti umawat ti bayad ti panagtrabahoda (P190 ti tangdan iti kada aldaw)  ket impeksada ti nalaus a panagyamanda iti Gobierno Munisipal nga idauluan ni Mayor Josh Edward  kasta metten iti DSWD ta no kaskasano ket makatulong kadakuada daytoy nga inawatda ken nangruna a para gastos   iti pamiliada. # (Web In-Action) 

PAY-OUT TI 4 Ps BENEFICIARIES, NAGSARUNO A NAANGAY ITI HULIO 2016

Cabugao, Ilocos Sur – Naangay ti Pay-out (Over the Counter) ket naserbisyuan iti umabot ti 93   a Beneficiaries    ti  Pantawid Pamilyang Pilipino Program (4 Ps) a naggapu kadagiti 33 a barangay ti Munisipalidad ti Cabugao idi Hulio 12,  2016 iti Municipal Hall Building iti dayta a petsa. Dua a bulan (Abril-Mayo) 2016  ti naalada a mabatayan iti awatenda a gatad.

Nagatendar iti nasao a Payout Activity ti Payout Team a binayabay ni Mrs. Lydia S. Gazmen kasta metten dagiti Staff ti 4 Ps Municipal Link-Cabugao a nagiyawat iti kantidad kadagiti Recipients. 

Timmarabay met dagiti Staff ti MSWDO-Cabugao nga idauluan ni MSWD Officer Mrs. Lydia S. Gazmen a kaduana da Mrs. Wilma S. Cruz; Ms. Jessie Ann O. Tabut; Ms. Juliet Madriaga; Miss Aida S. Cueto ken ni Ms. Rosemarie Pespes. 

Kabayatanna, naangay ti Pay-out iti umabot ti 1,553 a bilang ti 4 Ps Beneficiaries a naggapu iti 33 a barangay ti ili a Cabugao  babaen iti Cash Card ken ti ATM Booth Machine ket innalada ti Cash Grant-da idiay San Juan ken Sinait, Ilocos Sur idi Hulio 18-22, 2016.

Ti Programa ti 4 P’s ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama babaen iti liderato ni Mayor Josh Edward S. Cobangbang. Daytoy ket naipangruna a programa ti National Government babaen iti panangipatungpal ti Ahensia ti DSWD ken  kapartnerna ti LGU-Cabugao  a makasakup kadagiti benepisiario. # (Web In-Action)

BLESSING KEN CUTTING OF RIBBON TI 3 A BRGY. HEALTH STATION, NAANGAY

Cabugao, Ilocos Sur – Naangay ti pannakabendision ken cutting of ribbon dagiti tallo a naipasdek a Barangay Health Station a masarakan iti Brgy. Turod Patac, Brgy. Reppa-ac ken ti Barangay Sabang, Cabugao, Ilocos Sur ita a  Hulio 27, 2016.

CLICK HERE TO VIEW MORE PHOTOS

Immuna a naaramid ti seremonia idiay Barangay Turod Patac a daytoy ti  pannakagetteng ti laso iti kabarbaro a pasdek ti  Barangay Health Station babaen kada Mayor Josh Edward S. Cobangbang ken ni Dr. Artemio S. Gambalan, MD., DOH Regional Representative a nangibagi ken ni Regional Director Dr. Myrna C. Cabotaje, MD., MPH, CESO III nga inimatangan dagiti Opisiales ken lumugar ti Barangay Turod Patac.

Simmaruno  ti panangidaulo ni Rev. Fr. Felix Costales iti panagkararag ken panangbendisionna iti amin a parte ti kabarbaro a pasdek a binayabay da Mayor Josh Edward; Dr. Gambalan; Dr. Bernardino P. Degracia III, OIC Municipal Health Officer ti Cabugao; Ms. Beverly Ramos, DOH Representative ti Cabugao; Barangay Officials; RHU-Cabugao Staff Members; RN-Heals Nurses ken bumarangay a nagatendar.

BRGY. TUROD-PATACK HEALTH STATION

Naisaganad  ti ababa a  programa. Nangited ti mensahena  ni Mayor Josh Edward S. Cobangbang. Kimmablaaw ken nagyaman kadagiti amin a nagatendar. Dinakamatna ti pateg daytoy a naited ti Departamento ti Salun-at (DOH) a pagimbagan kadagiti lumugar iti daytoy a deppaar ket sapay koma ta ammo dagiti lumugar a bigbigen ti pateg daytoy a  proyekto  a maiserbi kadakuada.

Simmaruno a nagsarita ni Dr. Artemio S. Gambalan, M.D. Kimmablaaw ken nagyaman iti amin a nakipaset iti Cutting of Ribbon Ceremony. Imbasana ti naisurat a mensahe ni Dr. Cabotaje kadagiti Opisiales ken lumugar iti tallo a barangay a nakabangonan ti Barangay Health Station.  

Kalpasanna, imbasa ni Ms. Ramos ti linaon ti Certificate of Acceptance and Turnover of Barangay Health Station. Nagpinnirma da Mayor Josh Edward ken ni Dr. Artemio S. Gambalan iti imatang ti amin a nagatendar.

Iti Closing Program, pinagyamanan ni Punong Barangay Edgardo Celestino G. Sonido dagiti amin a nakipaset  iti nasao a taripnong ken kasta metten  dagiti nakipaggamulo iti naballigi a pannakaipatungpal ti nadakamat nga  aktibidad.

Simmaruno a napanan ti grupo da Mayor Josh Edward ken ti DOH ken RHU Team iti Barangay Reppa-ac a nakaaramidan met laeng iti Blessing and Cutting of Ribbon. Maudi a naaramid ti pannakagetteng ti laso iti pannakaisibro ti kabarbarto a Barangay Health Station-da  iti Barangay Sabang.

Nagatendar met dagiti kameng ti Konseho Munisipal  nga isuda SBM Danny Q. Gazmen;  SBM Vicky S. Serna; SBM  Dr. Jemaima S. Tan-Yee; SBM Josefina S. Vallejo ken ni SBM Randy B. Kinaud ken kasta metten da MPDC Florante Jara; Mr. Edgar S. Balangatan, AT; Mr. Arvin Manauis, Staff, Office of the Mayor  ken ni Ms. Hazel Formoso, destino a Midwife ti barangay ken bisita. # (Web In-Action)

BRGY. REPPAAC HEALTH STATION

BRGY. SABANG HEALTH STATION

BARO A WASTE COMPACTOR TRUCK TI LGU-CABUGAO, NABENDISIONAN

Cabugao, Ilocos Sur – Naaramid ti pannakabendision ti kabarbaro a Waste Compactor Truck ti Local Government Unit (LGU)-Cabugao iti Hulio 27, 2016 babaen iti panamendisir  ni Reverend Father  Felix Costales, Parish Priest, St. Mark the Evangelist, Cabugao, Ilocos Sur iti sango ti Municipal Hall Building.

Iti nasao a pammendision, inimatangan dagiti Opisiales Lokal ti ili a Cabugao nga idauluan ni Mayor Josh Edward S. Cobangbang ken binayabay dagiti kameng ti Konseho Munisipal nga isuda SBM Danny Q. Gazmen;  SBM Vicky S. Serna; SBM  Dr. Jemaima S. Tan-Yee; SBM Josefina S. Vallejo ken ni SBM Atty. Randy B. Kinaud. 

Nakipaset met da MPDC Florante Jara; Mr. Edgar S. Balangatan, AT; Mr. Arvin Manauis, Staff, Office of the Mayor agraman dagiti Personnel iti nadumaduma a Departamento/Section ti LGU-Cabugao.  # (Web In-Action)