COVERED CANAL TI BARANGAY BONIFACIO, NAINAGORARAN

Cabugao, Ilocos Sur – Naangay ti seremonia ti pannakainagorar  ti nairingpas nga  Storm Drainage via  Covered Canal  iti Gen. Antonio Luna Street, Brgy. Bonifacio, Cabugao, Ilocos Sur iti Enero 9, 2013. Naaramid ti proyekto babaen iti DILG Performance Challenge Fund a nainayon nga inabak ti LGU-Cabugao  babaen iti inisiatibana.

Inimatangan dagiti Opisiales  ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a kaduana da Vice Mayor Danny Q. Gazmen, MLGO Officer Connie L. Quinola, MPDC Florante Jara, ABC President  Brgy. Captain Teddy U. Soller, SB Member Benedict M. Savellano, SB Member Josefina S. Vallejo ken SB Member Carlos V. Sison agraman dagiti Kapitanes kadagiti barangay ti ili a Cabugao.

Iti pannaki-amad ti Web In-Action, pinagyamanan  ni Brgy. Captain Valentin  S. Tuyor iti pannakaileppas daytoy a proyekto a mangted ti pagimbagan dagiti kabarangayanna.

Kadua met ni Kapitan Tuyor dagiti padana nga  Opisiales ti Barangay Bonifacio agraman dagiti  bumarangay a naitaripnong  iti nasao  a seremonia iti disso ti nadakamat a proyekto. (Web In-Action)