GRADUATION DAGITI PAGADALAN TI CABUGAO, NAILEPPAS ITI MARSO 28

Cabugao, Ilocos Sur – Naaramid ti Closing Exercises ti  amin a pageskuelaan ti Cabugao DepEd District idi Marso 28, 2014  babaen iti Tema: “Hindi Natitinag ang Pusong Pilipino”.

Maibatay iti eskediul a binukel ti Cabugao DepEd District nga idauluan ni Mrs. Helen V. Siruno, Public Schools District Supervisor, dagiti sumaganad ti naipaulog nga eskediul ti bigat ti Marso 28, 2014: Aragan Elementary School, Arnap ES, Sisim ES, Catucdaan ES, Carusipan ES, ken ti  Namruangan ES iti bigat ti Marso 28, 2014. 

Naaramid met ti Closing Exercises iti malem iti dayta nga aldaw ti  Sagayaden Elementary School, Maradodon ES/Caset Primary School, Pug-os ES, Nagsantaan Primary School ken ti Dardarat ES. 

Kadagiti nasao nga eskediul, kangrunaan a nangibagi ti  LGU-Cabugao iti nasao a Graduation Ceremonies kadagiti nadakamat a pageskuelaan  ket da SB Member Dr. Jemaima S. Tan-Yee, Committee Chair on Education ken ni  SB Member Josefina S. Vallejo.

Kabayatanna, kinablaawan ni Mayor Edgardo “Ediboy” S. Cobangbang, Jr.  dagiti amin a nagturpos, nagannak/Guardians, mangisursuro, Guest Speakers, bisita ken dagiti amin a nangimatang iti panaggradduar dagiti ub-ubbing iti elementaria kadayta nga aldaw.

Anag ti Mensahena iti agtultuloy koma a panangtarabay dagiti nagannak kadagiti annakda a nagturpos a mangituloy iti adalda iti nangatngato a benneg tapno sumayaat ti biagda ken mainayonda manen nga agbalin a responsable nga umili ti Cabugao, Ilocos Sur.

Kinablaawanna met dagiti mangisursuro a katulongan dagiti nagannak kasta met dagiti Guest Speakers a nangted ti inspirasion ken  kaaduan kadagitoy ti patanor dagita a pagadalan. Inulit ni Mayor Ediboy nga impalagip iti pannakaimarka koma  ti nagan dagiti Guest Speakers iti likudan ti entablado dagiti pageskuelaan tapno maipamatmat a patanorda iti dayta a  pageskuelaan ken pagwadan dagiti sumarsaruno a tukad ti agad-adal nga ubbing.

Kadua ti Ama ti Ili  ti kapisi ti pusona a  nangipaay  kadagiti Gold Medals/Medal for the Best Achiever of the Year nga insagut ti Pamiliana kadagitoy a nakagun-od ti pammadayaw a nagturpos kadagita a nadakamat a pageskuelaan.

Mainayon met a naited  ti Pammadayaw kadagiti nakagun-od a nagturpos dagiti  Medalia/dadduma pay a pammigbig a naited kadagiti naggraduar nga indauluan da Governor Ryan Luis V. Singson, Vice Mayor Deogracias Jose Victorino “DJ” H.  Savellano kadagiti Donors  a  nagited kadagitoy. 

Nangipaay met ti Confirmation of Graduates kadagiti nagturpos ni  Public Schools District Supervisor Helen V. Siruno. Paset pay iti Graduation Ceremonies ti Reading of the Message of the DepEd Secretary, Bro. Armin A. Luistro, FSC.  # (Web In-Action) 

CLOSING EXERCISES TI MARSO 27, INDAULUAN TI CABUGAO SOUTH KEN NORTH CS

Cabugao, Ilocos Sur – Naaramid ti Closing Exercises ti 14 a pageskuelaan ti Cabugao DepEd District idi Marso 27, 2014 nga indauluan dagiti dadakkel a pageskuelaan ti Elementaria iti Poblasion kas iti Cabugao South Central School ken iti Cabugao North Central School babaen iti sangsangkamaysa a Tema: “Hindi Natitinag ang Pusong Pilipino”.

Maibatay iti eskediul a binukel ti Cabugao DepEd District nga idauluan ni Mrs. Helen V. Siruno, Public Schools District Supervisor, immuna a naangay ti Closing Exercises iti Cabugao South Central School a nangrugi iti 6:30 A.M.; naggiddan ti Bungro Elementary School ken ti Recognition Day ti Cabugao North Central School iti 7:00 A.M.; naggiddan met iti eskediul ti Salomague Elementary School ken ti Daclapan Elementary School; simmaganad ti Sabang Elementary School ken nangrugi iti 8:00 A.M.; naggiddan met ti Cuantacla Elementary School ken ti Salapasap Elementary School iti 8:30 A.M. ken 9:00 A.M. met ti rugi ti Nagsincaoan Elementary School.

Kangrunaan a nangited ti Confirmation of Graduates  dagiti nagturpos da Mrs. Helen V. Siruno, Public Schools District Supervisor ken ni Mr. Rodel P. Suniega, Principal 1 ti Turod Elementary School kadagitoy a pagadalan a kagiddan ti itutulongda a nangited kadagiti Certificates kadagiti nagturpos ken panagmensahe ti District Supervisor.

Kadagiti nasao nga eskediul, kangrunaan a nangibagi ti  LGU-Cabugao iti nasao a Graduation Ceremonies kadagiti nadakamat a pageskuelaan  ket da SB Member Dr. Jemaima S. Tan-Yee, Committee Chair on Education, SB Member Josefina S. Vallejo ken ni SB Member Vicky S. Serna a nangited ti Award.

Kabayatanna, nagatendar met ni Mayor Edgardo “Ediboy” S. Cobangbang, Jr. iti Graduation Ceremonies kadagiti pageskuelaan iti dayta nga aldaw.

Kinablaawan ti Ama ti Ili dagiti amin a nagturpos, nagannak/Guardians, mangisursuro, Guest Speakers, bisita ken dagiti amin a nangimatang iti panaggradduar dagiti ub-ubbing iti elementaria kadayta nga aldaw.

Anag ti Mensahena iti agtultuloy koma a panangtarabay dagiti nagannak kadagiti annakda a nagturpos a mangituloy iti adalda iti nangatngato a benneg tapno sumayaat ti biagda ken mainayonda manen nga agbalin a responsable nga umili ti Cabugao, Ilocos Sur.

Kinablaawanna met dagiti mangisursuro a katulongan dagiti nagannak kasta met dagiti Guest Speakers a kaaduan kadagitoy ti patanor dagita a pagadalan. Inulit ni Mayor Ediboy nga impalagip iti pannakaimarka koma  ti nagan dagiti Guest Speakers iti likudan ti entablado dagiti pageskuelaan tapno maipamatmat a patanorda iti dayta a  pageskuelaan ken pagwadan dagiti sumarsaruno a tukad ti agad-adal kadagita  a pageskuelaan.

Nagturong ti Ama ti Ili a kaduana ti kapisi ti pusona a  napan nangiyukkor dagiti Gold Medals/Medal for the Best Achiever of the Year nga insagut ti Pamiliana kadagitoy a nakagun-od ti pammadayaw a nagturpos kadagita a nadakamat a pageskuelaan.

Mainayon met a naited  ti Pammadayaw kadagiti nakagun-od a nagturpos dagiti  Medalia/dadduma pay a pammigbig a naited kadakuada nga indauluan da Governor Ryan Luis V. Singson, Vice Mayor DJ Savellano kadagiti nagited kadagitoy. 

Kamalman ti Marso 27, 2014, naituloy ken naggiddan ti Closing Exercises kadagiti pagadalan ti Turod Elementary School ken ti Lipit Elelementary School; simmaruno ti Cael-layan Elementary School;  naggiddan ti oras ti Reppa-ac Elementary School ken ti Graduation Ceremonies ti Cabugao North Central School; ken naudi nga eskediul ti Pila Elementary School iti dayta nga aldaw.

Naaramid pay ti Coronation Ceremonies dagiti nagpakandidata a pageskuelaan kas iti Cuantacla Elementary School ken ti Bungro Elementary Schol iti karabiyan dayta nga aldaw ti Marso 27.

Nangipaay met ti Confirmation of Graduates kadagiti nagturpos da Mrs. Melvie S. Sajonia, Principal II, Cabugao South Central School ken ni Public Schools District Supervisor Helen V. Siruno iti dayta a malem. Paset pay iti Graduation Ceremonies iti Reading of the Message of the DepEd Secretary, Bro. Armin A. Luistro, FSC.  # (Web In-Action)

GRADUATION TI NORTH CENTRAL SCHOOL, NAISIBRO TI SCHOOL STAGE

Cabugao, Ilocos Sur – Naangay  ti Graduation Ceremonies ti Cabugao North Central School idi malem ti Marso 27, 2014 a nagpartisiparan ti 126 nga ubbing a naggradduar ti Elementaria, nagannak/guardians, mangisursuro,  PTA Officers ken bisita nga indauluan ni Mayor Edgardo “Ediboy” S. Cobangbang, Jr.

Nagpaay a Guest of Honor and Speaker ni Ms. Jennifer Lopez Bagaoisan, Empleado ti Light Railways Transport Authority (LRTA)-Pasay City.

Immuna a naaramid  ti Moments of Recognition iti agsapa ti Marso 27, 2014 a nakapadayawan dagiti ranking pupils  manipud iti Kindergarten agingga iti Grade V. Nagpaay a Guest Speaker ni Ms. Hazel S. Formoso, Registered Nurse, Class 2000 iti nasao a pagadalan.

Napnuan-kaipapanan ti pammagbaga ti Guest Speaker kadagiti naggraduar nga ubbing. Inladawanna ti pateg ti adal a kas naipangruna a ramit iti pananggun-od ti balligi ditoy a biag.

Iti pannakaited  dagiti Gold Medals, inyukkor ni Mayor Ediboy ti Balitok a Medalia kadagiti Honor Graduates ken Medal for the Best Achiever of the Year iti napagasatan  a nagturpos.

Simmaganad ti  pannakaibunong ti Certificates ket  kadua ni Mayor Ediboy da Mrs. Helen V. Siruno, Public Schools District Supervisor, ti Guest Speaker, Mrs. Estrellita M. Siruno, Principal II ken ni PTA President Maxfel S. Suboc  a nangiyawat kadagiti Certificates kadagiti naggraduar. 

Iti Mensahe ni Mrs. Helen V. Siruno, District Supervisor,  impeksana ti ragsakna a makaimatang iti pannakaisibro ti baro nga School Stage ti eskuela a nakaangayan ti Graduation Ceremonies. Pinagyamananna iti LGU-Cabugao nga idauluan ni Mayor Ediboy iti panangilungalongna  iti pannakaadda ti pageskuelaan ti kabukbukodanda  nga School Stage.

Pinalagipan ti District Supervisor dagiti nagannak nga itultuloyda koma a tarabayen dagiti annakda a nagturpos a mangituloy ti adalda iti nangatngato a tukad ta daytoy ti kapatgan a maipaay iti anak tapno pumintas ti masakbayanda.

Kalpasan iti pannakaaramid ti dadduma a parte ti programa ket nangipaay ni Mayor Ediboy iti Inspirational Message iti amin a nagatendar iti Graduation Ceremonies. Binigbig ti Ama ti Ili nga isu met ti agyaman ta nairana iti pannakaited kenkuana ti gundaway a mangidaulo ti ili iti pannakaadda ti School Stage a nabayagen a tinartarigagayan ti pageskuelaan a mapaadda. Nagyaman pay ti Town Chief Executive iti agtultuloy a talek ken pammati dagiti nagannak ken mangisursuro ket adu pay iti maited a pasilidad iti pagadalan agsipud ta ditoy ti sentro ti adu nga agpabasa nga aggapu iti kabangibang a barangay.

Insupusop ti Alkalde Munisipal iti maipapan iti Tema ti Graduation: “Hindi Natititinag ang Pusong Pilipino” ket kuna ni Mayor Ediboy a saan met nga agpatingga a mangpasayaat ti pageskuelaan  ti puso iti nasayaat nga Ilokano wenno Cabugaoenio.

Inted ni Mayor Ediboy ti Plake a pammadayaw iti kinalaing ni Christian Paul Lopez, Class Valedictorian 2014. Naipaayan met ti Ama ti Ili iti Pammadayaw a Plake (Citation) nga inted ti PTA-Cabugao  North Central School nga idauluan ni Mr. Maxfel S. Suboc ken iti DepED Cabugao District nga idauluan ni Mrs. Helen V. Siruno, Public Schools District Supervisor. Binayabay dagiti amin a mangisursuro ti Cabugao North Central School nga idauluan ni Mrs. Estrellita M. Siruno, Principal II iti pannakaiyawat ti Plake ken Pammadayaw ken ni Mayor Ediboy. # (Web In-Action)

UPDATES TI PROGRAMA TI SALUN-AT ITI MHO-RHU

Cabugao, Ilocos Sur -  Segun ken ni Dr. Bernardino M. De Gracia, OIC Municipal Health Officer ti ili a Cabugao, a maisagsagana ti 33 sets iti Weighing Scale ken ti Sphygnanometer a mausar dagiti Medical  Representatives iti 33 a barangay a kaaduanna kadagitoy ket dagiti met laeng Barangay Health Workers (BHW’s) ken dagiti Barangay Nutrition Scholars (BNS) kadagita a lugar. Maiwaras dagitoy a medical apparatus apaman nga adda iti go- signal ti Gobierno Munisipal nga idauluan ni Mayor Edgardo “Ediboy” S. Cobangbang, Jr.

Innayon pay ni Dr. De Gracia a maited pay iti mabiit dagiti insentibo dagiti Co-Health Implementors ti DOH-RHU iti barangay kas iti Health Leaders, Kalusugan Pangkalahatan Committee ken dagiti BHWs.

Innayon ni Dr. De Gracia a naregget latta ti agtultuloy a  pannakaipaay ti nasamay a  serbisio ti salun-at iti RHU-Cabugao para kadagiti umili. Babaen pay  iti maiwaywayat a panagadal ti DOH, imbatad  ni Dr. De Gracia a posible a maikkan ti nayon a  Doktor ken Nurse iti RHU maigapu iti pagannurotan a masapul nga adda maysa a Doktor a mangtaming iti kada 20,000 a bilang ti Populasion. Nupay kasta, kuna ti Doktor nga agpannuray daytoy iti kinaadda ti pundo para kadaytoy a gakat iti maysa a Gobierno Lokal. 

Dagitoy nga aksion ken inisiatiba ket gubuay iti agtultuloy a panangsuportar  ti LGU-Cabugao nga idauluan ni Mayor Edgardo “Ediboy” S. Cobangbang, Jr. para iti nasalun-at,  produktibo ken naasenso nga umili ti Cabugao, Ilocos Sur. # (Web In-Action)

BRANDING KEN BAKUNA TI DINGUEN, MAILEPLEPPASEN

Cabugao, Ilocos Sur - Mailepleppasen ti Municipal-wide Deworming and Branding of Large Ruminants and Rabies Vaccination of Household Pets”  kadagiti 33 a barangay ti Munisipalidad ti Cabugao  babaen iti grupo ti DA-LGU nga irepresentaran ni Dr. Melvyn G. Castro, DVM, Municipal Livestock Coordinator.

Nangrugi ti nasaknap a trabahoda idi Marso 4, 2014 ket manamnama nga agpatingga inton Marso 27, 2014.  Dua a barangay ti nakaeskediul a papanan dagiti pannakabagi ti DA-LGU  iti inaldaw ket nakigiddanda a nagtrabaho kadagiti pannakabagi ti Municipal Treasurer’s Office babaen iti Tax Mapping Campaign-da kadagiti barangay.

Sakbayna, naited iti LGU Cabugao dagiti kasapulan  nga (Anti-Rabies/Livestock Vaccines)  para iti Livestock manipud iti Provincial Veterinary Office, Vigan City iti panangidaulo ni Provincial Veterinarian Joey Warren A.  Bragado, DVM kas paset ti Animal Care/Livestock Program ti Gobierno Probinsial nga idauluan ni Gov. Ryan Luis V. Singson.

Dagitoy nga aksion ken inisiatiba ket resulta ti nakammayet  a programa ti Livestock ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken iti Gobierno Probinsial nga idauluan ni Gov. Ryan Luis V. Singson   tapno matulongan ti kasasaad dagiti mannalon iti pannakaital-o  ti kasasaad ti panagbiagda iti maingato a matgedanda iti panagtarakenan  ti dinguen. # (Web In-Action)

ADU A PROGRAMA DAGITI MANNALON, ITED TI DA-RFO 1

Cabugao, Ilocos Sur – Agtultuloy ti pannakaited dagiti programa para kadagiti mannalon ti Cabugao, Ilocos Sur babaen iti Department of Agriculture (DA)-Regional Field Office (RFO) 1, Bureau of Fisheries and Aquatic Resources (BFAR), Regional  Field Office (RFO) 1 ken ti Office of the Provincial Agriculture Office (OPAG)-Ilocos Sur  kadagiti mannalon iti Cabugao, Ilocos Sur babaen iti panangiyimplimentar  ti LGU-Cabugao nga idauluan ni Mayor Edgardo “Ediboy” S. Cobangbang, Jr.

Dagiti agdama a programa ket dagiti sumaganad:

1.Nagatendar da Farmer Extensionists Mr. Bert Vicente ken ni Mr. Henry Saliganan, agpada a Taga-Brgy. Pug-os, Cabugao  nga agsanay iti Phase 2: “Specialized Training Course on Rainfed Lowland Rice Production for Local Farmer Technicians (LFTs) of Region 1”. Maangay iti Marso 24-28, 2014 ti panagsanay  idiay Agriculture Training Institute (ATI)-Regional Training Center, Sta. Barbara, Pangasinan.

2.Nagatendar met da Mr. Alfonso Asunio, Pangulo ti Pug-os Fishermen Association iti biang ti Gillnet  ken ni Mr. Virgilio Rabor, pannakabagi ti Pag-asa FA  (Namruangan)   iti biang ti Hook and Line iti 1st Quarterly Meeting of Fishery Implementors of the Province cum Orientation to the Fisherfolk Recipients of BFAR Fishery Projects idi Marso 25, 2014 iti New Provincial Agriculture Office, Vigan City babaen iti “Fishery Development”  a programa ti OPAG-Ilocos Sur nga idauluan ni Mr. Teofilo R. Quintal, Provincial Agriculturist. Kinuyog ida ni Municipal Fisheries Coordinator Milagros R. Paz ti LGU-Cabugao.

3.Emergency Meeting ti 4-H Club Coordinators iti Marso 26, 2014  a maangay iti Vigan City iti pakaseknan ti “Planning of the Upcoming 4-H Club‘s “Leadership Training cum Enterprise Development and Achievement Day” ken maawis ti amin a Rural-Based Organizations (RBO’s) babaen iti panangtarawidwid ti OPAG-Ilocos  Sur.

4.Maawis ti amin a Municipal Corn Coordinators iti maangay nga 2014 1st Quarter Planning Workshop on March 25-26, 2014 at Nueva Segovia Consortium of Cooperatives, Caoayan, Ilocos Sur. Dagiti matratar a pagsayaatan dagiti mannalon a pakaseknan iti “Agri-Pinoy Program 2014”  iti pakaseknan ti mais ket dagiti sumaganad:

A.1st Quarter Production Accomplishment.

B.1st Quarter Actual  Planning (Cluster and Non-Cluster by Corn-type).

C.2nd and 3rd Quarter Planning Target (Cluster & Non-cluster by Corn type).

D.Updated Corn Farmer Masterlist.

E.Municipal Corn/Cassava Road Map.

F.Inventory of Farm Machineries (CY 2000-2013).

G.Carbonized Post Masterlist (GSI 40, Filipina 703).

Manamnama nga iti panagatendar dagiti maseknan a mangiturturong iti programa iti benneg ti LGU-Cabugao ket maiyallatiwda kadagiti Corn Farmers dagiti agdama a maipatpatungpal a Teknolohia ti panagpatanor ti  mais a mangpasayaat pay ti kasasaad dagiti agmulmula kadaytoy a Cash Crop. # (Web In-Action)

MISA DAGITI AGTURPOS TI CABUGAO INSTITUTE, NAANGAY

Cabugao, Ilocos Sur – Naangay ti Graduation Mass para iti amin nga agturpos ti Sekundaria iti Cabugao Institute, Cabugao, Ilocos Sur iti bigat ti Marso 26, 2014.

Naangay ti Misa iti Cabugao Catholic Church, Cabugao, Ilocos Sur a nagatendaran dagiti aggraduar nga  estudiante iti uppat a Class Sections ti  High School a binayabay dagiti nagannakda   agraman dagiti Teachers ken Advisers-da  a pakairamanan metten   ni  Miss Maria S. Rondon, Principal ti nasao a pagadalan-sekundaria ti ili.

Maangay ti Graduation Ceremonies ti nasao a pagadalan inton Marso 27, 2014 iti Victorino A. Savellano Gymnasium, Cabugao Institute Compound, Brgy. Bonifacio, Cabugao, Ilocos Sur.

Naangay ti Graduation Mass babaen ti panangannong ni Rev. Fr. Felix Costales, Parish Priest ti nasao a Simbaan ti St. Mark the Evangelist, Roman Catholic Church, Cabugao, Ilocos Sur. # (Web In-Action)

BARANGAY FIRE OLYMPICS HELD AT CABUGAO INSTITUTE BARANGAY TANODS ACTIVELY PARTICIPATED ….

On March 21, 2014 Barangay Fire Olympics was conducted by Cabugao Fire Station and it was held at Cabugao Institute ground, Cabugao, Ilocos Sur.  A number of Barangay Tanods actively participated in all the events. This was the culminating activity of this station in celebration of Fire Prevention Month 2014 with the Theme: ISULONG ANG KAUNLARAN, SUNOG AY IWASAN, KAALAMAN AT PAG-IINGAT ANG KAILANGAN.

Rescue drill using fireman’s drag. INSP ELMER C ACAPUYAN MFM and FO2 Tony Simbe evaluate their performance during the Barangay Fire Olympics. 

INSP ELMER ACAPUYAN, Municipal Fire Marshal said in his message that the involvement of the citizenry particularly barangay officials and Tanods is very essential to propagate fire safety awareness. This activity will not only enhance their knowledge and skills in firefighting and rescue operations but also promoting camaraderie and in sustaining their neighboring barangays in times of emergency. He stresses also the role of Barangay officials and tanods when the BFP is responding in their respective barangays. Unity and oneness was one of his major objectives in conducting Barangay Olympics.

Contested events are Hose relay, Hose throwing, Blitz attack and Rescue, and Tug of War. Winning clustered Barangays are Brgy Cacadiran and Company garnered 1st Place. Brgy Dardarat and Brgy. Bato was the second place and Brgy. Nagsantaan and Brgy Salapasap garnered third place. There are twenty two (22) barangays participated in this events; Brgy. Cacadiran, Brgy. Salapasap, Brgy. Arnap, Brgy. Sabang, Brgy, Cuantacla, Brgy. Daclapan, Brgy. Nagsantaan, Brgy. Maradodon, Brgy. Pug-os, Brgy. Baclig, Brgy. Bungro, Brgy. Cuancabal, Brgy. Bonifacio, Brgy. Quezon, Brgy. Lipit, Brgy. Aragan, Brgy. Turod-Patac, Brgy. Dardarat, Brgy. Pila, Brgy. Bato, Brgy. Nagsingcaoan, and Brgy. Alinaay.

Hose relay

The involvement of Barangays in this activity was indeed a success, for we are now gearing towards their active participation in every endeavor that we shall undertake. Cabugao Firefighters would like to extend our sincere gratitude to our beloved mayor Honorable Edgardo S Cobangbang Jr.  for his support in this event. 

Fireman’s Carry

Blitz attack 

Tug of War

FAMILY DEVELOPMENT SESSION, MAILEPPASEN ITI 33 A BRGYS.

Cabugao, Ilocos Sur – Segun ken ni Miss Aida S. Cueto, Municipal Focal Person ti Pantawid Pamilyang Pilipino Program (4 Ps)-LGU-Cabugao a maileppasdan a miniting dagiti kameng ti 4 Ps iti 33 a barangays ti Munisipalidad pakaseknan iti pannakailawlawag ti pakabuklan ti Republic Act 7610 (Anti-Child Abuse Law) tapno maipasagepsep kadagiti nagannak iti maiparbeng kadagiti annakda ken maipangruna pay  iti salun-at ken edukasion dagiti ubbing a kangrunaan a  nakaisangratan daytoy a programa ti Gobierno Nasional ken ti LGU.

Iti Marso 25, 2014, maudi nga eskediul ti Municipal Link Staff ti 4 Ps nga agmiting iti Brgys. Namruangan ken Brgy. Turod, Cabugao, Ilocos Sur iti  pakaseknan ti kampania iti Anti-Child Abuse Law  para kadagiti ubbing a nangruna dagiti agtawen iti  (0-14). # (Web In-Action)

MITING TI FEDERATED SENIOR CITIZENS, NABUNGA

Cabugao, Ilocos Sur – Naangay ti Meeting ti Cabugao Federated Senior Citizens  Association iti Senior Citizen’s Center, Brgy. Rizal, Cabugao, Ilocos Sur iti bigat ti  Marso 24, 2014.

Sakbay a nairugi ti miting ket pinagtugawda iti sango dagiti agkasangay a nataengan ita a bulan ti Marso 2014 ket kinantaan ti kaaduan ida iti “Happy Birthday Song”.

Kangrunaan a natratar iti nasao a miting ket dagiti suumaganad:

1.Pannakipaset ti Senior Citizen iti parada inton Abril 24, 2014 a kaaldawan ti DepED ken iti Sektor ti Social Services kas iti benneg ti 4 Ps, People With Disabilities (PWDs) ken ti Senior Citizens.

2.Nataming dagiti dadduma a pakaseknan nangruna kadagiti eskediulda  iti Prayer Service kadagiti natayan a kameng a pagatendaranda.

Naisaruno ti pannakailawlawag ni MSWD Officer Mrs. Lydia S. Gazmen iti pakabuklan ti “Annual Budget”  ti Senior Citizens para iti 2014 kas iti sumaganad:

A.Social Pension (P90,000) a Counterpart ti LGU-Cabugao para iti 20 a Pensioners ti Senior Citizens.

B.MOOE (P100,000) ket nabingbingay para iti sumaganad: Travelling Expenses – P5,000; Supplies - P1,000; Information Education Campaign – P37,000; Sagot Ayat kada Lola ken Lola – P25,000; Skills Training – P14,000; ken  OSCA Head (Honorarium)- P18,000.

Innayon ni Mrs. Gazmen a saan pay a naawat dagiti SC Pensioners ti awatenda iti 1st Quarter 2014 ta madama nga iberipikarda  dagiti benepisiario iti resulta ti National Household Targeting System (NHTS) a kangrunaan a nagibasaranda iti 4 Ps no dagitoy a mapili iti benneg ti napanglaw a pamilia ket kaikarianda ti mairaman iti programa para iti napanglaw  uray iti Social  Pension.

Insupusop pay ni Mrs. Gazmen ti palagip ni Mr. Orencio Sadioa, Presidente ti Senior Citizen iti Brgy. Cael-layan a kasapulan nga alaenda ti gudua ti 1% a kaibatoganda iti Internal Revenue Allotment (IRA) a pundo  iti barangayda tapno mainayon pay iti kasapulan ti asosasionda a nataengan iti lugarda. # (Web In-Action)

DAY CARE MASS RECOGNITION TI CLUSTER 3, NAANGAY

Cabugao, Ilocos Sur – Naangay ti Cabugao Day Care Mass Recognition, Cluster 3,  Batch 2014 iti Cabugao Cultural and Sports Complex, Brgy. Rizal, Cabugao, Ilocos Sur iti bigat ti  Marso 21, 2014.

Buklen ti Cluster 3  Day Care Centers ti Brgy. Alina-ay, Bato, Cael-layan, Catucdaan, Maradodon, Nagsantaan, NISTC DCC, Quezon, Reppa-ac, Salapasap ken Sisim.

Iti programa, immuna  a naaramid ti Grand March nga indauluan dagiti LGU Officials, Guest Speaker, MSWDO, Parents/Guardians, Brgy. Officials ken dadduma a bisita iti nasao a Mass Recognition Program.

Nangipaay ti Invocation ni Ms. Juliet Ramos, Day Care Worker ti Catucdaan Day Care Center (DCC). Kalpasan a nakanta ti Pambansang Awit ken Cabugao Hymn, nag-Opening Remarks ni Mr. Rudy A. Ilar, Brgy. Rizal DCW. Nag-Words of Welcome met  ni Salahodhen Ibrahum, NISTC Day Care Pupil ken  nangted ti Message ni Mrs. Edna Rapisura, Federated President, DCSPG.

Naisaganad ti Pinning of Ribbons  to the Day Care Pupils with Honors  babaen kadagiti nagannak. 

Nangipaay ti Inspirational Talk ni Mayor Edgardo “Ediboy” S. Cobangbang, Jr. Nagyaman ti Ama ti Ili iti maipakpakita nga agtultuloy a pammati dagiti nagannak a makipagmaymaysa iti pannakaipatungpal ti programa ti Day Care babaen iti anep ti MSWDO nga idauluan ni Mrs. Lydia  S. Gazmen ken dagiti kakaduana. Kinablaawan ni Mayor Ediboy ti amin a naitaripnong ket  inapresiarna ti Guest of Speaker, Mrs. Zenaida S. Andrada a mangibinglay ti kapadasanna/kapanunotanna  kas nabayagen a  Public Servant. Insupusop ti Alkalde Munisipal a babaen iti agtultuloy a panagtitimpuyog dagiti Nagannak/Guardians, Day Care Workers, Barangay Councils  ken dagiti  pannakabagi ti MSWDO ket makabukelda iti mainayon manen a responsable nga umili.

Simmaruno ti Awarding of Gold Medals to the “Most Outstanding Graduates”  babaen iti panangirepresentar  ni SBM Josefina S. Vallejo ken ni Mayor Edgardo “Ediboy” S. Cobangbang, Jr.

Introduction of the Guest Speaker ti inaramid ni Mr. Rudy A. Ilar, Federated Day Care Teacher’s President.

Nagmensahe ni Mrs. Zenaida S. Andrada, Municipal Agriculturist ti ili a Cabugao, Ilocos Sur. Kimmablaaw ken nagyaman ni Ma’am Zeny iti oportunidad a naited kenkuana a mangted ti pammagbaga kadagiti ub-ubbing nga aggraduar. Kangrunaan nga anag ti Mensahe ni Mrs. Andrada ket  iti agtultuloy a panagsingsingpet koma  dagiti ubbing, natulnogda koma a kanayon kadagiti nagannak kadakuada ken ammoda nga ipateg ken balansien  iti orasda nga agadal ken agay-ayam.

Naisaruno  ti Awarding of Silver Medals to the Outstanding Graduates babaen kadagiti Donors. Nai-Award pay  dagiti Gold Medals kadagiti A-1 Children  babaen met la kadagiti Donors. 

Naaramid met ti Awarding of Gold Medal to the Participant of the Municipal   and  Provincial Children’s Congress iti Draw and Tell.

Binagi ni Mrs. Daisy Serdenia, DCW  Sisim ti Presentation of  the Graduates sa  kinompirmar ni MSWD Officer Mrs. Lydia S. Gazmen ti panagturpos dagiti ubbing iti dayta a bigat. Pinadayawan ni Mrs. Gazmen ti agtultuloy nga akem dagiti Nagannak/Guardians a kadua dagiti Day Care Workers a mangtartarabay kadagiti ubbing tapno maiturong iti napintas a panagadalda. Innayon ni Mrs. Gazmen a ti balligi ti ubing ket balligi met ti nagannak. Insupusopna a dagiti ubbing ti espesial a paset ti biag ti pamilia ket dagitoy ti inspirasion iti panagagawa ti maysa a nagannak. Dinakamat pay ni Mrs. Gazmen iti pannakapapintas ti Cabugao Cultural Sports Complex babaen iti napintas a panangiwanwan ni Mayor Edgardo “Ediboy” S. Cobangbang, Jr. a pakaang-angayan daytoy a panaggraduar dagiti ubbing iti tinawen.

Impalagipna pay ti “commitment”  dagiti Day Care Workers (DCWs)  nga agserbisio ti napudno ken pinagyamananna ti suportar ti Barangay Council ken ti  agtultuloy a suportar ti LGU-Cabugao kadagitoy nga 11 a bilang ti  DCC naggapuan dagiti naggraduar.

Kalpasan ti Farewell Speech ni Jamayca de la Cruz, Cael-layan Day Care Pupil, naited dagiti Certificate dagiti ubbing a nagturpos ket indauluan ti Guest Speaker, ken   agraman dagiti Sanggunian Bayan Members a naitaripnong ken  kasta metten da MSWD Officer Mrs. Lydia S. Gazmen ken ni MSWD Assistant Leonora G. Reintar a nagiyawat kadagiti sertipiko kadagiti ubbing a naggraduar.

Closing Remarks ti binagi ni Mrs. Joy Engelyn Gazmen,  DCW Quezon. # (Web In-Action)  

EMPLEADO TI DA-LGU, NAPADAYAWANDA ITI RICE ACHIEVER’S AWARD

Cabugao, Ilocos Sur – Inawat da Municipal Agriculturist Zenaida S. Andrada ken ni Mr. Nereo S. Daproza, Municipal Rice Program Coordinator, ti pammadayaw iti LGU-Cabugao a maysa kadagiti Top Municipalities iti intero a pagilian  a nakagun-od iti 2013 Rice Achiever’s Award manipud iti  Department of Agriculture (DA)   ken karamanda iti napadayawan  nga Outstanding Agricultural Extension Workers (AEWs).  

Inawatda ti Plake ken Medalia iti sanguanan ti Pamilia LGU kalpasan iti  naaramid a Flag Ceremony iti Mrso 24, 2014 iti sango ti Municipal Building (Presidencia) babaen iti panangbayabay kadakuada da SB Member Danny Q. Gazmen, SBM  Dr. Jemaima S. Tan-Yee, SBM Josefina S. Vallejo, SBM Jayhan A. Tan kasta metten ken ni Municipal Information Officer Dario Roy Siruno.

Ti Search ket nangrugi a nailunsad idi Tawen 2012 ket tinawen a maang-angay daytoy babaen iti panangtarawidwid ti  DA-National Rice Program babaen ken ni DA Undersecretary Dante S. Delima, Chairperson,  2013 National Rice Achiever’s Award tapno maallukoy dagiti LGUs a makipartisipar  ken mangsuportar iti programa ti Ahensia ti DA ken ti Gobierno Nasional iti “Rice Self-Sufficiency”. # (Web In-Action)

LIVELIHOOD TRAINING, NAITED ITI NAGSANTAAN RIC

Cabugao, Ilocos Sur – Naaramid ti panagsanay iti  Soap Making, Dishwashing Liquid, Meat Processing (Tocino & Skinless Longganisa) ken Tamarind Champouey iti Nagsantaan Barangay Hall, Brgy.  Nagsantaan, Cabugao, Ilocos Sur idi Marso 14, 2014.

Segun ken ni Mrs. Joenah G. Sevilleja, AT, nagasistirda  iti nadakamat a panagsanay ket naaramat ti Siglat Cash Award dagiti RIC  nga RIC  nga aggatad iti P30,000 ken nagpaay nga Implementing Agency ti LGU-Cabugao nga idauluan ni Mayor Edgardo  “Ediboy” S. Cobangbang, Jr. ken iti babaen iti panangiwardas  ti Municipal Agriculture Office nga idauluan ni Municipal Agriculturist Mrs. Zenaida S. Andrada.

Innayon ni Mrs. Sevilleja a nagpaay a Trainor ni Mrs. Charity Sonido, pannakabagi ti LGU-Sinait   ken inasistiran dagiti Staff ti DA-LGU Cabugao nga isuda Kathreen Joy Tapuro, Robert Savella ken ni  Ester P. Aguimbag.

Ti RIC Nagsantaan ket idauluan ni Ms. Edralyn Peralta iti agdama.

Dagitoy nga aksion ken inisiatiba ket resulta ti natunos a panagkammayet dagiti Asosasion iti LGU-Cabugao a mangtakuat kadagiti wagas a mangpasayaat pay iti pagsapulan a nangruna iti benneg dagiti babbai. # (Web In-Action)

MASS RECOGNITION PROGRAM, NAANGAY ITI SPORTS COMPLEX

Cabugao, Ilocos Sur – Naangay ti Cabugao Day Care Mass Recognition, Cluster 2,  Batch 2014 iti Cabugao Cultural and Sports Complex, Brgy. Rizal, Cabugao, Ilocos Sur idi malem ti  Marso 20, 2014.

Buklen ti Cluster 2  Day Care Centers ti Brgy. Baclig, Carusipan, Cuancabal, Cuantacla, Dardarat, Namruangan, Pila, Sagayaden, Turod ken Turod Patac  a naggapuan iti 186 nga ubbing a nagturpos iti Day Care.

Iti programa, immuna  a naaramid ti Grand March nga indauluan dagiti LGU Officials, Guest Speaker, MSWDO, Parents/Guardians, Brgy. Officials ken dadduma a bisita iti nasao a Recognition Program.

Nangipaay ti Invocation ni Ms. Susan Manahan, Day Care Worker ti Carusipan Day Care Center (DCC). Kalpasan a nakanta ti Pambansang Awit ken Cabugao Hymn, nag-Opening Remarks ni Mrs. Constancia Sonido, Cuancabal DCW. Nag-Words of Welcome met  ni Ardleigh Kyrah Dolores, Cuantacla Day Care Pupil.

Naisaganad ti Pinning of Ribbons  to the Day Care Pupils  babaen kadagiti nagannak. Naisaruno ti Awarding of Gold Medals to the Outstanding Graduates iti sangapulo a DCC  babaen kadagiti Donors.

Simmaruno ti Awarding of Gold Medals to the “Most Outstanding Graduates”  babaen ti panangirepresentar  ni SBM Dr. Jemaima S. Tan-Yee, Committee Vice Chair in  Social Services ken ni Mayor Edgardo “Ediboy” S. Cobangbang, Jr.

Iti Mensahe ni SBM Tan-Yee, pinalagipanna dagiti nagannak ken  Guardians nga  igaedda ti mangtarabay kadagiti ubbing nga umuli iti tukad ti adal gapu ta nagbalinen a “competitive” ti Edukasion iti agdama. Dinayawna ti kinagasatda ita dagiti ubbing  ta adda ti programa ti Day Care nga agtultuloy a  supsuportaran  ti LGU ket agtalinaed koma ti pammatida a maitultuloy dagitoy a programa ken proyekto  a mangpasayaat ti kalidad ti Edukasion para kadagiti tumantan-ay nga ubbing. 

Naaramid ti awarding of Silver Medals to the Outstanding Graduates babaen kadagiti Donors sa nai-Award dagiti Gold Medals kadagiti A-1 Child babaen met la kadagiti Donors.
Naaramid met ti Awarding of Gold Medal to the Participant of the Municipal  Children’s Congress iti Draw and Tell a nagun-od ni Stephanie Raciles ti Turod DCC.

Inaramid ni Mrs. Constancia Sonido, DCW Cuancabal ti Presentation of  the Graduates sa  kinompirmar ni MSWD Officer Mrs. Lydia S. Gazmen ti panagturpos dagiti 186  nga ubbing iti dayta a malem. Pinadayawan ni Mrs. Gazmen ti agtultuloy nga akem dagiti Nagannak/Guardians a kadua dagiti Day Care Workers a mangtartarabay kadagiti ubbing tapno maiturong iti napintas a masakbayanda ken  ti panagadalda. Innayon ni Mrs. Gazmen a ti balligi ti ubing ket balligi met ti nagannak. Insupusopna a dagiti ubbing ti espesial a paset ti biag ti pamilia ket dagitoy ti inspirasion iti panagtrabaho ken panagagawa. Dinakamat pay ni Mrs. Gazmen iti pannakapapintas ti Cabugao Cultural Sports Complex babaen iti napintas a panangiwanwan ni Mayor Edgardo “Ediboy” S. Cobangbang, Jr. a pakaang-angayan daytoy a panaggraduar dagiti ubbing iti tinawen. Impalagipna pay ti “commitment”  dagiti Day Care Workers (DCWs)  nga agserbisio ti napudno ken pinagyamananna ti suportar ti Barangay Council kadagitoy 10 a bilang ti  barangay a naggapuan dagiti naggraduar.

Introduction of the Guest Speaker ti inaramid ni Ms. Evelyn Tapiceria, DCW, Sagayaden DCC. Nagpaay a Guest Speaker ni Vice Mayor Deogracias Jose Victorino “DJ” H. Savellano. Iti Mensahe ti Bise Mayor, imbagana a  madegdegan  koma ti agtultuloy nga  ayat iti panangsursuro kadagiti ubbing tapno maasa dagiti talentoda ken  agbalinda a mapangnamnamaan a lider iti ili iti masanguanan.

Kalpasan ti Farewell Speech ni Stephanie Claire Sinampaga, Namruangan Day Care Pupil, naited dagiti Certificate dagiti ubbing a nagturpos ket indauluan ti Guest Speaker, Vice Mayor DJ Savellano ken   agraman dagiti Sanggunian Bayan Members a naitaripnong ken  kasta metten da MSWD Officer Mrs. Lydia S. Gazmen ken ni MSWD Assistant Leonora G. Reintar a nagiyawat kadagiti sertipiko kadagiti ubbing a naggraduar.

Closing Remarks ti binagi ni Mrs. Debbie S. Reclusado,  Turod  DCW.

Nakipaset met iti nadakamat a Graduation Ceremony da SB Member Dr. Jemaima S. Tan-Yee; SBM Vicky S. Serna; SBM Jayhan A. Tan; SBM Josefina S.  Vallejo; ken ni MSWD Assistant Leonora G. Reintar. 

Nagpaay nga Emcee da Mr. Ronie Solar ken ni Mrs. Constancia Sonido, agpada a Day Care Workers. # (Web In-Action)

CASH CARD DISTRIBUTION TI 4 Ps, NAANGAY

Cabugao, Ilocos Sur – Naangay ti Cash Card Distribution dagiti kameng ti Pantawid Pamilyang Pilipino Program (4 Ps) a nakabuklan ti 501 Grantees a nang-claim ti Cash Cards-da ken  naggapuda  iti 33 a barangays ti ili a Cabugao, Ilocos Sur. Naaramid ti pannakaited dagiti Cash Cards iti Opisina ti DSWD-4 Ps, LGU-Cabugao  nga inimatangan dagiti pannakabagi ti DSWD Regional Office 1, dagiti kameng ti Municipal Link ti LGU-Cabugao ken ti Municipal Focal Person ti 4 Ps.

Iti nasao a Card Distribution, naawis a nangipaay ti Mensahe ni Mayor Edgardo “Ediboy” S. Cobangbang, Jr. ket kimmablaaw kadagiti umawat a 4 Ps Members ken Opisiales ti DSWD-Region 1 agraman dagiti mangiwanwanwan kadaytoy a Programa iti Munisipio. 

Nagyaman ti Ama ti Ili ta dimteng manen daytoy a gundaway a pannakaited ti tulong kadagiti benepisiario nga umili. Pinalagipanna dagiti umili nga umaw-awat ti tulong nga itultuloyda nga aramiden dagiti pagrebbenganda a kas benepisiario ken  agtultuloy a pannakasurot iti pakaiserbian  dagitoy a tulong para iti edukasion ken salun-at dagiti annakda nga agbasbasa. Dinayaw ti Alkalde Munisipal iti agtultuloy a kinatulnog dagiti Recipients nga aramidenda  dagiti pagrebbenganda ta awatenda manen ti mainayon a tulong ti programa a para kadakuada.

Segun ken ni Miss Jessie Ann O. Tabut,  DSWD Municipal Link a kaaduan kadagiti immawat ti Cash Cards ket nangrugida  idi Hulio 2013  agingga iti Disiembre 2013. Adda met umawat a  nangrugi iti Setiembre ken Oktubre 2013 a dagitoy ket Late Registrants.

Dagiti mangbukel iti DSWD Region 1 a timmalantan iti nasao a Cash Card Distribution ket isuda: Ms. Maria Theresa N. Calvo ken ni Mr. Noel Baguitan, agpada a DSWD Municipal Roving Bookkeeper ken ni Ms. Teresita Pamintuan, Cash Card Focal. Nagasistir met da Miss Aida S. Cueto ken dagiti kakaduana iti Municipal Link Staff iti nasao a panagitedan ti Cash Cards. # (Web In-Action)