Cabugao, Ilocos Sur – Agtultuloy ti pannakaibunong ti Fertilizer Subsidy ket batang met iti uppat a barangays: Rizal, Quezon, Alina-ay ken Salapasap ita nga aldaw, Mayo 10, 2012 iti Cabugao Cultural and Sports Complex, Brgy. Rizal, Cabugao, Ilocos Sur babaen kadagiti personnel ti DA-LGU Cabugao nga idauluan ni Mrs. Zenaida S. Andrada, Municipal Agriculturist.
Iti pannakiuman ti Web In-Action kadagiti benepisiario ti subsidy, imbatad ni Brgy. Captain Melanio Santella ti Brgy. Alina-ay: "“Nakapinpintas ti pannakaiwaras ti ganagan ta dagiti laeng talaga nga adda talonen ken naka-ID ti maikkan".
"Agyamankami met kada Apo Mayor Ediboy ken iti babaenna kadaytoy a naisagut kadakami a mannalon. Apag-isu nga usarenmi iti panagbunubonmi,” impeksa met ni Mr. Carlito Villegas, Barangay Tanod, ti Brgy. Salapasap. # (Web In-Action)
No comments:
Post a Comment