Cabugao, Ilocos Sur – Nakikaysa ti 25 a Kandidata ti Miss Tourism Queen Worldwide 2019 iti naangay a Flag Raising Ceremony ti Pamilia-LGU iti Oktubre 21, 2019.
Binayabay dagiti Opisiales ti Ili nga inyuna ni Vice Mayor Jemaima S. Tan-Yee a kaduana da SBM Danny Q. Gazmen; SBM Jeremy A. Seguban, Jr.; SBM Amelia Sunio-Abarquez ken ni PSK Federation President Marc Russel Morales iti pannakilangen/kaadda dagiti nalilibnos a kandidata ti nadumaduma a pagilian.
Maibatay iti mapagdamagan, daytoy a beauty pageant ket maaramid iti pakapilian ti tallo pay a titulo dagiti mangabak a kandidata idiay Vigan City ken pasiarenda dagiti disso ti turismo ditoy Ilocos Sur.
Kalpasan nga ipakaammo ni HRM Officer Miss Mimi S. Sison ti kaaddada nga agbisita ditoy ili a Cabugao, naaramid ti photo ops iti nadumaduma a departamento ken ahensia nga adda iti salinong ti LGU-Cabugao kadagiti kandidata. Kalpasanna, naangay ti programa iti Conference Hall iti Cabugao Tobacco Farmers Hall a nakaigamuluan dagii kandidata kadagiti agserserbi iti munisipio.
Nakikaysa met iti PNP-Cabugao a nangmantener iti linak ken talna kabayatan iti kaadda dagiti sangaili ditoy munisipio. # (Web In-Action)
No comments:
Post a Comment