Wednesday, August 31, 2016

ZONE 3 SPORTS COMPETITION 2016 MEET, NAANGAY ITI CSCS

Cabugao, Ilocos Sur – Naangay ti Zone 3 Sports Competition  Meet 2016 iti Cabugao Athletic Oval, Cabugao South Central School, Cabugao, Ilocos Sur iti Agosto 31, 2016.

Buklen ti Zone 3 dagiti pageskuelaan ti Nagsincaoan Elementary School; Lipit-Cuancabal E/S; Sagayaden E/S; Pila E/S ken TI Cabugao South Central School.


Immuna a naaramid ti Parada iti aglikmut ti Oval sa naisaruno ti Opening Program iti CSCS School Stage. Kalpasan ti Opening Prayer ni Mr. Rommel Santella, nakanta ti Philippine National Anthem ken ti Cabugao Hymn. Inakem ni Mr. Nick Bringas ti Opening Remarks.

Simmaruno ti Presentation of Delegates babaen kadagiti natudingan a Coaches iti tunggal pagadalan.

Nangted ti Mensahena ni Mayor Josh Edward S. Cobangbang. Kimmablaaw ken nagyaman ta napintas ti panagkakammayet dagiti pageskuelaan a mangipatungpal kadaytoy a tinawen nga aktibidad ti sports. Innayonna a kasapulan a napakumbaba ti maysa a grupo wenno pagadalan a mangabak kadaytoy a salisal kasta met laeng nga ammona koma ti mangawat iti pannakaabak dagiti di agballigi. Nupay kasta, “ You are all winners!” insupusop ti Ama ti Ili.


Impeksa ni Mayor Josh Edward ti ragsak ken pannakikaysana ta kunana a maysa met idi a Varsity Player idi agad-adal pay laeng ket kunana a daytoy ti kapintasan  a “bonding” dagiti agtutubo ken ubbing ta mayadayoda iti bisio; adda ehersisioda iti pisikal ken mental a mangnayon ti panagtalekda iti kabaelanda ken ti bagbagida.

Nagsarita met ni SBM Atty. Bryan Jett S. Pano, Committee Chair on Youth and Sports. Dinakamatna ti pateg ti pannakaipamaysa dagiti sports events a mangnayon kadagiti umaayam a makipartisipar iti RIAA ken ti Palarong Pambansa. Innayonna a maipamaysa koma ti ay-ayam a Football ket inawisna ti amin nga interesado nga agkameng iti Cabugao Footboleros, maysa a pribado nga asosasion a pakasanayan dagiti agduyos kadaytoy nga ay-ayam tapno makaipatulod met dagiti pageskuelaan iti makisalip iti benneg ti rehional ken uray pay idiay Manila. 

Naaramid pay ti Intermisssion Number ti CSCS Dance Club; Lighting of the Symbolic Torch ken Raising of the Zone III  Flag.


Natudingan ni SBM Bryan Jett S. Pano a nangideklara ti pannakalukat ti paay-ayam. Impaay met ni Mayor Josh Edward ti Ceremonial Toss iti Football a binayabay ni SBM Jayhan Charisma Alcid-Tan.

Dagiti sports events a napartisiparan dagiti nakapilian dagiti atleta nga agsasalipto  para iti District Meet ket iti Softball; Volleyball; Basketball; Football; Table Tennis; Chess;  Athletics; Sipa Takraw; Lawn Tennis; Taekwondo ken Gymnastics.

Agpaay nga Officiating Officials dagiti mangisursuro/dadaulo  kadagiti pagadalan a masakupan ti tunggal sona.

Ti Zone Meet ket naituding a pakaangayan a pangipakitaan  ti kabaelan dagiti ubbing nga adda potensialna iti panagay-ayam iti nadumaduma nga sports events iti las-ud ti napagtitipon a pagadalan. Dagitoyto  ti mangibagi iti maangay a District Meet iti Cabugao DepED ken iti nangatngato a tukad wenno agpang ti pagsasalipan dagiti agad-adal iti elementaria.

Kangrunaan a mangtartarawidwid kadagiti mapasamak nga sports activities iti Cabugao DepED ni Mr. Ronel M. Ubaldo, Head Teacher III, Salomague E/S ken agdama a District PESS Coordinator.  # (Web In-Action) 

ZONE 1 SPORTS COMPETITION 2016, NAANGAY ITI CABUGAO ATHLETIC OVAL

Cabugao, Ilocos Sur – Naangay ti Zone 1 Sports Competition  Meet 2016 iti Cabugao Athletic Sports Oval, Cabugao South Central School, Cabugao, Ilocos Sur idi Agosto 30, 2016.

Buklen ti Zone 1 dagiti pageskuelaan ti Pug-os Elementary School; Bungro E/S; Reppa-ac-Bato E/S; Salapasap E/S ken ti  Cabugao North Central School.


Immuna a naaramid ti Parada iti aglikmut ti Sports Oval sa naisaruno ti Opening Program iti CSCS School Stage. Kalpasan ti Opening Prayer ni Mrs. Imelda Esteban, T3, nakanta ti Philippine National Anthem, Region 1 Hymn, Ilocos Sur Hymn ken ti Cabugao Hymn. Inakem ni Mr. Francis de la Cruz, Zone 1 President ti Opening Remarks.

Simmaruno ti Presentation of Delegates babaen kadagiti Sports Coordinator a nangiyam-ammo iti tunggal pagadalan.

Nangted ti Mensahena ni Mayor Josh Edward S. Cobangbang. Kimmablaaw ken nagyaman ta natunos dagiti dadaulo dagiti pageskuelaan a mangipatungpal kadaytoy a tinawen nga aktibidad ti sports. Innayonna a kasapulan a napakumbaba koma ti maysa a grupo wenno pagadalan a mangabak kadaytoy a salisal kasta met laeng nga ammona koma met ti umawat iti pannakaabak dagiti di agballigi. Nupay kasta, “ You are all winners!” insupusop ti Ama ti Ili.

Impeksa ni Mayor Josh Edward ti ragsak ken pannakikaysana ta kunana a maysa met idi a Varsity Player idi agad-adal pay laeng ket kunana a daytoy ti kapintasan  a “bonding” dagiti agtutubo ken ubbing ta mayadayoda iti bisio; adda ehersisioda iti pisikal ken mental a mangnayon ti panagtalekda iti kabaelanda ken ti bagbagida.


Nagsarita met ni SBM Dr. Jemaima S. Tan-Yee, Committee Chair on Education. Dinakamatna ti pateg ti pannakaipromot  dagiti klase ti sports iti benneg ti pageskuelaan tapno makapatanorda met iti nakalidad a players kadagiti mapagsasalipan nga events iti tunggal benneg ti pasalip. 

Naaramid pay ti Intermission Number ti CNCS Gymnasts; Lighting of the Symbolic Torch dagiti RIAA Players 2015 ken  ti Raising of the Zone III  Flag.

Natudingan ni Mr. Ronel M. Ubaldo a nangideklara ti pannakalukat ti paay-ayam. 

Dagiti sports events a nakapilian dagiti atleta ket iti Softball; Volleyball; Basketball; Football; Table Tennis; Chess;  Athletics; Sipa Takraw; Lawn Tennis; Taekwondo ken Gymnastics.

Agpaay nga Officiating Officials dagiti mangisursuro/dadaulo  kadagiti pagadalan a masakupan ti nadakamat a sona.

Ti Zone Meet ket naituding a a pangipakitaan  ti kabaelan dagiti ubbing nga adda potensialna iti nadumaduma nga sports events iti las-ud ti napagtitipon a pagadalan. Dagitoyto  ti mangibagi iti maangay a District Meet iti Cabugao DepED ken iti nangatngato a tukad wenno agpang ti pagsasalipan dagiti agad-adal iti Elementaria.

Kangrunaan a mangtartarawidwid kadagiti mapasamak nga sports activities iti Cabugao DepED ni Mr. Ronel M. Ubaldo, Head Teacher III, Salomague E/S ken agdama a District PESS Coordinator.  # (Web In-Action)

Tuesday, August 30, 2016

KALPASAN TI FLAG CEREMONY, KINOMENDARAN NI MAYOR JOSH EDWARD TI PNP-CABUGAO

Cabugao, Ilocos Sur – Kalpasan ti Flag Ceremony iti Agosto 29, 2016, kinablaawan ni Mayor Josh Edward S. Cobangbang  dagiti katinnarabayna nga Opisiales-Lokal ti Ili;  Department/Section  Heads dagiti Opisina ti LGU;  kameng ti PNP ken iti amin nga LGU Personnel.


Kanaig daytoy, kinomendaran ti Municipal Chief Executive  dagiti kameng ti PNP-Cabugao nga idauluan ni Inspector Ramil Aquino Llarenas iti naballigi a kampania iti maiparit nga agas ditoy nga ili. 

“Congratulations for a  job well done!” impeksa ni Mayor Josh Edward.

Inimatangan  da MLG Officer Constancial L.  Quinola; SBM Danny Q. Gazmen; SB Secretary Maxfel S. Suboc ken ti Pamilia-LGU iti pannakapadayaw dagiti kameng ti pannakabagi ti linteg. # (Web In-Action)

Monday, August 29, 2016

NATIONAL HEROES DAY

August 29, 2016 The celebration of National Heroes Day is pursuant to Republic Act No. 3827, passed by the Philippine Legislature October 28, 1931. The Act declared the last Sunday of August of every year as an official national holiday.

This national holiday honors all the heroes of the Philippines, including those whose names have been forever lost to history. # Source – www.dilg.gov.ph

SISIM INTRAMURALS 2016, INATENDARAN DAGITI OPISIALES LOKAL

Cabugao, Ilocos Sur – Naangay ti Intramurals 2016 iti Sisim National High School, Cabugao, Ilocos  Sur idi  Agosto 25-26, 2016 iti Sisim Playground a nagpartisiparan dagiti agad-adal ken  mangisursuro  ken  nakasangailian  dagiti Opisiales ti Ili nga indauluan da  Mayor Josh Edward S. Cobangbang ken ni Vice Mayor DJ Savellano. 


Immuna a naaramid ti Parada dagiti nadumaduma a Team. Iti Programa, nangipaay ti Inspirational Message ni Mayor Josh Edward S. Cobangbang. Anag ti Mensahena iti kinapateg ti sports a mangmuli iti isip a mangited  ti  disiplina ken sportsmanship iti kinatao dagiti agad-adal ken kasta metten   iti pannakaitandudo ti napintas a panaglalangen.

Naisaruno ti Investiture of Mr. & Miss Intramurals 2016. Kinoronaan da Mayor Josh Edward S. Cobangbang  ken ni SBM Dr. Jemaima S. Tan-Yee da Mr. & Miss Intramurals 2016 iti nasao a pagadalan-sekundaria.

Nangipaay met ti Mensahena da Vice Mayor DJ Savellano ken ni SBM Dr. Jemaima S. Tan-Yee, Committee Chairman on Education kadagiti agsasalip nga agad-adal iti nadakamat nga eskuela-sekundaria. 

Nagatendar dagiti Konsehales ti Ili nga isuda SBM Danny Q. Gazmen; SBM Vicky S. Serna; SBM  Dr. Jemaima S. Tan-Yee; ken ni SBM Josefina S. Vallejo iti nasao a programa iti Sisim NHS.   # (Web In-Action)