Tuesday, March 31, 2015

GROUNDWATER SURVEY, IGANNUAT TI MGB-DENR

Cabugao, Ilocos Sur – Naiwayat iti Groundwater Survey (First Phase) iti 33 a barangay ti ili a Cabugao, Ilocos Sur nangrugi idi Marso 28 agingga iti Marso 31, 2015 babaen iti nagkammayet a Team ti DENR-Mines Geosciences Bureau (MGB) ken ti LGU-Cabugao nga inrepresentaran ni MENRO Edgar S. Balangatan, AT.

Dagiti mangbukel iti DENR-MGB  Region 1 ket isuda: Mr. Socrates G. Gaerlan, Team Leader; Mr. Randie Caezar Apilado ken ni Mr. Riddick Bombase.

Kabayatanna, nagkortesia ti nasao a Team ken ni Mayor Edgardo “Ediboy” S. Cobangbang, Jr. tapno ipagtengda ti pakaseknan daytoy a proyekto iti Ahensia ti DENR iti Munisipalidad. # (Web In-Action)

KAMENG TI NEW CABUGAO ONION AND GARLIC GROWERS ASSOCIATION, NAGMITING

Cabugao,, Ilocos Sur -  Naangay ti  panagtataripnong dagiti Opisiales/Kameng ti New Cabugao Onion and Garlic Growers Association nga idauluan ni Mr. Henry B. Saliganan itay nabiit iti sango ti  Municipal Building, Cabugao, Ilocos Sur.

Segun ken ni Mrs. Ester P. Aguimbag, Municipal HVCDP Coordinator nga umaboten  ti 40 dagiti Miembros iti nasao nga Asosasion.

Kangrunaan a napagnunumuan kadaytoy a panagtitiponda  ket  iti panagbayadda iti nautangda (in-kind)  ken ni PJ Manalo a nagpuonanda iti  panagmulada ken trinatarda pay iti napintas a pannakaipakat ti Recording System-da.

Nainayon pay a trinatarda iti panagbayadda iti Annual Fee-da a mainayon iti revolving fund ti nasao nga asosasion. 

Dagitoy nga aksion ken inisiatiba ket maigapu iti panangparegta ti LGU Cabugao nga idauluan ni Mayor Edgardo “Ediboy” S. Cobangbang, Jr. iti pannakaparegget ti industria ti nateng partikular ti bawang ken lasona ditoy Munisipalidad ti Cabugao tapno manayonan ti matgedan dagiti mannalon ken agtultuloy a maital-o ti kasasaad ti panagbiagda. # (Web In-Action)

“LIGTAS OPLAN SUMVAC”, NARUGIAN ITI SEMANA SANTA AGINGGA ITI MAYO 2015

Cabugao, Ilocos Sur – Maipatpatungpalen  ti Oplan SUMVAC 2015 (Summer Vacation)/Tourist Assistance Center babaen kadagiti pannakabagi ti Linteg (Municipal Police Force) iti ili a Cabugao, Ilocos Sur iti panangidaulo ni Police Chief Inspector  William Nacionales  Nerona, Municipal Police Chief tapno matulongan dagiti Bisita/Bakasionista indibidual,  weno grupo nga aggapu iti sabali a lugar kabayatan a lumabasda/dumagasda  iti ili iti  panagturongda kadagti Tourist Destinations ita a   Summer Vacation.

Babaen iti Directorate for Police Community Relations (DPCR) ti PNP, dagiti sumaganad ti pakabuklan dagiti pagannurotan ti “Ligtas SUMVAC 2015”:   “Police presence will be intensified through increased foot/mobile patrols, establish Police Assistance Desks/Centers (PADs/Cs) and deploy Road Safety Marshalls in convergence points particularly in bus terminals, airports, seaports, train stations, recreational areas including highways, main thoroughfares and crime prone areas to ensure maximum police presence”.

Segun iti Hepe ti Polisia ti Cabugao, nakaalerto iti 24 nga oras dagiti kameng ti PNCO a mangkita ti Trapiko ken madadaan a mangi-giya kadagiti Bisita iti direksion a turongenda iti pakaseknan iti damagenda a disso a  nangruna ita a pannakaselebrar ti Semana Santa.

Innayonna pay a paset daytoy ti tinawen a programa ti Philippine National Police (PNP) mangrugi iti agtapos ti bulan ti Marso ken agingga iti matapogan ti bulan ti  Mayo nga agawid dagiti bakasionista iti lugarda  iti kada tawen ken parte ti programa ti PNP  iti agtultuloy a pannakatagiben ti linak ken talna iti Munisipalidad.

Insupusop pay ti PNCO nga episiente/epektibo  dagiti Kapolisan iti trabahoda maipapan kadaytoy a banag ket agtultuloy a nasayud ken naballigi ti panangasistirda kadagiti agbakasion ditoy ili ken Probinsia. # (Web In-Action)

Monday, March 30, 2015

“LAING TI TALUGADING”, NABALLIGI

Cabugao, Ilocos Sur – Naaramid ti maikapat  a parang (Marso 28, 2015)   ti “Laing ti Talugading, Show Me, What You’ve Got”, programa ti LGU-Cabugao nga idauluan ni Mayor Edgardo “Ediboy” S. Cobangbang, Jr. a maysa kadagiti naisangayan nga aktibidad a mangkulminar  iti   panagpiesta ti ili (Ragsak Cabugao Festival 2015) inton Abril 21-25, 2015 ken mangtakuat/mangmuli kadagiti talento/kabaelan iti   benneg  dagiti umili iti Cabugao, Ilocos Sur tapno pakairanudan dagitoy.


Nairugi ti nadakamat a pakontes idi Marso 7, 2015 (rabii ti Sabado) idiay Auditorium ti Cabugao Central Park (CCP) ket maikapat a Sabado ti pakontes iti Marso 28, 2015 a no sadino a ditoy ket nagbuyaan  ti adu nga umili gapu iti makaparay-aw/makaliwliwa  nga impakita   dagiti nagpartisipar iti dayta a sardam.

Kalpasan ti  (Elimination)  iti uppat a Sabado,  maisagana dagiti  Finalists para iti Grand Finals a naituding  a maaramid inton Abril 22, 2015.

Napasamak ti “Laing ti Talugading” iti maikapat  a Sabado ket binukel dagiti nagsasalip ken naggapuda iti nadumaduma a sektor ti kagimongan. 


Nagpaay a Program Hosts da Ms. Odette Vallejo Somera ken ni Mr. Dharen Jake Repollo Garcia,  agpada a mangisursuro ken buklen dagiti nagpaay a Hurado dagiti maresrespeto iti kabaelanda iti kastoy a tay-ak ti paglaingan nga idauluan ni Mr. Bruce Lee Paragas, resident judge.

Idauluan met ni Mayor Ediboy dagiti nangesponsor iti pasalip nga isuda Vice Mayor DJ Savellano; Municipal Engineer Crescencio Marcos C. Formoso; MSWD Officer Mrs. Lydia S. Gazmen; Budget Officer Miss Marietta S. Cruz ken dadduma pay a naayat a nakitinulong iti panagballigi ti pasalip.   # (Web In-Action)

PROVINCIAL GOVERNMENT OF ILOCOS SUR SUPPORTS EARTH HOUR 2015

One of the biggest global environmental event, the Earth Hour was held on Saturday, March 28, 2015, from 8:30pm to 9:30pm. Earth hour is an annual global campaign to show support for environmentally sustainable actions to combat climate change, spearheaded by the World Wide Fund Philippines (WWF-Phils.) In this connection, the Provincial Government of Ilocos Sur headed by Gov. Ryan Singson encouraged individuals, businesses, public and private sector to initiate changes to achieve a safer future. On that date, all were expected to show their support by switching off or dimming non-essential lights, including streetlights, signage and key monuments during the global “lights out” event for one hour. The PGIS was  urging everyone to log in at the Earth Hour Pilipinas website www.wwf.org.ph/earthhour in that time. # Adapted News, Website-Ilocos Sur 

DOMINGO RAMOS, SINELEBRARAN TI PAROKIA NI SAN MARKOS

Cabugao, Ilocos Sur – Nagdupudop dagiti kameng ti  Iglesia Romano Katolika a nagatendar iti pannakarambak  ti Domingo Ramos iti  Parokia ni San Markos Ebanghelista, Simbaan Romano Katolika, Cabugao, Ilocos Sur idi Marso 29, 2015. Naaramid ti panangbendision ni Apo Padi kadagiti  Palmas/Ramos  iti ruar ti Simbaan sakbay  a  naaramid ti  Nasantuan a Misa (tallo a nagsaruno a Misa).

Inatendaranda pay ti nasao a Misa  dagiti kaaduan nga umili ti Cabugao, Ilocos Sur kadaytoy a pakauna nga aldaw ti pannakarambak ti Semana Santa 2015.

Kanaig daytoy, iti pannaki-amad ti Web In-Action   iti  Parish Priest, imbatadna a naurnos ken naballigi ti naaramid a selebrasion iti Simbaan kasta metten  iti pannakamantener ti linak ken talna babaen iti panangtarabay ti Kapolisan. # (Web In-Action)

PHILHEALTH TO BALIK-MANGGAGAWA: PAY YOUR PREMIUMS FIRST BEFORE SECURING OECs

Starting April 1, vacationing and re-hired overseas Filipino workers will have to pay their premium contributions to the Philippine Health Insurance Corporation (PhilHealth) separately from their payments to the Philippine Overseas Employment Administration (POEA) for their Overseas Employment Certificates (OECs).

This development is in line with the decision of the POEA to implement a single collection policy starting on the same date. The POEA will only be collecting fees for OEC and no longer for PhilHealth and Pag-IBIG Fund.

The collection counters of PhilHealth and other government agencies, however, will be retained at POEA in Mandaluyong City and in the one-stop shops of POEA nationwide.

“We call on our OFW-members to pay their PhilHealth premium contributions first before going to the POEA for their OECs. This will secure their social health insurance coverage, as well as that of their legal dependents, for their peace of mind,” said PhilHealth President and CEO Alexander A. Padilla.

Padilla added that “OFW-members may still pay their premium contributions at the designated PhilHealth counters at the Balik-Manggagawa Center at the POEA in Mandaluyong City, as well as through any of the 27 accredited collecting partners that we have earlier authorized for local collection from OFW-members. They may also pay at our Local Health Insurance Offices nationwide.”

Overseas Filipinos pay P2,400.00 annually for their premium contribution to PhilHealth. The amount includes coverage for all qualified legal dependents of a migrant worker such as legal spouse who is not a PhilHealth member; legitimate and illegitimate children below 21 years old, unmarried and unemployed; and parents who are below 60 years old but are suffering from permanent disability which renders them totally dependent on the member for support.

Parents who are 60 years old and above and are not yet PhilHealth members may enrol under the Senior Citizen category.

PhilHealth pays for overseas hospitalization of migrant workers, as well as for the confinement of their legal dependents in the Philippines, through a reimbursement mechanism. Migrant workers have 180 calendar days from the date of discharge to file their claim documents through any of PhilHealth’s 17 Regional Offices in the Philippines. All refunds are paid for in Philippine peso equivalent. # Adapted News, PHILHEALTH

AGTULTULOY TI PANAGDALUS ITI KALSADA KEN PASILIDAD TI LGU ITA A SEMANA SANTA

Cabugao, Ilocos Sur – Tumultulong ti grupo ti Clean and Green Program  ti Munisipio nga agdalus kadagiti kalsada ti Poblasion nangruna kadagiti Processional Routes, Pasilidad ti Munisipio (Parke ken Plaza)  tapno naan-anay ti pannakalinis ken pannakapapintas ti buya ti aglawlaw.

Kangrunaan a maikkan ti mentenansia ti panagdalus ket iti Cabugao Central Park (CCP) a daydaywen ti umili ken bisita  iti aldaw ken sardam kasta met idiay NISTC Public Market a paggatanganda iti kasapulanda.

Iti sabali a bangir, agtultuloy met a mamantener ti kinadalus ken sanitasion dagiti pasilidad nga usaren ti sapasap nga aggatang iti NISTC Public Market.

Segun ken ni MENRO Edgar S. Balangatan, AT, agak-akem a dadaulo ti grupo a kalpasan a maiwakasda iti agsumbangir ti National Highway manipud iti Brgy. Sagayaden nga  agpatingga iti Brgy. Pug-os ket  makikoordinarda kadagiti barangay ti Poblasion tapno tumulongda nga agdalus iti igid ti kalsada.

Innayon ni MENRO Balangatan a monmonitorenda pay iti Cleanliness and Beautification dagiti pito a Coastal Barangays a kangrunaan a pagpasiaran  dagiti  Balikbayans/bisita iti summer months babaen iti pannakikammayetda kadagiti Opisiales ti barangay kadagitoy a lugar. Tumulongda pay a mangpalinis iti agsumbangir a paset ti National Highway iti agpa-Port Salomague.

Dagitoy nga aksion ken inisiatiba ket paset ti Direktiba ti Municipal Chief Executive ti ili  iti agtultuloy a pannakaipakat ti panagdaldalus ken panangpapintas  iti aglawlaw ti ili a pagsayaatan ken pakairanudan met laeng iti sapasap ken panagsagana iti pannakaselebrar ti Semana  Santa ita a lawas, Marso 29-Abril 5, 2015. # (Web In-Action)

Sunday, March 29, 2015

4-H CLUB ACHIEVEMENT DAY, NAANGAY IDI MARSO 28, 2015

Cabugao, Ilocos Sur – Sinelebraran  ti Cabugao Federated 4-H Club ti “Cabugao 4-H Club Achievement Day” babaen iti Tema: “4-H Youth Towards ASEAN Integration” idi Marso 28, 2015 iti Municipal Building, Cabugao, Ilocos Sur babaen iti panagtitipon dagiti Opisiales/Kameng ti 4-H Club iti nadumaduma a barangay ti ili a Cabugao, Ilocos Sur.

Daytoy a programa ket parte ti Action Plan ti 4-H Club a mangaramid kadagiti aktibidad a mangpapigsa ti panagkakaduada nga  agtutubo babaen iti naangay a pakontes iti Herbal Processing & Packaging Technology; Glutinous White Corn Food Processing; Coconut-based Handicraft/Novelty Item Making; Organic Chicken Production Technology; 4-H Quiz B owl; OPM Vocal Solo; On-the-spot- Canvas Painting; Extemporaneous Speaking ken ti Photography Contest. 

Nagpaay a Hurado da Mr. Dario Roy Siruno, Engr. Warren Siruno; Mr. Kevin Somera; Mrs. Ester P. Aguimbag; Mrs. Joenah G. Sevilleja ken ni Mrs. Arceli Racho. 

Inaramid met ni Mrs. Joenah G. Sevilleja, AT ti Orientation to the Contestants/Reading the Criteria and Guidelines of Judging. Binagi met ni Mrs. Ester P. Aguimbag, AT iti Presentation of Participants/Contestants ken inyam-ammona dagiti Board of Judges.

Nagsarita iti Opening Remarks ni Municipal Acting Agriculturist Robert S. Savella ti DA-LGU Cabugao. Pinabilegna dagiti agtutubo nga aggaggagetda a mangipatungpal kadagiti panangi kalikagum ti LGU-Cabugao a mangpasayaat iti kasasaadda a kas naresponsable nga umili. # (Web In-Action)

Friday, March 27, 2015

INSALIP TI LGU-CABUGAO, NAGGAPUAN TI MAJOR AWARD ITI “GAWAD KALASAG 2014”!

Cabugao, Ilocos Sur – Ti Gawad Kalasag Award ket nabuangay babaen iti National Disaster Risk Reduction and Management Council (NDRRMC) babaen iti Department of National Defense (DND) ken ti Department of the Interior and Local Government (DILG) ket tinawen a mapadayawan dagiti LGU’s agraman dagiti maseknan a naisalip nga indibidual iti dayta a Gobierno Lokal.

Iti biang ti LGU- Cabugao, sakbayna ket nagun-od  ni Miss Myrene Bruno  Somejo, 13, agnaed iti Barangay Daclapan, Cabugao, Ilocos Sur ti pammadayaw a Regional Gawad Kalasag 2014 Winner under the Individual/Living Heroic Act Category babaen iti Office of the Civil Defense, Regional Office 1, Regional Disaster Risk Reduction  and Management Council 1, agpada nga adda iti salinong ti Department of National Defense (DND).

Naited ti Pammadayaw iti naangay a Regional Gawad Kalasag 2013 and Bannuar ti Amianan 2014 Joint Awarding Ceremony idiay Hotel Ariana, Paringao, Bauang La, Union idi Pebrero 6, 2015.

Inawat pay ni Myrene Bruno Somejo ti Plake ti Pammadayaw manipud ken ni Mayor Edgardo “Ediboy” S. Cobangbang, Jr. a binayabay ni MLG Officer Constancia “Connie” L. Quinola agraman dagiti kameng ti pamilia ti napadayawan kalpasan iti Flag Ceremony ti Pamilia LGU-Cabugao iti sango ti Munisipio idi Pebrero 9, 2015.

Maibasar iti pakaammo ni Hon. Melchito  M. Castro, Regional Director, OCD RO 1 ken Chairperson, RDRRMC 1 ken ni Mayor Edgardo S. Cobangbang, Jr., Chairperson ti MDRRMC, Cabugao, Ilocos Sur, ket nairaman ni Myrene B. Somejo iti Actual Awarding a maangay iti Tejeros Hall, Armed Forces of the Philippines  Commissioned Officers’ Club (AFPCOC), Camp General Emilio F. Aguinaldo, Quezon City idi Marso 26, 2015 babaen iti Tema: “2014 Gawad KALASAG”: Search for Excellence in Disaster Risk Management  and Humanitarian Assistance, National Level  gapu iti impamatmatna a kinatured a nangisalakan  iti kabsatna ken gayyemna iti peggad iti pannakalmesda koma iti baybay iti laksid ti  kinaganus  ti tawenna ket maibilang a modern-day hero  ken mapagtuladan ti kaaduan, segun iti nailanad iti Pammadayaw a naited kenkuana. Malaksid kadagiti Plake ket nakaawat pay ni Miss Somejo iti Cash a Premiona iti panangabakna iti nasional a benneg.

Iti nadakamat nga Awarding Program idi Marso 26, 2015  iti Camp Aguinaldo, nag-Welcome Address ni Undersecretary Alexander P. Pama, Executive Director, NDRRMC and Administrator, OCD kasta met a nagited ti Award da DND Secretary Voltaire T. Gazmin ken Chairperson, NDRRMC ken ni DILG Secretary Mar A. Roxas II, Chairperson, Gawad Kalasag Selection Committee.  # (Web In-Action)

RICE CRACKER MAKING, INYADAL TI ARC-DTI DITOY CABUGAO

Cabugao,Ilocos Sur – Naangay ti Basic Skills Training on Rice Cracker Making a mangisuro ti Teknolohiya iti panagaramidan ti produkto a mangipanamnama iti pagsapulan ken oportunidad kadagiti  indibidual/inna  nga interesado a makipartisipar kadaytoy a panagsanay.


Kangrunaan a target-beneficiaries daytoy a panagsanay ket dagiti kameng ti 4 P’s ken Out-of-School Youths (OSY’s) kasta metten dagiti kameng ti Agrarian Reform Communities (ARC)  a pakaibilangan dagiti agnanaed iti Barangay Arnap, Cabugao, Ilocos Sur.
Imbatad ni Ms. Maricar P. Lodivico, Staff ti Department of Trade and industry (DTI)-Ilocos Sur, daytoy a panagsanay ket umuna a pa-trainingda kadagiti asosasion iti intero nga Ilocos Sur! Innayonna a maigapu ta inkumit dagiti asosasion ditoy nga ili iti pannakipasetda ken iti madadaan a partnership ti LGU-Cabugao ket maiwayat daytoy a panagsanay tapno malukatan ti ad-adu nga oportunidad ken pagsapulan dagiti maseknan nga umili ti Cabugao, Ilocos Sur. Naangay iti panaglektiur (Teoria) dagiti Resource Person ken aktual a panagsanay iti 2nd Floor, Municipal Building, Cabugao, Ilocos Sur iti Marso 27, 2015,

Timmarabay da Acting Municipal Agriculturist Robert S. Savella, AT kasta metten dagiti Staff/Personnel ti DA-LGU Cabugao iti daytoy a panagsanay nga inesponsoran ti DTI-Ilocos Sur nga idauluan ni Ms. Grace R. Lapastora, CESO V, Provincial Director ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. # (Web In-Action)

SAVELLA, NADESIGNARAN NGA ACTING MUNICIPAL AGRICULTURIST

Cabugao, Ilocos Sur – Nadesignaran ni Mr. Robert Sabio Savella, 56, agdama nga Agricultural Technologist (AT) iti DA-LGU Cabugao nga Acting Municipal Agriculturist maigapu iti panagretiro iti serbisio ni dati a Municipal Agriculturist Zenaida Soller-Andrada.

Maibasar iti Office Order No. 10, Series of 2015, dinesignaran  ni Mayor Edgardo S. Cobangbang, Jr. ni Mr. Savella nga Acting Municipal Agriculturist ket inallawatna dagiti maipatungpal a pagrebbengan iti Municipal Agriculturist iti ili a Cabugao, Ilocos Sur a nagepekto idi Marso 23, 2015. 

Ni Mr. Savella ket tubo iti Barangay Maradodon, Cabugao, Ilocos Sur ngem agnanaedda   ken ti Pamiliana idiay Brgy. Furag, Sinait, Ilocos Sur. # (Web In-Action)

CLOSING EXCERCISES DAGITI PAGADALAN, NAILEPPAS ITI MARSO 27

Cabugao, Ilocos Sur – Naaramid ti Closing Exercises ti  amin a pageskuelaan ti Cabugao DepEd District idi Marso 26-27, 2015  babaen iti Tema: “
Saktong Buhay: Sa De-Kalidad na Edukasyon Pinanday”.

Maibatay iti pakaammo ti Cabugao DepEd District, dagiti sumaganad ti naipaulog nga eskediul iti aldaw ti Marso 27, 2015: Salomague Elementary School, Sabang E/S, Catucdaan E/S, Cael-layan E/S, Arnap E/S, Cuantacla E/S, Salapasap E/S, Nagsantaan E/S, Aragan E/S, Pug-os E/S, Sagayaden E/S, Carusipan E/S ken ti  Namruangan E/S. 

Kadagiti nadakamat  nga eskediul, imbagian dagiti Kameng ti Sangguniang Bayan iti ili a Cabugao, Ilocos Sur ti  LGU-Cabugao kadagiti nasao a Graduation Ceremonies.

Nangipaay ti Confirmation of Graduates kadagiti nagturpos dagiti Opisiales ti Cabugao DepED District. Paset iti Graduation Ceremonies iti Reading of the Message of the DepEd Secretary, Bro. Armin A. Luistro, FSC ken ni DepED Regional Director Teresita M. Velasco .  # (Web In-Action)

TIMBANGAN NG BAYAN, MAKATULONG KADAGITI MARKET GOERS

Cabugao, Ilocos Sur – Segun ken ni Mrs. Norma S. Bertumen, Market Supervisor nga adda regular a koordinasionda iti Department of Trade and Industry (DTI)-Vigan City iti pakaseknan ti presio ken pagkiluan iti Tiendaan.

Naipasdek ti masasao a: “Timbangan ng Bayan” iti dua a disso, iti  kanatengan ken kakarnean/kaikanan tapno adda dumagasan dagiti aggatgatang ngem agpatingga laeng iti 15 Kilograms dagitoy a pagkiluan a libre. 

Malaksid iti pannakamonitor ti presio, pagkiluan, pasilidades ti tiendaan ket maipampamaysa iti pannakamantener ti kinadalus  iti uneg ken aglikmut ti tiendaan, pannakabantay ti trapiko ken pagplastaran dagiti lugan ken motorsiklo ken regular a kaadda  dagiti Public Safety Officer iti uneg ti Tiendaan. 

Nupay kasta, agtultuloy  ti umay makitienda uray pay kadagiti agindeg iti kabangibang nga ili nangruna kadagiti Holiday Season kas iti umadanin a selebrasion ti Semana Santa.

Iti pannakiuman ti Web In-Action kadagiti Marketgoers a nangpadasen a nagpakilo iti Timbangan ng Bayan Weighing Scale ket kaaduanna nga apagisu ti kilo dagiti nagatangda ket no agkurang man ti gramo ket nadaras iti panagkinnaawatan dagiti aggatang ken aglako.

Dagitoy nga agtultuloy a panagsayaat ti kasasaad ti  Tiendaan  ket gubuay iti nasamay a koordinasion nga ipatpatungpal  ti Management Staff/Personnel   ti NISTC Public Market. 

Iti sabali a bangir, segun ken  ni Market Supervisor Norma S. Bertumen, Market Supervisor agtultuloy ti  pannakalinis a nasayaat ti las-ud ti Tiendaan (NISTC Public Market)  maigapu iti masungad a Holiday. Innayonna a tumulongda a mangbunag/mangipakni  kadagiti dadduma pay a wara nangruna kadagiti selopin (non-biodegradable materials) ket agtultuloy nga isayangkat dagiti Personnel ti NISTC Public Market.

Innayonna pay a maar-aramid iti pannaka- “Flushing” iti basar ken stalls iti paglakuan ti ikan ken karne kasta met a maigidgiddan ti inspeksion kadagiti ambulant vendors babaen iti panagpasiar ken panangpalagip ti Public Sanitary Inspector ti LGU-Cabugao kadagiti Food Handlers nga aglaklako iti ikub ti Tiendaan.

Malaksid iti uneg ti Tiendaan, agtultuloy met ti koordinasion ti Opisina ti MENRO-LGU Cabugao ken ni Mrs. Bertumen iti agtultuloy a pannakadalus ti agsumbangir ti Kalsada Nasional a batog ti Tiendaan agraman kadagiti drainages tapno agtultuloy a nasigo ti sanitasion ken nasalun-at nga aglawlaw ti NISTC Public Market a para met laeng iti sapasap. # (Web Situational Report)

Thursday, March 26, 2015

TAX CAMPAIGN 2015, AGLEPPAS

Cabugao, Ilocos Sur – Agleppas ti aktibidad dagiti pannakabagi ti  Municipal Treasurer’s Office ken iti Municipal Assessor’s Office  a pannakaiwayat ti Tax Campaign  for the Year 2015 pakaseknan iti panagbayad ti amiliar (real estate tax) a responsibilidad dagiti agtagikua   dagiti dagdaga  kadagiti Barangay a masakupan  ti Munisipalidad ti Cabugao.

Dua a barangay ti naileppas dagiti nagtrabaho nga LGU Personnel   iti inaldaw. Narugian daytoy nga aktibidad/trabaho  idi Marso 3, 2015  kadagiti 29 a barangays iti ruar ti Poblasion ket agpatingga iti Marso 27, 2015.

Dagitoy nga aktibidad   ket paset ti Direktiba  manipud iti Municipal Chief Executive para iti naregget a pannakaipakat   dagiti wagas a mangpasayaat iti “Revenue Collection”  ti Munisipio. # (Web In-Action)

ROUND-ROVING TI BASKETBALL TOURNAMENT, MAAR-ARAMID

Cabugao, Ilocos Sur – Iti pannaki-amad ti Web In-Action,  imbatad dagiti Coaches ken Players   a maipatpatungpal ti Elimination Round babaen iti Round Roving  kadagiti agsasalip a Team manipud kadagiti barangay a nakisalip kadaytoy nga inter-barangay basketball competition a maysa a mangkulminar iti panagpiesta ti ili inton Abril 21-25, 2015.

Kas iti gagangay, innayon dagiti napagdamagan a naregget dagiti Basketball Cheerers ken  Sympathizers, agindeg kadayta a barangay agraman dagiti Opisiales dagiti barangayda a mangtartarabay/mangsursurot kadagiti Players-da nga agensayo ken makidangadang iti basketball iti Cabugao Cultural and Sports Complex a pakaang-angayan dagiti naka-schedule a Games iti minalem.

Innayonda a dua a Games ti maaramid iti minalem iti aldaw ti lawlawasna idinto ta uppat a Games met iti maaramid iti malem ti Sabado ken ti Domingo.

Segun iti kaaduan a mapan agbuybuya,  imbatadda nga agtultuloy a naurnos ken natalna iti mapaspasamak a salisal gapu iti naipakpakauna a pannakaannurot  ti sportsmanship ken disiplina iti tunggal Player  para iti daytoy a kangrunaan a summer sports. # (Web Situational Report)

CLOSING EXERCISES TI MARSO 26, INDAULUAN TI CABUGAO SOUTH KEN NORTH CS

Cabugao, Ilocos Sur – Naaramid ti Closing Exercises ti 12 a pageskuelaan-Elementaria  ti Cabugao DepEd District iti Marso 26, 2015 nga indauluan dagiti pageskuelaan ti Elementaria iti Poblasion kas iti Cabugao South Central School ken iti Cabugao North Central School babaen iti Tema: “
Saktong Buhay: Sa De-Kalidad na Edukasyon Pinanday”.


Maibatay iti eskediul a binukel ti Cabugao DepEd District, immuna a naangay ti Closing Exercises iti Marso 26, 2015 kadagiti sumaganad a pageskuelaan:  Cabugao South Central School; Cabugao North Central School; Dardarat Elementary School; Lipit Elementary School; Sisim Elementary School; Nagsincaoan Elementary School; Turod Elementary School; Bungro Elementary School;  Daclapan E/S; Pila E/S; Maradodon E/S ken iti Reppa-ac E/S.


Iti nasao nga eskediul, kangrunaan a nangibagi ti  LGU-Cabugao iti nasao a Graduation Ceremonies kadagiti nadakamat a pageskuelaan  ket da Vice Mayor DJ Savellano; SB Member Benedicto M. Savellano; SB Member Vicky S. Serna; SB Member Jayhan Alcid-Tan ken ni SB Member Atty. Bryan Jett S. Pano ken  nagitedda  ti Award.

Paset pay iti Graduation Ceremonies iti Reading of the Message of the DepEd Secretary, Bro. Armin A. Luistro, FSC ken ni DepED Regional Director Teresita M. Velasco.  # (Web In-Action)

Wednesday, March 25, 2015

AGTURPOS ITI CABUGAO INSTITUTE, NAGATENDARDA TI GRADUATION MASS

Cabugao, Ilocos Sur – Naangay ti Graduation Mass para iti amin nga agturpos ti Sekundaria iti Cabugao Institute, Cabugao, Ilocos Sur iti bigat ti Marso 25, 2015.

Naangay ti Misa iti Cabugao Catholic Church, Cabugao, Ilocos Sur a nagatendaran dagiti aggraduar nga  estudiante iti uppat a Class Sections ti  High School a binayabay dagiti nagannakda   agraman dagiti Teachers ken Advisers-da  a pakairamanan metten   ni  Miss Maria S. Rondon, Principal ti nasao a pagadalan-sekundaria ti ili.

Maangay ti Graduation Ceremonies ti nasao a pagadalan inton Marso 26, 2015 iti Cabugao Institute Compound, Brgy. Bonifacio, Cabugao, Ilocos Sur.

Naangay ti Graduation Mass babaen iti panangannong ti Parish Priest ti nasao a Simbaan ti St. Mark the Evangelist, Roman Catholic Church, Cabugao, Ilocos Sur. # (Web In-Action)

ONION AND GARLIC GROWERS ASSOCIATION, NAGMITING

Cabugao, Ilocos Sur -  Naangay ti miting dagiti Opisiales/Kameng ti New Cabugao Onion and Garlic Growers Association nga idauluan ni Mr. Henry B. Saliganan iti Marso 25, 2015 iti 2nd Floor, Municipal Building, Cabugao, Ilocos Sur.

Kangrunaan a napagpapatangan ditoy a miting ket iti panagbayadda iti nasublatda  a gatad iti Munisipio a nagpuonanda iti  panagmulada ken trinatarda iti napintas a pannakaipakat ti Recording System-da.

Nainayon pay a natratar iti nasapsapa a panaggatangda ti bin-i nga usarenda iti panagmulada ti bawang ken lasona.

Imbatad ni Mr. Armando Azcueta nga addaan ti Asosasion-da iti P500,000 a kantidad a  manamnama nga usarenda kadaytoy a gay-atda.

Dagitoy nga aksion ken inisiatiba ket maigapu iti panangparegta ti LGU Cabugao nga idauluan ni Mayor Edgardo “Ediboy” S. Cobangbang, Jr. iti pannakaparegget ti industria ti nateng partikular ti bawang ken lasona ditoy Munisipalidad ti Cabugao tapno manayonan ti matgedan dagiti mannalon ken agtultuloy a maital-o ti kasasaad ti panagbiagda. # (Web In-Action)

MANGROVE PLANTING, NAIRUSAT ITI DUA A COASTAL BARANGAY

Cabugao, Ilocos Sur – Naangay ti panagmula ti Mangrove Seedlings iti saan pay a namulaan a paset ti katangriban iti Barangay Salomague, ken  Brgy. Pug-os, Cabugao, Ilocos Sur babaen iti panangilunsad dagiti kameng ti Fishermen Association kadagiti nadakamat a barangay a kas pannakikaysada iti pannakapaberde kadagiti kakadilianan a paset ti Clean and Green Program-Coastal Area  ti Munisipio nga idauluan ni Mayor Edgardo “Ediboy” S. Cobangbang, Jr. 

Naaramid ti Mangrove Planting idi Marso 20, 2015  a nakaimulaan iti bilang ti Seedlings: Barangay Pug-os-45.000 ken Barangay Salomague-35,000, segun ken ni Mrs.  Milagros R. Paz, Municipal Fisheries Coordinator a nangtarabay kadagiti mangrove planters. 

Kabayatanna, innayon ni Mrs. Paz a mayataday ita ti panawen iti panagmulada gapu iti kapintas ti ugot ti baybay ket manamnama nga adu ti  mangrove seedlings a mainayon a maimula ita a Tawen 2015  iti shorelines a mabatogan dagiti coastal barangay a disso ti estratehiko a mabalin a mulaan ti mangrove seedlings.

Kabayatanna, regular latta met a maar-aramid ti coastal clean-up nga igaygay-at  dagiti multi-sectoral associations  iti  uneg dagiti nadakamat a barangay tapno mabisita, madalusan ken masugotan dagitoy a namulaan ti mangrove a parte ti kabaybayan, segun ken ni MENRO Edgar S. Balangatan, AT ti LGU-Cabugao.

Dagitoy nga aksion ken inisiatiba ket gubuay ti nakammayet a panagtutunos ti amin a sektor a mangpaberde ti katangriban babaen iti panangilungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)

4TH BARANGAY FIRE OLYMPIC HELD…

The 4th Barangay Fire Olympic was held on March 20,2015 at Cabugao South Central School, Cabugao, Ilocos Sur. It was participated by 7 barangays namely, 


Brgy. Cuantacla, Brgy. Cacadiran, Brgy. Turod, Brgy. Baclig, Brgy. Bonifacio, Brgy. Dardarat and Brgy. Pug-os. Barangay Fire Olympic Started on March 2012 when INSP ELMER C ACAPUYAN assumed duty as Municipal Fire Marshal.
     
Barangay Fire Olympic was conducted yearly because the MFM believed that continuous practice and involvement of Brgy. Officials and tanods in fire suppression and rescue will hone them to become a better first responder for they are our multiplier forces in their respective barangays. 
     

There are five (5) events to be Contested and these are 1) Hose Throwing, 2) Target Attack, 3) Fire Extinguisher Relay, 4) Bucket Relay and 5) Tug of war.
    
Each event is allotted a corresponding points and the Team or Barangay who yielded the highest points will be declared the Champion. 
     
In this 4th Barangay Fire Olympic Barangay Cuantacla was declared the Champion for yielding a total of 60 points and they will be our participants to compete in the upcoming Provincial Fire Olympic, Barangay Dardarat got 2nd Place with 55 pints and Barangay Cacadiran, the defending champion, got 3rd place with 50 points.
     
The winners were given Cash Prizes, 2,500.00 for the Champion, 1,800.00 for 2nd Prize and 1,250.00 for 3rd Prize. Non-winner were received a consolation Prize of 500.00 each team. The funds and prizes given are compliments of LGU Cabugao thru the Leadership of the Honorable Mayor Edgardo S. Cobangbang Jr.
      
Our sincere gratitude to all the Barangay who participated in this events and to Hon. Mayor Edgardo S. Cobangbang Jr. for the Prizes. Indeed your participation and untiring support to the BFP Cabugao 

Is of great help to implement and accomplished our mandate.#

SEEDLINGS, MAASIKASO PARA ITI KATUDONA A BULAN

Cabugao, Ilocos Sur – Kas panagsagana iti umay a bulan ti panagtudona, inaldaw a palangtuen dagiti kameng ti DA-LGU nga idauluan ni Municipal Plant and Nursery Coordinator  Mr. Robert S. Savella, AT babaen iti pannakasibogda nga inaldaw gapu iti panagsig-at ti dam-eg a gubuayen ti idadateng ti kalgaw.

Kaaduan kadagiti napatanor a seedlings ti mangsustener iti programa ti Munisipio iti Clean and Green Program/Tree Planting kadagiti watershed, bakante a lote, igid ti karayan ken kalsada  kangrunaan kadagiti barangay.

Imbatad ni Mr. Savella nga umabot  ti 10,000 a seedlings ti nagyan iti municipal plant and nursery iti agdama ket mapalpalangtoda babaen iti inaldaw a pannakaasikasoda tapno masagsagana para iti Tree Planting a maigannuat kadagiti matutudo a bulbulan.

Ti Municipal Plant and Nursery ti Munisipio  ket katinnulongna dagiti programa ti NTA-Cabugao Office ken iti High Value Crops Development Program (HVCDP)-DA iti agtultuloy a panagmula ti kayo   babaen iti maiwayat ken   nasaknap a Tree Planting Activity/Plant Survivability Program a maigannuat  iti intero a Munisipalidad ti Cabugao iti kallabes ken iti masanguanan. # (Web Situational Report)

SCHOOL FENCE TI CABUGAO NORTH CS, NAPAPINTAS

Cabugao, Ilocos Sur –Napapintas ti inaladan ti Cabugao North Central School (CNCS)  agraman ti School Marker  babaen iti panangidaulo da  Mrs. Estrellita M. Siruno, Principal II ken ni Mr. Armando Azcueta, PTA President.

Segun kadagiti nadakamat nga Opisiales, naggapu iti napakandidata-an ti pageskuelaan  itay kallabes ken ti Donasion ni Rev. Fr. Andronico Pahed iti nausar a naigastos kadaytoy a panagtarimaan ti aladda.

Dagitoy a panagballigi dagiti maiwaywayat a proyekto ket gubuay iti  napintas a panagbinnulig dagiti mangisursuro, nagannak, Gobierno Lokal ken iti komunidad  a makasakup iti daytoy  a pagadalan. # (Web In-Action)

Tuesday, March 24, 2015

PHILIPPINE ARMY AWARDS PGIS

The Philippine Army celebrated its 118th founding anniversary last March 23, 2015. Part of the celebration was the awarding of Command Plaque to stakeholders for supporting the Army’s community-based peace and development initiative and projects.

The Provincial Government of Ilocos Sur, the only local government unit (LGU) awardee; National Bookstore Foundation, Inc., HERO Foundation, Inc., and the Leonio Group of Companies received Command Plaques.

Defense Sec. Voltaire Gazmin and Phil. Army chief Lt. Gen Hernando Iriberri presented the award. Ilocos Sur Provincial Administrator Cara Peredo represented Gov. Ryan Singson in accepting the said award.

“On behalf of our Gov. Ryan Singson and the whole Provincial Government, I wish to thank the Philippine Army for recognizing our sincerest  efforts in helping them implement  various programs and projects for the betterment  of  our community.“, Peredo said.

The Philippine Army also declared Ilocos Sur as peaceful and friendly province during the first year of Gov. Ryan’s administration. Some of their programs supported by the Prov’l Gov’t are the conduct of medical missions and tree planting activities. The PGIS also provided additional materials for the construction of some structures at the Phil. Army’s camp here in the province.

“We are here to support our Philippine Army in the best possible way that we can. This is vital for the sustainability of a peaceful and friendly province.” Gov. Singson said. # Adapted News, PIO-Ilocos Sur

OPEN FOR ALL ITI MAIKATLO A SABADO TI LAING...

Cabugao, Ilocos Sur – Naaramid ti maikatlo  a parang (Marso 21, 2015)   ti “Laing ti Talugading, Show Me, What You’ve Got”, programa ti LGU-Cabugao nga idauluan ni Mayor Edgardo “Ediboy” S. Cobangbang, Jr. a maysa kadagiti naisangayan nga aktibidad a mangkulminar  iti   panagpiesta ti ili (Ragsak Cabugao Festival 2015) inton Abril 21-25, 2015 ken mangtakuat/mangmuli kadagiti talento/kabaelan iti   benneg  dagiti umili iti Cabugao, Ilocos Sur tapno pakairanudan dagitoy.


Nairugi ti nadakamat a pakontes idi Marso 7, 2015 (rabii ti Sabado) idiay Auditorium ti Cabugao Central Park (CCP) ket maikatlo a Sabado ti pakontes iti Marso 21, 2015 a no sadino a ditoy ket nagbuyaan manen  ti adu nga umili gapu iti makaparay-aw/makaliwliwa  nga impabuya  dagiti nagpartisipar iti dayta a sardam.

Maaramid ti pakontes iti nabatbati pay a Sabado. Iti umuna, ket nagsasalipan dagiti agad-adal iti Sekundaria iti ili (private ken public) ket napili dita iti tallo a kangrunaan a nakisalip (Elimination)  a maisagana a Finalist para iti Grand Finals a naituding  a maaramid inton Abril 22, 2015.


Napasamak ti “Laing ti Talugading” iti maikadua a Sabado ket binukel dagiti nagsasalip dagiti agad-adal iti nadumaduma a pagadalan-Elementaria iti ili.

Iti maikatlo a Sabado, naituding nga “Open for all” daytoy a pasalip ken buklento met ti Non-Government Agencies (NGA’s)  ken NGO’s dagiti agsasalisal iti maikapat a Sabado (Marso 28, 2015)  iti bulan ti Marso 2015.

Kas iti napalabas a Sabado a pannakaaramid ti “Laing ti Talugading”, nagpaay a Program Hosts da Ms. Odette Vallejo Somera ken ni Mr. Dharen Jake Repollo Garcia,  agpada a mangisursuro ken buklen dagiti nagpaay a Hurado dagiti maresrespeto iti kabaelanda iti kastoy a tay-ak ti paglaingan. # (Web In-Action)

GRADUATION MASS TI CABUGAO DepED, NAANGAY

Cabugao, Ilocos Sur – Naangay ti Graduation Mass para iti amin a Pageskuelaan-Elementaria  ti Cabugao DepEd District, Cabugao, Ilocos Sur idi Marso 21, 2015.

Naangay ti Nasantuan a Misa iti Cabugao Catholic Church, Cabugao, Ilocos Sur a nagatendaran dagiti ubbing a Grade VI Pupils ken agraman dagiti Ranking Pupils iti Lower Grade Levels a tinarabay ida dagiti dadaulo ti pageskuelaan, Adviser-Teachers-da ken nagannak kadakuada.

Naangay ti Graduation Mass babaen iti panangannong ni Rev. Fr. Felix Costales, Parish Priest iti nasao a Simbaan iti bigat ti Marso 21, 2015.

Tinawen daytoy a maar-aramid sakbay iti petsa ti panagturpos dagiti agad-adal tapno mabendisionan ti panggep dagiti Nagannak/Guardians a maitultuloy dagitoy nga ubbing a mairagpat iti nangatngato a tukad ti Edukasion para iti panagsayaatda ken panagbalinda a responsable nga umili, imbatad ni Kagawad Floro Baclig, Lay Leader iti nadakamat a Simbaan.  # (Web In-Action)

Monday, March 23, 2015

UCCP CLOSING EXERCISES, NAGMENSAHE NI MAYOR EDIBOY

Cabugao, Ilocos Sur -  Naangay ti Graduation Rites and Closing Exercises ti UCCP (United Churches  of Christ  in  the Philippines) iti UCCP Ground, Brgy. Rizal, Cabugao, Ilocos Sur iti Marso 23, 2015 a no  sadino a ditoy ket nagatendar dagiti ubbing nga agad-adal (Nursery ken Kindergarten), Nagannak/Guardians, Mannursuro, Bisita, Konseho ti Simbaan (UCCP)  ken  dagiti lumugar ti Barangay  Quezon, Cabugao, Ilocos Sur.


Kalpasan ti Processional March, nangted ti Invocation ni Ms. Jeanette Gabriel, Kindergarten Parent. Words of Welcome ni Mrs. Lita S. Bermudez, FPTA President ken pannakaipresenta dagiti ubbing nga agturpos ti inakem ni Mrs. Bernadeth V. Sunio, Kindergarten Teacher.

Inannong ni Mrs. Lodevina S. Mejia, Director, Cabugao UCCP Pre-School iti pannakakompirmar dagiti nagturpos.

Inyam-ammo met  ni Ms. Mary Jane S. Sagun, Nursery Parent, ti Guest of Honor and Speaker.

Nagpaay a Guest of Honor and Speaker ni Ms. Hazel S. Formoso, Certified R.N. a nangibuksil ti kaipapanan ti Tema: “Saktong Buhay: Sa De-Kalidad na Edukasyon  Pinanday.”

Impaay ni Mayor Edgardo “Ediboy” S. Cobangbang, Jr. iti Graduation Message-na ket impeksana ti nabara a kablaawna kadagiti ubbing a nagturpos, nagannak, mannursuro, bisita, opisiales ti barangay ken manarawidwid iti pageskuelaan ti UCCP-Cabugao.
Naragsak a nangipadamag ti Ama ti Ili a pinagturposna met ti adal dagiti annakda ditoy a pagadalan ket agyamyaman ta iti pannakamuli dagiti ubbingda ket makaipaayda metten iti liwliwa kadakuada nga agassawa.

Innayon ti Alkalde Munisipal  nga agtultuloy koma ti   pannakaited iti silaw ken adal iti naganus nga isip dagiti ubbing tapno agbalindanto a naresponsable   ken  makipagbangon iti napintas a masanguanan ti ili a Cabugao. Kenkuana, dagiti ubbing ti maikkan iti napintas a pagtuladan tapno daytoyto met  iti tagipatgenda  a galad nga  idanonda  iti sumaruno a henerasion.

Naisaganad ti Presentation of Honor Pupils, Pinning of Ribbons and Awarding of Medals by Parents and Donors, Presentation of Loyalty Award, Kiddie Scout and Twinklers babaen ken ni Ms. Novelyn S. Cueto, Nursery Teacher.

Simmaruno ti Valedictory Address ni Steffen Marrion S. Ancheta, First Honors, Kindergarten.

Simmaganad  ti Awarding of Throphy to Steffen Marrion S. Ancheta, First Honors, Kindergarten.

Introduction of the Guest Speaker ni Ms. Mary Jane S. Sagun, Nursery Parent. Inspirational Message ti inted ni Ms. Hazel S. Formoso, Certified Registered Nurse, Guest Speaker. Trinatarna ti kaipapanan ti Tema iti Closing Exercises.

Naisaruno ti pannakaited ti Plaque of Appreciation and Simple Token to be given to the Guest Speaker babaen ken ni Ms. Lodevina S. Mejia.

Naaramid ti Distribution of Certificates to the Graduates babaen iti Director, Church Councils, Guest Speaker and Teachers.

Naaramid pay ti Presentation of Honor Pupils, Pinning on Ribbons and Awarding of Medals ti Nursery babaen kadagiti nagannak/Donors.

Simmaruno ti Distribution of Certificates to the Nursery Pupils babaen iti Director, Church Councils, Guest of Honor ken Teachers.

Pledge of Loyalty babaen ken ni Franklin Sung II G. Song, Third Honors, Kindergarten.

Graduation Song “In This Moment” babaen kadagiti Graduates ken Closing Remarks ni Mrs. Lodevina S. Mejia, Director,  Cabugao UCCP Pre-School.

Nagpaay nga Emcee da Mrs. Joanne Cielo S. Calaycay; Ms. Virgie Z. Tipon ken ni Ms. Novelyn S. Cueto. # (Web In-Action)