Tuesday, November 29, 2016

HRM OFFICER TI LGU-CABUGAO, NAGATENDAR ITI 3-DAY CSC SEMINAR

Cabugao, Ilocos Sur -  Nagatendar ni Miss Teresita Maximina “Mimi” S. Sison, Section Chief,  

Human Resource Management Office ti Local Government Unit (LGU)-Cabugao, Ilocos Sur iti tallo nga aldaw (Nobiembre 28-30, 2016) a seminar iti “6th Luzon Convention of Human Resource Management Practitioners” babaen iti Tema: “Organizational Change and Transformation: How Can HRMPs Can Lead the Change” a maang-angay idiay Philippine lnternational Convention Center (PICC), CCP Complex, Pasay City, Metro Manila.

Aggapu dagiti agseminar iti pito a Rehion iti Luzon (Region 1-5 agraman iti Cordillera Administrative Region (CAR)  ken iti National Capital Region (NCR).

Sakbay daytoy, nagatendar pay  ni Miss Sison iti 2nd Luzon Convention of Human Resource Management Practitioners  iti Villa Caceres Hotel, Naga City idi Oktubre 2-4, 2012. # (Web In-Action)

FLAG RETREAT, NAKIPARTISIPAR DAGITI YOUNG PUBLIC SERVANT

Cabugao, Ilocos Sur – Naaramid ti  seremonia iti   Flag Retreat idi Nobiembre 25, 2016, Biyernes,  a nakipartisiparan dagiti kameng ti  Young Public Servant (YPS)  ken ti Pamilia-LGU iti panangidaulo ni Mayor Josh Edward S. Cobangbang ken binayabay dagiti Opisiales ti Ili nga isuda SBM Vicky S. Serna; SBM Atty. Bryan Jett S. Pano; SBM Josefina S. Vallejo; SB Secretary Maxfel S. Suboc; HRM Officer Teresita S. Sison ken ni Municipal Accountant Anna Lyn Siababa. # (Web In-Action)

Monday, November 28, 2016

CABUGAO DISTRICT 2016 BSP CAMPORAL, NAANGAY IDIAY BRGY.PILA

Cabugao, Ilocos Sur – Naangay ti tallo  nga aldaw a    Cabugao District 2016 Boy Scout of the Philippines (BSP) Camporal ti Cabugao DepED District idi  Nobiembre 25-27, 2016 idiay Brgy. Pila, Cabugao, Ilocos Sur babaen iti Tema: “ Growth and Stability”.


Iti Day 1, Nobiembre 25, 2016 (Friday), daytoy ti Arrival, Settling-in, Camp-set up, Opening Program, Base Instruction ken Torch Parade ken BSP Got Talent (1 Per Troop)  iti rabii.

Nakikaysa met da Mayor Josh Edward S. Cobangbang, Municipal Scouting  Committee Honorary Chairman  ken ni ABC President Thaddeus U. Soller, Chairman,  Municipal Scouting Committee ken dagiti dadduma nga Opisiales iti Municipal Scouting Committee iti nadakamat a District Camporal 2016. 

Impaay ni Mayor  Josh Edward  ti mensahena ket immuna  a kimmablaaw kadagiti amin a naitaripnong  iti nadakamat nga opening day ti camping. Kinuna ti Alkalde Munisipal a dagitoy nga aktibidad ket nasamay a panangisagana iti napintas a pagbanagan dagiti ubbing  iti masakbayan tapno agbalinda a naresponsable nga umili. Dinayaw pay ti Ama ti Ili iti napintas a pannakaisagana dagiti aktibidad   a mangpangayed kadagiti aktibidad ti Scouting.

Iti Nobiembre 26, 2016 (Saturday) – Nayeskediul  ti Kawan Holiday (Kab Scout Field Day)  ket maaramid ti Opening program; Different Games; Yell and Presentation by Zone ken Awarding of Winners kasta metten iti  Scout Skills Competition, Laro ng Lahi, General Campfire idinto ta Community Service ken Closing Program and Awarding Ceremonies  iti Nobiembre 27, 2016.

Nagatendar met da BSP Ilocos Sur Council OIC Executive Gil P. Savellano, Ed. D.; Vice Mayor DJ Savellano ken ni SBM Atty. Bryan Jett S. Pano.

Natarawidwidan ti Cabugao District 2016 BSP Camporal  babaen kada Dr. Concesa T. Rumias, Ed. D., Public Schools District Supervisor, District Commissioner ken Camp Chief; Pila Barangay Captain Patricio B. Satumba, Camp Director. 

Ti Standing Committee ket  buklen dagiti kameng ti Program Activities; First Aid/Preparedness ken ti Security and Safety a bukbuklen ti PNP ken BPATS iti Barangay Pila. 

Ti  Working Committees ket  buklen dagiti mangisursuro a mangimaton kadagiti nadumaduma nga aktibidades nga aramiden ken pagkokontesan ti Boy Scouts kasta metten iti Action Committees a buklen met laeng dagiti mangisursuro a mangtaming iti Camp Layout; First Aid/Safety; General Services; Registration; Secretariat; Reception ken ti Invitation.  # (Web In-Action)