Wednesday, April 30, 2014

FREE-PATENT TI DAGDAGA, MAITULTULOY

Cabugao, Ilocos Sur –Agtultuloy a maas-asikaso dagiti Free Patent Application (Residential) kadagiti agindeg iti Barangay a masakupan ti ili a Cabugao, Ilocos Sur kasta met iti Poblasion a kalikagumanna ti matituluan iti kabukbukodanda a daga.

Iti pannaki-amad ti Web In-Action iti  Mayo 2, 2014, impakaammo  ni  Municipal Assessor Lilia S. Flores  a naiwayat pay ti Cabugao Cadastral Survey Project tapno lehitimo a makapatitulo dagiti lot owners  a masakupan ti Munisipalidad ti Cabugao babaen iti libre a serbisio ken panagkammayet a  programa ti DENR Regional Office 1-Land Management Service (LMS)   ken  iti LGU-Cabugao nga idauluan ni Mayor Edgardo “Ediboy” S. Cobangbang, Jr.
Sakbayna, naaramid ti Pre-Titling Info-Drive ti DENR ken ti Municipal Assessor’s Office  kadagiti barangay babaen iti pannakitinnulong dagiti Kapitanes ti Barangay kadagiti maseknan a kalugaranda. 

Gapu itoy a programa, naiyawat kadagiti agtagikua iti  napatituluan a daga babaen iti “Handog Titulo Program”  babaen iti naangay a Ceremonial Awarding iti 107 a maited a  Titulo iti karabiyan ti Abril 23, 2014 a rugi ti panagpiesta ti ili babaen iti panangyawat da Mayor Ediboy ken ni Governor Ryan Luis V. Singson a binayabay  dagiti Opisiales ti DENR ken  LGU iti imatang dagiti nagatendar nga umili iti Cabugao Central Park (CCP), Brgy. Bonifacio, Cabugao, Ilocos Sur. # (Web In-Action)

AGTULTULOY TI TRABAHO TI SPES

Cabugao, Ilocos Sur – Agtultuloy ti panagtrabaho dagiti SPES (Special Program for the Employment of Students) a nagbuligan nga ipatpatungpal  ti Department of Labor and Employment (DOLE)-Vigan City ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. ita a Tawen 2014.

Maibatay iti rekord ti Human Resource Management Office (HRMO) ti LGU-Cabugao, umabot ti 50 nga estudiante ti agtartarabaho kadagiti Opisina ti  nadumaduma a Departamento ti LGU a nakaidesignaranda. Tallo a Batch ti naituyang a panagtrabaho dagitoy a naawat nga estudiante a naggapu iti nadumaduma a barangay ti ili a Cabugao. 

Iti pannakiuman ti Web In-Action kadagiti SPES Employees iti Abril 30, 2014, imbatad ti kaaduan kadakuada a naibaonda a mapan ag-census kadagiti barbarangayda  kadagiti indibidual a nakaturpos ngem awan ti pagsapulanda. Daytoy ket direktiba ti DOLE tapno mairekord ti nagan/datos  dagitoy a maseknan  iti Philjob Net a ditoy ket matulongan dagiti awan trabahoda a makabirok iti pagsapulanda babaen iti online program ti Ahensia. # (Web In-Action)

OFF-SEASON PLAN DAGITI VEGETABLE GROWERS, MAIRUBUAT

Cabugao, Ilocos Sur  -  Mairugi manen ti panagmula dagiti kameng ti Cabugao Vegetable Growers and Producers  Association  nga idauluan 

ni Mr. Armando Azcueta iti Off-Season Type a klase ti nateng ita a bulbulan  tapno agtultuloy nga adda trabaho dagiti padana a vegetable growers/traders ken saan a mapulsot ti pannakapataud ti suplay ti nateng a mangbalanse iti pagkasapulan iti merkado.

Insupusop ni Mrs. Ester P. Aguimbag, AT,  High Value Crop Development Program  Coordinator a no agkurkurang ti mailako a nateng ket kapilitan a mapan agangkat dagiti traders iti sabali nga ili ket agresulta no kua iti panagngina ti presio a mangparigat kadagiti konsumidores ket kayatda a maantisiparan/maliklikan koma  daytoy a problema.

Imbatad ti kaaduan a Vegetable Growers a sinagrapda   itay kallabes a panagmumula   dagiti padada nga agnatnateng iti napintas a presio a  nangruna iti sili ket agyamyamanda iti agtultuloy a suporta ti LGU Cabugao kadagiti gannuatda a mangpapintas ti kasasaadda nga agmulmula ken agnegnegosio iti nateng.

Kabayatanna, naited kadagiti mannalon iti pangrugianda a bukel manipud iti DA-LGU babaen ken ni Mrs. Ester P. Aguimbag, AT, HVCDP Coordinator ken kaduada a nagplano a  manggun-od ti kasapulanda pay  a dadduma a  bukbukel tapno maipamaysada ti agmula itoy a bulbulan.

Kagiddan a tinamingda iti nadakamat a mitingda idi Abril 28, 2014 ket  iti panangpatibkerda ti asosasionda a nangruna iti pannakapapintas  ti recording kasta met iti Financial a kasasaad ti asosasionda tapno agtultuloy a nasayud  iti operasionda a kas maysa nga organisado a pagtuladan a  sektor.  # (Web In-Action)

ELIMINATION TI BASKETBALL TOURNAMENT, MAAR-ARAMID

Cabugao, Ilocos Sur – Iti pannaki-amad ti Web In-Action idi Abril  29, 2014,  imbatad dagiti Coaches  a maipatpatungpal ti Elimination Round babaen iti Round Roving  kadagiti agsasalip a Team manipud kadagiti barangay a nakisalip kadaytoy nga inter-barangay basketball competition.

Buklen ti 6  a Bracket dagiti Team.

Kas iti gagangay, innayon dagiti napagdamagan a naregget dagiti Basketball Cheerers ken  Sympathizers, agindeg kadayta a barangay agraman dagiti Opisiales dagiti barangayda a mangtartarabay/mangsursurot  kadagiti Players-da nga agensayo ken makidangadang iti basketball iti Cabugao Cultural and Sports Complex a pakaang-angayan dagiti naka-schedule a Games iti minalem.

Kabayatanna, mainayon met a mabuya iti ay-ayam ti kategoria ti Inter-Agency Games kas iti panagsalip dagiti Players iti Mayor’s Team, Vice Mayor’s Team, BFP-Cabugao Team, PNP Cabugao Team  ken LGU Team.

Segun iti kaaduan a mapan agbuybuya,  imbatadda nga agtultuloy a naurnos ken natalna iti mapaspasamak a salisal gapu iti naipakpakauna a pannakaannurot  ti sportsmanship ken disiplina iti tunggal Player  para iti daytoy a kangrunaan a summer sports. # (Web Situational Report)

Tuesday, April 29, 2014

HERMANA MAYOR TI LGU-CABUGAO ITI TAWEN 2014

Cabugao, Ilocos Sur – Sinabet dagiti kameng ti Pamilia-LGU Cabugao ti imahen ni Patron San Markos Ebanghelista iti sanguanan ti Simbaan Romano Katolika ket inturongda iti sanguanan ti Munisipio (Presidencia) a ditoy ti nakaiplastaran ti Patron ti Ili iti imatang ti kaaduan ken  dagiti kameng ti Pamilia-LGU nga idauluan ni Mayor Edgardo “Ediboy” S. Cobangbang, Jr. idi Abril 28, 2014.

Iti panangrugi ti Misa, naibasa ti Mensahe iti Pammasangbay babaen ken ni Mayor Ediboy sakbay a narugian ti Nasantuan a Misa iti panangannong ni Rev. Fr. Felix Costales, Parish Priest ti Cabugao Catholic Church. 


Sakbayna, babaen iti Pammilin ti Opisina ti  Ama ti Ili idi Abril 7, 2014 ket  naipakaammo kadagiti amin a   kameng ti Pamilia-LGU a  mapusgan ita a Tawen 2014 nga agbalin a “Hermana Mayor”  ti LGU-Cabugao ket makipagyan ti Imahen  ni San Markos Ebanghelista iti makatawen ditoy Munisipio. Kas panangrespeto iti isasangbay ti  Patron ti Ili ket maigunamgunam nga agatendar ti amin nga Empleado ken dadaulo iti Opisina ti LGU-Cabugao a mangsabat iti Imahen ken agatendarda  iti Nasantuan a Misa a maaramid iti Munisipio.

Kalpasan ti Misa, naisimpa ti Imahen ti Patron iti naisadia a pagyananna iti Municipal Conference Building ket nairuknoyan ti Kararag (Novena)  babaen kadagiti Deboto. Maangay ti panagnobena ken panag-vigil  dagiti empleado iti siam nga aldaw.

Kalpasan ti Misa, naangay iti panagtataripnong  dagiti Empleado ken  agraman dagiti Opisiales ti Ili  babaen iti naaramid a salu-salo iti uneg ti Munisipio.  # (Web In-Action)


SCHOLARSHIP PROGRAM TI LGU, NAIPATUNGPAL

Cabugao, Ilocos Sur – Nageksamen dagiti naawat nga Aplikante para iti “libre a panagadal”  a programa ti LGU-Cabugao nga idauluan ni Mayor Edgardo “Ediboy” S. Cobangbang, Jr. ket naaramid idi Abril 28, 2014 iti School Building ti Cabugao North Central School, Brgy.  Rizal, Cabugao, Ilocos Sur. 

Ti  Cabugao Education Scholarship Program ket  naaprobaran a Gakat   ni SB Member Danilo Q. Gazmen ken indarirag  ti Joint Committee on Education and Appropriation  ti Sangguniang Bayan ken inaprobaran ni Mayor Ediboy idi Oktubre 14, 2013.

Daytoy a linteg ket maiyimplimentar  ket maisagut dagiti makaruar iti eksamen nga  agtutubo  a naregget ti namnamada a makaileppas ti kurso iti High School ken Kolehio. # (Web In-Action) 

1st LUMBA TI MOTOR-CABUGAO MOTOCROSS, DUPUDOP TI NAGBUYA

Cabugao, Ilocos Sur – Naangay ti 1st Lumba ti Motor-Cabugao Motocross idiay  disso ti Cur-ruoy, Brgy. Daclapan, Cabugao, Ilocos Sur idi Abril 26, 014 a nagpartisiparan dagiti Professional/Novice Riders a nagrehistro babaen iti Invitational nga indauluan da Motocross Professionals Jovie Saulog, Glen Aguilar ken Bebet de la Cruz.

Iti nasao a pasalip ti Motocross ket tinarabay ti LGU-Cabugao ken dadduma pay nga establisimiento a mangsupsuportar kadaytoy a motor racing  a kas pangparagsak iti maudi nga aldaw  iti  pannakaselebrar ti 2014 Cabugao Ragsak Festival iti ili ti Cabugao (Abril 23-26, 2014).

CLICK HERE TO VIEW MORE PHOTOS
Iti pannakalukat ti pasalip, nag-Courtesy dagiti Motor Riders ken ni Mayor Edgardo “Ediboy” S. Cobangbang, Jr. a maysa kadagiti nagbuya kadaytoy a naiduma a pasalip ti lumba ti motor.

Iti Words of Welcome ni Mayor Ediboy, kinablaawanna dagiti amin a Riders ken dagiti adu a nagbuya a kaaduan nga umili ti Cabugao ken naggapu iti kabangibang nga ili.

Pinagyamanan pay ti Alkalde Munisipal dagiti dadduma nga esponsor ken nangorganisar kadaytoy a pasalip, dagiti Opisiales ti ili ken barangay a nakipagtarabay kasta metten  iti nasayud a pannakaurnos ti trapiko, natalna ken kinatalged dagiti nagbuya iti palumba ti motor.

Kalpasan ti Oath of Sportsmanship nga inted  ni Mr. Jovie Saulog, naikkan dagiti Riders iti sumagmamano a minutos a nagpraktis sakbay a naaramid ti racing proper.

Kabayatan ti nagmalem a palumba, namantener ti naurnos a  Trapiko, ti linak ken talna dagiti nagbuya babaen iti panangiwanwan dagiti Kapolisan ken Barangay Tanod. Nakikaysa pay dagiti Kapitanes ti Barangay ken dagiti Opisiales ti Barangay Daclapan nga idauluan ni Brgy. Captain Charlie R. Somejo.

Nakitinnulong iti pannakaimaton   ti palumba   da Brgy. Captain Thaddeus U. Soller ken ni Mr. Rommel Naval. # (Web In-Action)

CLICK HERE TO VIEW MORE PHOTOS

FERTILIZER DISTRIBUTION, AGTULTULOY PAY LAENG

Cabugao, Ilocos Sur – Iti pannaki-amad ti Web in-Action iti Cabugao DA-LGU Office idi Abril 28, 2014, nairekord nga  agtultuloy pay laeng ti pannakaited dagiti ganaganda  Triple 14 (Complete Fertilizer) kadagiti mannalon iti 33 a barangay ti ili babaen kadagiti Opisiales ti Barangay ken Farmer’s Association nga as-asistiran dagiti pannakabagi ti DA-LGU Cabugao nga idauluan ni Municipal Agriculturist Zenaida S. Andrada.

Dagitoy a subsidized inputs ket paset ti programa iti pannakaidur-as ti Agrikultura ti LGU-Cabugao   nga idauluan ni Mayor Edgardo “Ediboy” S. Cobangbang, Jr. ken  panangtulong kadagiti sapasap a mannalon iti inda manen panagmula  iti Wet Season 2014  (Hunio-Nobiembre) ken impaay ti Gobierno Probinsial nga idauluan ni Governor Ryan Luis V. Singson. # (Web In-Action)

Monday, April 28, 2014

1 MILION A TSEKE NGA INABAK TI LGU-CABUGAO, NAITED

Cabugao, Ilocos Sur – Naited  ti Tseke nga agbalor iti 1  Million Pesos  a Premio ti LGU-Cabugao  iti panangabakna iti “Search for the CY 2013 Agri-Pinoy Rice Achiever’s Award” kas  maysa kadagiti “Outstanding Municipalities and LGU babaen iti National Rice Program iti Department of Agriculture (DA).


Inawat ni Mayor Edgardo “Ediboy” S. Cobangbang, Jr. iti nasao a premio iti Abril 28, 2014 iti Opisinana  iti imatang dagiti kaduana nga Opisiales ti LGU-Cabugao kas kada Vice Mayor Deogracias Jose Victorino “DJ” H.  Savellano, Municipal Agriculturist Zenaida S. Andrada, SBM Benedict M. Savellano, Committee Chair on Agriculture and Fishery, SBM Danny Q.  Gazmen, SBM Vicky S. Serna, SBM Dr. Jemaima S. Tan-Yee, SBM Jayhan Alcid-Tan, SBM Josefina S. Vallejo ken ni Municipal Rice Program Coordinator Nereo S. Daproza. 


Nadakamat  pay iti nasao  a pammadayaw ti LGU-Cabugao a resulta daytoy iti positibo ken adu a naitulongna iti pannakaidur-as ti produksion ti pagay iti Region 1 iti Tawen 2013.

Kabayatanna, ibagian  met da Municipal Agriculturist Zenaida S. Andrada ken ni Mr. Nereo S. Daproza, Municipal Rice Program Coordinator, dagiti napadayawan iti Outstanding Agricultural Extension Workers (AEWs) a karaman kadayta a nadakamat a pammadayaw. # (Web In-Action)

NARAGSAK TI ADMINISTRATION NIGHT TI PIESTA

Cabugao, Ilocos Sur – Napunno ti ragsak ti  Cabugao Central Park Auditorium iti pannakarambak  ti Administration Night iti Abril 24, 2014 a nagpartisiparan dagiti Municipal Officials nga idauluan ni Mayor Edgardo “Ediboy” S. Cobangbang, Jr., Pamilia-LGU, Kakapitanes ti Barangay ken Opisiales ti nadumaduma nga Asosasion, umili ti Cabugao ken Balikbayan.

Pinarungbo dagiti makapikapik a samiweng  nga impatayab ti Don Podring de Guzman Orchestra ket saan a kinabaelan a pagmawmawen   dagiti  sonata iti alibtak ken regta  dagiti sumasala a nangipakita  iti laingda a mangkumpas kadagiti agduduma a piesa a maipatayab iti Banda a nangpadaeg iti salonan.

CLICK HERE TO VIEW MORE PHOTOS
Agduduma dagiti sonata   ket mainaganan dagiti mangidaulo kadagitoy nga Opisial/Grupo  wenno Balikbayan a napan nagsala.

Naited ti pammadayaw ken premio dagiti nangabak a  Float  iti napasamak a Grand Float  Parade iti bigat ti  Abril 24, 2013. 

Mismo a dagiti Municipal Officials nga idauluan da Mayor Ediboy ken ni  Vice Mayor DJ ti nangiyawat kadagiti premio dagiti nangabak.

Nakitaripnong met dagiti natatakneng a sangaili a naggapu iti nadumaduma a benneg ti kagimongan ken dadduma pay a bisita a nakidanggay kadagiti  Barangay Officials,  Balikbayans ken Pamilia-LGU  a nakipagrambak iti dayta a rabii.  # (Web In-Action)

CLICK HERE TO VIEW MORE PHOTOS

ESPONSOR TI PAMILIA-LGU ITI KAALDAWAN TI PIESTA

Cabugao, Ilocos Sur -  Nakimisa dagiti kameng ti Pamilia-LGU nga idauluan ni Mayor Edgardo “Ediboy” S. Cobangbang, Jr. iti kaaldawan ti Piesta ni San Markos Ebanghelista, Patron ti Simbaan Romano Katolika iti ili a Cabugao, Ilocos Sur idi Abril 25, 2014.

Kadua ti LGU-Cabugao  dagiti kameng ti Parish Pastoral Council (PPC) a nangesponsor kadaytoy a Naidaklan a Misa.
Ni Most Reverend Marlo M. Peralta, D.D., Archbishop ti Archdiocese of Nueva Segovia, Vigan City  iti kadua dagiti Papadi a nangannong iti nasao a  Liturgical Celebration.

Naruay met dagiti umili a nagatendar kadaytoy a Naindaklan a Misa kas pangkulminar iti 4 nga aldaw a Panagpiesta ti Ili    ti Cabugao   (Abril 23-26, 2014). # (Web In-Action)

“SALA SA KALSADA”, NARAY-AW DAGITI NAGBUYA

Cabugao, Ilocos Sur –Naruay dagiti nagbuya  nga umili iti agsumbangir  ti Kalsada Nasional iti panagsala dagiti nagaruat iti agduduma  nga ubbing ken agtutubo a nangsala iti kabukbukodanda nga Entry iti pakontes ti LGU-Cabugao: “Sala sa  Kalsada” a kas maysa a pangray-aw iti publiko iti  maikadua nga aldaw ti Piesta ti ili a Cabugao, Ilocos Sur iti kamalman ti Abril 24, 2014.

CLICK HERE TO VIEW MORE PHOTOS
Nangrugi ti streetdance iti sango ti Munisipio  babaen iti panangiwardas ni SB Secretary Maxfel S. Suboc iti  preparasion ken urnos  dagiti Streetdancers. Tunggal grupo nga agsala ket tinarabay dagiti mangisursuro a Trainors ken Coaches a   mangiwanwan  kadakuada. Naregta dagiti napusgan a Marshal (Coordinating ken Parade) iti LGU-Cabugao  a nangiturong kadagiti tao nga agbuya ken ti lumasatan  dagiti Dancers iti National Highway.

Buklen ti nagsasaruno a nagsala iti kalsada  iti linia dagiti  Dancers iti Zone 1, 3, 2 ken 4. Immuna met ti Lipit National High School, simmaruno ti  Pug-os NHS, Cabugao NHS, Sisim NHS ken Cabugao Institute iti High School Category a nangkumpas iti naibaet a sound mobile.

Immuna ti Mobile Patrol Car ti MPS Cabugao ken nakitinnulong ti kapolisan ken Blue Boys (Public Safety Officer) a timmulong a  nangiwanwan  ti panaggunay  ti streetdancing.

Nagtungpal ti streetdancing iti Cabugao Central Park (CCP), Brgy. Bonifacio, Cabugao, Ilocos Sur  ket adu ti tao/umili  a nagbuya iti agsumbangir ti kalsada ken iti napasamak a panagpabuyada iti ikub ti CCP. Nagsasaruno  a nagpabuya ti uppat a sona ti elementaria sa simmaruno ti 5 a High Schools ti ili ti Cabugao.

Kalpasan ti naaramid a showdown competition, inyalat ti Zone 1  ti Cabugao DepEd District ti Umuna a Premio iti kategoria ti Elementaria ken iti Pug-os National High School iti First Place iti kategoria ti High School. # (Web In-Action)

CLICK HERE TO VIEW MORE PHOTOS

CLEARING KALPASAN TI SEMANA KEN PIESTA, NAARAMID

Cabugao, Ilocos Sur – Iti pannaki-amad ti Web In-Action iti Mayo 2, 2014, impakaammo  ni Mr. Edgar S. Balangatan, AT/, MENRO Designate/ Clean and Green  Coordinator  a naideploy dagiti agob-obra iti babaenda a nagikkat kadagiti Tarpaulin ken dadduma pay a wara a   maigapu iti kalepleppas  a selebrasion ti  Semana Santa ken iti Panagpiesta ti Ili iti Abril 23-26, 2014.

Nupay kasta, insupusop ni Mr. Balangatan a madagdagus ti clearing ken   pannakadalus ti agsumbangir a paset ti Kalsada Nasional manipud Brgy. Sagayaden agingga iti Brgy. Pug-os agraman 

dagiti Kalsada (Salomague  Bound ken  Cuancabal to Nagsincaoan Road) kasta met  kadagiti lugar-pampubliko iti Poblasion (Parke, Plaza, Processional Route ken NISTC Public Market)  tapno agtultuloy a nadalus ken napintas ti buya iti aglawlaw ti ili.

Ti madagdagus nga aksion dagiti maseknan nga LGU Personnel para iti “Clean and Clearing Activities” apaman a  malpas dagiti dadakkel nga aktibidad ket paset ti panangipatungpalda  iti direktiba ni Mayor Edgardo “Ediboy” S.  Cobangbang, Jr.  iti agtultuloy a pannakamantener ti kinadalus ti aglawlaw iti Munisipalidad ken sanitasion para iti umili ken bumisita a Balikbayan iti ili ti Cabugao. # (Web Situational Report)

Friday, April 25, 2014

GRAND FLOAT PARADE, NAIDUMDUMA

Cabugao, Ilocos Sur - Naaramid ti Grand Float Parade ti 2014 Cabugao Ragsak Festival iti kabigatan ti Abril 24, 2014 (maikadua nga aldaw ti Piesta)  a nagpartisiparan dagiti Kameng/Opisiales  ti  Local Government Unit (LGU)-Cabugao, 33 a barangay agraman dagiti Asosasion iti uneg ti barangay kas iti Senior Citizen, RIC, 4 P’s, BPATS, BNS, BHW’s, Lupong Tagapamayapa, 4-H Club, BPATS, Day Care Worker (DCW),     kompania/organisasion iti Sektor Pribado kas iti Nuga Best, SYM Motors, Carylle’s Catering Services, Cabugao DepEd District, Private Hospitals, National Offices kas iti Judiciary, NTA  kasta metten iti Muslim Traders,   Philippine Taekwondo Cabugao Chapter, CISTODAI, Cabugao Badminton Club ken ti NISTC Stall Holders.

Immuna iti Parada   ti Police Mobile Patrol sa iti kameng ti PNP, BFP, Municipal Officials nga idauluan ni Mayor Edgardo “Ediboy” S. Cobangbang, Jr.

CLICK HERE TO VIEW MORE PHOTOS
Simmarunmo ti Marching Band ti  Cabugao South Central School  (Lead) sa iti  Float ni St. Mark the Evangelist ken  sinaruno dagiti kameng ti Simbaan-Katolika. 

Nakipaset met dagiti Marching Band iti   High Schools ken Elementaria  iti nadumaduma a pageskuelan iti  ili. 

Tallo a barangay ti nangbukel iti 11 Cluster  (A to K)  ket sinarunoda dagiti agkakangayed a Floats-da. Nangrugi ti Parada_iti NISTC Public Market, Cabugao, Ilocos Sur  ket nagpatingga idiay Cabugao Institute Compound, Cabugao, Ilocos Sur.
Kalpasan ti pannakaiparada dagiti Float ket napagaabayda iti uneg ti Cabugao Institute ket naaramid ti pannakagradoda  babaen kadagiti nadutokan  a Hurado ket  maiwaragawag dagiti mangabak iti karabiyan dayta a petsa a daytoy ti Administration Night ti LGU-Cabugao.

Nagpaay nga Emcee ken Parade Coordinator  ni SB Secretary Maxfel S. Suboc. # (Web In-Action)

CLICK HERE TO VIEW MORE PHOTOS