TRAINING ITI RHU, MAANGAY ITI LIMA NGA ALDAW

Cabugao, Ilocos Sur – Maang-angay ti panagsanay a napauluan ti “Wireless Access for Health”  iti RHU Building, Cabugao, Ilocos Sur a nagpartisiparan ti 34 a  Medical Personnel iti Municipal Health Office  nga idauluan ni Dr. Vanessa A. Sablay, Municipal Health Officer ken inesponsoran daytoy a panagadal ti LGU-Cabugao nga idauluan ni Mayor Edgardo “Ediboy” S. Cobangbang, Jr.

Nangrugi ti panagsanay idi Oktubre 21, 2019 ket agpatingga inton Oktubre 25, 2019.

Kangrunaan  a panggep ti panagsanay ket iti pannakaiyimplimentar iti paperless records iti benneg ti salun-at a programa ti Munisipio  a managan Electronic Medical Records. # (Web In-Action)