Cabugao, Ilocos Sur (Disiembre 9, 2011) – Saan a paudi ti aktibidad ita ti Federated Senior Citizen ti ili a Cabugao nga idauluan da Office of the Senior Citizen Affairs, Ret. DepEd District Supervisor Remigio B. Sunico ken Brgy. Baclig Secretary Antonio N. Sabio para iti selebrasion iti umadanin a kalawasan ti Piesta 2011.
Inlatak ti OSCA Head a maikagumaan a magun-odda ti ideal a gatad (P200,000) a mapaglakuan iti Raffle Ticket tapno maigannuat ti Raffle Draw-da para iti Paskua. Nairugin ti pannakaibunong ken pannakailako dagiti tickets, segun pay iti OSCA Head.
Innayon ni Presidente Toni Sabio nga adda mangidonar ti pagpremioda iti 1st, 2nd, 3rd, ken 4rth Prize ti Raffle Draw-da. Tinto la dadduma ti probitsarenda.
“Pagyamanak latta met ta naited kaniak ti talek a mangidaulo ti sektor ti nataengan iti ilitayo a Cabugao ken pannuporta ti Gobierno Munisipal kadagiti naited a tulong ken proyekto iti pakaseknan ti Senior Citizens,” innayon pay ti OSCA Head.
Kinapudnona, ti sektor ti Senior Citizen ti maik-ikkan ti importansia ken atension babaen ti LGU gapu ta kasapulanda ti pannakabitibit a mayalubog iti linteg a mangsakup kadakuada.
“Awan bayadan ti agmiembro ti Senior Citizen ngem ti laeng Saranay ti pagbayadan uray ta napintas met ti tulong a maipaay no dakes la ti gasat ti maseknan,” imbatad ti OSCA Head kas nayon a pangpalagipna kadagiti nataengan a saan pay a nakiraman kadakuada iti ili ti Cabugao.
Sumagmamano kadagiti benepisio a sagsagrapen ita dagiti Senior Citizens ket iti kada tallo a bulan a pension (para kadagiti kualipikado laeng a nataengan); diskuento ti plete, medisina, pannakaagas, magatang a kasapulanda, pannakaibilangda a parupa nga asosasion ti kagimongan, ken umun-unada a maserbian no mapanda agsakada ti papeles iti kada opisina.
“Ad-adda nga agpulkokak no agkulkulmegak idiay balaymi,” impudno ti maysa a nataengan. “Padasek man ketdi ti kuna ti maysa a Mannurat nga makaagas kano iti sumken a samuyeng ti panaglakay ti pannakisarsarita ken pannakilangen ken agkameng ti gunglo nga kas kadaytoy… Padasem, agpayso, sika!” # (Web Research)
DAGITI PRESIDENTE TI SENIOR CITIZEN KADAGITI BARANGAYS TI CABUGAO
GLORIA ADREZANI | ALINA-AY |
ANDRES DOLORES | ARNAP |
ANTONIO SABIO | BACLIG |
ROSITA SERRANO | BATO |
BONIFACIO SOMERA | BONIFACIO |
HERMINIA SABUGO | BUNGRO |
PRESCILLANO UBALDO | CACADIRAN |
ORENCIO SADIOA | CAEL-LAYAN |
FELIPE VALENCIA | CARUSIPAN |
CONRADO SIENA | CATUCDAAN |
LEONARDA GALLANO | CUANCABAL |
JESUS SONIDO | CUANTACLA |
LEONORA SAPON | DACLAPAN |
CARLITA SESUCA | DARDARAT |
JOSE PECPEC | LIPIT |
ILUMINADA TABANGIN | MARADODON |
MARCIANO SERA | MARGA-AY |
ROSALINA BACLIG | NAGSANTAAN |
CONSOLACION BRINGAS | NAGSINCAOAN |
BENJAMIN CASTILLO | NAMRUANGAN |
MARINA BUSTO | PILA |
REMEDIOS SALIGANAN | PUG-OS |
EDITH SIRUNO | QUEZON |
CORAZON SUBOC | RIZAL |
LORETO AQUINO | SABANG |
VERONICO PIEDAD | SAGAYADEN |
ROGER SAVELLANO | SALOMAGUE |
HILARIO SUNIEGA | SISIM |
PRUDENCIO SOTO | TUROD |
TERESITA TAPURO | TUROD-PATAC |
EUFEMIO BACLIG | ARAGAN |
OFFICE OF THE SENIOR CITIZEN AFFAIRS (OSCA) (RET.) DEP ED DISTRICT SUPERVISOR REMIGIO B. SUNICO - HEAD
DAGITI OPISIALES TI FEDERATED SENIOR CITIZEN ASSOCIATION/CABUGAO
| ANTONIO SABIO | PRESIDENT |
| BONIFACIO SOMERA | VICE PRESIDENT |
| PRUDENCIO SOTO | SECRETARY |
| HERMINIA SABUGO | TREASURER |
| ORENCIO SADIOA | AUDITOR |
| ANDRES DOLORES | BUSINESS MANAGER |
| CONSOLACION BRINGAS | PIO |
DAGITI OPISIALES TI FEDERATED SENIOR CITIZEN ASSOCIATION/CABUGAO- SARANAY CHAPTER
| ANTONIO SABIO | PRESIDENT |
| FELIPE VALENCIA | VICE PRESIDENT |
| CARLITA SESUCA | SECRETARY |
| MERCEDES JARA | TREASURER |
| CORAZON SUBOC | ASSISTANT TREASURER |
| ORENCIO SADIOA | AUDITOR |
| JESUS SONIDO | ASSISTANT AUDITOR |
| ANDRES DOLORES | BUSINESS MANAGER |
| ILUMINADA TABANGIN | BUSINESS MANAGER |
| ROSITA SIRUNO | BUSINESS MANAGER |
| CONSOLACION BRINGAS | PIO |
No comments:
Post a Comment