Cabugao, Ilocos Sur (Disiembre 9, 2011) – Supisiente a padanum ti kasapulan ti Hybrid, imbatad ni Municipal Rice Program Coordinator Nereo Somera Daproza, Municipal Technologist ti DA-LGU ket nangiparaep ti Hybrid iti Barangay Marga-ay a mawidawidan ti SIMABUSA-NAGBAYRUANGAN Communal Irrigation System iti ili a Cabugao, Ilocos Sur tapno di mapugsat daytoy a programa a pagbasaran dagiti agtalon kadaytoy umay a Wet Season Crop 2012 mangrugi inton bulan ti Hunio 2012 .
Naiwayat ngarud ti 2 Hectares Cluster Techno-Demo on Palay Check System High Yielding Rice Varieties, Dry Cropping Season 2011-2012 a nakabuklan dagiti sumaganad:
Wilson Discion | 3,000 Sq. Meters | Rizalina |
Cresencio Salarzon | 4,000 Sq. Meters | Rizalina |
Armando Sonido | 3,000 Sq. Meters | SL 8H |
Gregorio Simbe | 8,000 Sq. Meters | NSIC Rc 148 |
Madrigal Salarzon | 2,000 Sq. Meters | NSIC Rc 148 |
Naibunubon dagitoy iti nagsasaganad: Oktubre 25, 30 ken Nobiembre 2, 2011.
Inanamongan daytoy ni Mrs. Zenaida S. Andrada, Municipal Agriculturist, DA-LGU Cabugao a mayannurot iti prayoridad ti programa ti Gobierno Munisipal iti panangidaulo ni Mayor Edgardo “Ediboy” S. Cobangbang, Jr. a no mabalin ket ti pagtaraon a bagas ti saan koma a makatakatan ti suplayna tapno natalinaay ti panunot dagiti umili nangruna no panaggagawat.
Tarawidwidan daytoy a Cluster Techno Demo ni Mr. Edgar S. Balangatan, Supervising Technician nga asistiran ni Municipal Technologist Obas Billy Y. Baclig babaen iti panangmonitor ni Municipal Rice Program Coordinator Nereo S. Daproza. Manamnama a maapit inton arinunos ti Pebrero 2012 nga apagisu a panagsig-at ti danum ket manamnama ti 7-10 Ton ti maitakdang iti per ektaria. # (Rinetrato ken insurat ni JOED S. SAJONIA)
No comments:
Post a Comment