DAGITI ESKOLAR DA DIP. RYAN KEN MAYOR EDIBOY

Cabugao, Ilocos Sur – Manamnama nga agturpos iti Mayo 31, 2012 ti 25 nga eskolar ni Diputado Ryan Luis V. Singson, First District, Ilocos Sur  ken 2 nga eskolar ni Mayor Edgardo “Ediboy” S. Cobangbang, Jr. iti Food and Beverage  Services  NC 11  iti Sacred Heart of Jesus Training Institute, Brgy. Bonifacio, Cabugao, Ilocos Sur babaen ti panangesponsor ti Technical Education And Skills  Development Authority (TESDA) nga idauluan ni Secretary Joel Villanueva.

 
Iti Munisipalidad ti Cabugao, 27 nga estudiante ti natulongan babaen kada Diputado Ryan ken Mayor Ediboy iti nadakamat a pagadalan. Ti tunggal estudiante ket kompletuenna ti 486 nga oras a panagadal, segun ken ni Mrs. Jessica Baclig, School Administrator. Kalpasanna, maibaonda iti On-the-Job-Training (OJT)  ket kaaduan nga iti Cabana Beach Resort Hotel,  Brgy. Pug-os, Cabugao, Ilocos Sur ti nangokomodar kadagiti trainees-da.

 
Innayon ni Mrs. Baclig a maangayto ti NC 11 Examinations dagiti agturpos inton Mayo 18, 2012 idiay STI  ket no maigasatan ti estudiante, tallo a kapatgan a balligi ti magun-odna: Certificate manipud iti pagadalan ken iti 

OJT Firm a nagsanayanna  ken Sertipiko ti panangbigbig ti TESDA iti kabaelan ti maseknan ket maibilang daytoy nga eligibility-na no sumrek iti trabaho ken  irekomenda pay  ti tallo a naglasatanna  nga institusion no agtrabaho   ditoy wenno idiay abroad. # (Web In-Action)

Ni Ma’am Jessica Baclig ken sumagmamano kadagiti estudiantena nga adda iti opisinana.