Cabugao, Ilocos Sur – Nagmiting ti Cabugao Federated Senior Citizens ita a Mayo 15, 2012 iti Senior Citizen Office Building, Brgy. Rizal, Cabugao, Ilocos Sur babaen ti panang-preside da Mr. Antonio N. Sabio, Presidente ken OSCA Head Remigio B. Sunico.Kangrunaan a gannuat ita ti Pederasion ti pannaka-update ti Masterlist ti nataengan ti kada barangay agsipud ta adda met matay ken baro nga agmiembro.
Naragsak dagiti nataengan a nanglagip ken nangbinsa ti partisipasionda iti napalabas a panagpiesta ti ili itay Abril 2012. Napagnunumuanda nga itultuloyda ti agaktibo ken makipaset iti mainaig a programa ti LGU-Cabugao.
Kangrunaan a nataming ti pannakaipatungpal ti plano ti asosasion a Field Trip idiay Piat, Cagayan. Maipinal ti kasasaad daytoy a planoda iti Emergency Meeting ti Pederasion inton Mayo 18, 2012. Paset pay ti agenda ti President’s & Treasurer’s Report ken ti magastos ti nadakamat a Field Trip. # (Web In-Action)
No comments:
Post a Comment