Cabugao, Ilocos Sur – Kaaduan a bumarangay ti mangibaga aglalo dagiti agkabannuag nga adu ti simmayaatan ti dalan manipud iti pannakapagkakamang ti nasemento a kalsada aglalo iti sentro ti barangay ken iti kawatiwatanna ken nangpapintas ti buya ti dalan a kumamang iti kabalbalayan ti Barangay Sagayaden no addaka iti National Highway.
“Siempre no sumayaat ti dalan, sumursurot nga agprogreso ti lugar ken ti tao. Pagyamananmi kada Mayor Ediboy ken iti babaenna a nangilungalong kadagitoy a pagimbagan ti barangaymi,” imbatad ni Kagawad Elmer Castillo Sajonia.
“Napintas ti programa ti agdama nga administrasion ket agyamankami unay ta napasemento met ti umay ditoy ayanmi manipud rangtay a mapan iti Sagayaden Norte. Mamatikami a maituloy a masemento agingga idiay ungtona,” kinuna met ni Mr. Ulysses Argel, lumugar ditoy a barangay.
Ti pannakapasayaat dagiti Farm-to-Market Roads (FMR’s) kadagiti barangay iti Munisipalidad ket agtultuloy a programa ti agdama nga administrasion ti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment