Cabugao, Ilocos Sur – Agtultuloy ti napintas a pannakamantener ti tran saksion ti Dayo-Cabugao iti tunggal Sabado nga aldaw ti Dayo.Daytoy ti imbatad ni Mr. Mariano Raciles, Sr., Presidente, Cabugao Livestock Traders Association idi makauman ti Web In-Action idi Mayo 19, 2012. Innayon ti Presidente a masurotanen dagiti koridor dagiti nayetnag nga annuroten a nagbuligan ti asosasion ken ti Gobierno Lokal a maipatungpal tapno masagrap ti sapasap iti oportunidad ken pagsayaatan nga itden ti panag-Dayo.
“Saan a mapugsat ti panag-dayo a parte ti sektor-agrikultura, Apo,” imbaga met ni Mr. Rizalino Sagun, agtagikua ti Trakan ti ayup a Taga-Jordan, Sinait, Ilocos Sur ken beterano a duma-dayo iti Amianan a Luzon. “Agingga nga adda animales. Maysa daytoy a pagbiagan ti mannalon. Napintas ketdi ditoy ta tartarabayennatayo ti Munisipio ken ti Kapitolio.”
Nasapa a binisita ni Mayor Edgardo “Ediboy” S. Cobangbang, Jr. a kaduana ni Mr. Dante Naval, Municipal Meat Inspector agraman dagiti opisiales ti Cabugao Livestock Traders Association dagiti ag-dadayo idi Sabado, Mayo 19 a kaaldawan ti Dayo. # (Web In-Action)
No comments:
Post a Comment