MASAGSAGANA NGA AGAS NO ADDA MAKASAPUL, ITANDUDO NI MAYOR EDIBOY

Ladawan dagiti agas a nakiddaw

Apaman a nagtugaw nga Alkalde ti ili a Cabugao, Ilocos Sur ni Mayor Ediboy S. Cobangbang, Jr., dagus nga inikkanna ti importansia ti salun-at dagiti umili babaen ti pannakaadda ti masagsagana a mausar nga agas nangruna kadagiti marigatan ken awan ti maigatangna ken mapakaptan iti first-aid iti Rural Health Center.

Nagkiddaw ni Mayor Ediboy ti agas iti Departamento ti Salun-at (DOH), Regional Office 1 babaen ken ni Director Valeriano Lopez, Jr. ket nadagdagus met a napatgan. Dagiti sumaganad ti pakabuklan ti naited nga agas: Idi Agosto 2, 2010, adda 20 mga items nga agas a pakabuklan iti Paracetamol syrup 250 mg., 1,635 Bots.; Paracetamol 500 mg., 313 Boxes; Amoxicillin 250 mg., 1,100 bots.; Amoxicillin 500 mg. caps, 220 boxes; Multivitamin syrup, 550 bots., Multivitamin cap., 75 boxes;Cotrimoxazole 800 mg, 148 boxes; Cotrimoxazole 400 mg., 80 boxes; Salbutamol 2 mg., 22 boxes; Salbutamol syrup, 556 bots.; Mefenamic 250 mg. cap., 110 boxes; Loperamide 2 mg., 22 boxes; Aluminum Magnesium 225 mg., 220 bots., Ascorbic Acid 500 mg., 32 boxes; Captopril, 22 boxes; Glibenclamid e 5 mg., 22 boxes; Pesguard, 24 Bots.; Ferrous Sulfate 200 mg., 54 Bots., Metropolol 50, 21 Bots.; Betadine, 11 Bots.

Idi Marso 3, 2011, nainayon pay a naited nga agas ket dagiti sumaganad: Paracetamol 500 mg. tab, 240 boxes; Paracetamol 250 mg./5 ml susp., 900 bots.; Amoxicillin 500 mg. tab., 120 boxes ken 250 mg./5 ml., 601 bots.; Cotrimoxazole, 800 mg./160 mg. tablet, 118 boxes; Mefenamic 250 mg. tab./cap, 58 boxes; Loperamide, 12 boxes; Aluminum Magnesium, 60 Bottles; Multivitamins, 28 boxes ken syrup, 300 bottles; Ferrous Sulfate, 30 bots.; Salbutamol 2mg./5 ml.,300 bots.; Antacid 125 mg./200 mg./5 ml., 60 bottles; Metropolol 50 mg. tablet, 4 boxes; Glibenclamide 5 mg., 12 boxes; Ascorbic Acid, 500 mg., 27 boxes; Salbutamol 2 mg., 12 boxes; Metformin 500 mg., 12 boxes; Captopril 25 mg, 8 boxes; Betadine, 6 boxes; Syringe, 3 boxes; Condom, 3 boxes.

Idi Hulio 11, 2011, adda manen nainayon nga agas a naggapu iti DOH a 17 nga items kas iti Mefenamic Acid, 250 mg., 45 bots.; Amoxicillin cap. 500 mg., 45 boxes; Amoxicillin susp. 250 mg/5 ml., 540 bottles; Multiivitamins syrup, 300 bots.; Multivitamins 500 mg. cap., 45 boxes; Salbutamol 2 mg./5 ml. syrup, 300 boxes; Loperamide 2 mg. cap., 24 boxes; Paracetamol 250 mg. /5 ml. syrup, 300 boxes; Cotrimoxazole 800 mg./160 ml. tab., 45 bottles; Captopril 25 mg. 100’s, 3 boxes; Metropolol 50 mg. 100’s, 3 boxes; Metformin 500 mg. film-coated tab., 3 boxes; Glibenclamide 5 mg. tab, 3 boxes; Salbutamol 2 mg. tab., 15 boxes; Syringe, 2 boxes, Ferrous Sulfate, 1 box.

Tapno mataming a dagus ken maisaadan ti agas dagiti masakit partikular dagiti masikog ken sakit ti babbai, nainayon nga agasikaso ti pannakaagas dagiti masakit da Dra. Mimi Pira-Sy ken Dra. Ivy Castro Bello, agpada nga Obstetrician Gynecologist ket agagasda iti RHU iti aldaw ti Martes ken Huebes kas panagsaruno ti eskediulda.

Iti sabali a bangir, tamingen met ni Dr. Magno Sol ti salun-at ti ngipen dagiti agpaagas nga addaan ti an-annayen ti ngipen. Aldaw ti Huebes ti panagagasna iti RHU-Cabugao. #