Cabugao, Ilocos Sur (Nobiembre 21, 2011) – Naangay ti distribusion ti inputs dagiti napili a Farmer-Cooperators a makipaset iti Techno-Demo Research ti Ilocos Integrated Agricultural Reasearch Consortium (DA-ILIARC) a nakabase idiay DA-Ilocos Norte Provincial Center, Tabog, Batac City babaen ti panangidaulo ni Edwin Joseph Franco, Agriculturist ken kinadua da Nestor Bilgera, Administrative Officer 3 ken Edito Sandi, Farm Worker 2 iti nasao nga opisina.
Panggep daytoy a panagsukisok a maipatungpal kadagiti saline, irrigated/submerge ken rainfed areas iti ili a Cabugao ket umuna a maipatungpal iti Sitio Callaguip, Barangay Baclig, Cabugao, Ilocos Sur.
Ti panagsukisok ket maaramid iti kalawa a lima-ektaria a Techno-Demo iti pagtatalonan da: Aida Tapuro, Edgardo Garcia, Sofronio Serrano, Linda Solis, Delfin Soto, Mario T. Soto, Mario S. Soto, Nestor Soto, Alfonso Pedro Seatriz ken Russel Soto. Siam a kabarbaro ken kairuruar a klase ti pagay (inbred) ti maipadas kadaytoy a panagsukisok.
Buklen met ti inputs ti 35 bags nga organic fertilizer, 30 bags a chemical fertilizer (Urea, 16-20-0, Muriate Potash) ken Herbicide, post and pre-emergence (5 liters, 2-4-D ken Mollusksicide-5 kilograms). Tartarabayen daytoy a Techno-Demo da Municipal Rice Program Coordinator Nereo Somera Daproza ken Mrs. Dionicia R. Seatriz, Municipal Technologist.
Ti panagsukisok ket paset ti programa ti DA-LGU iti pannakaidur-as ti Teknolohia iti panagpatanor ti nakalidad ken nangato ti apitna a pagay kas prayoridad nga itandudo ti Gobierno Munisipal kadagiti mannalon babaen ti direktiba ni Mayor Edgardo “Ediboy” S. Cobangbang, Jr. # (Rinetrato ken insurat ni JOED SABIO SAJONIA)
No comments:
Post a Comment