Cabugao, Ilocos Sur – Tapno mapalag-anan ken ramit a nakasapulan unay dagiti agob-obra iti proyekto/impraestruktura ti Gobierno Munisipal nangruna iti pagpisi/pagririt ti kayo nangruna kadagiti mausar a pagsukogan/agduduma a pessat ken rukod ti kasapulan a kayo, gimmatang ti LGU-Cabugao babaen ti General Services Office (GSO) a mangtartarawidwid kadagiti ramit ken makinaria a kukua ti LGU-Cabugao nga idauluan ni Mr. Edito de la Cruz iti dua a chainsaw (bassit ken dakkel).
Iti pannakaamiris/pannakaisibro dagitoy a ramit, inimatangan ni Mayor Edgardo “Ediboy” S. Cobangbang, Jr. ken GSO Edito de la Cruz ken dagiti operator dagitoy a ramit ti Munisipio.
Daytoy nga addang ket paset ti panangpataud/panangpabaro ti agdama nga administrasion kadagiti nasken/kasapulan unay a ramit tapno adda madadaan a mausar dagiti agob-obra iti LGU ket maipanamnama ti umisu a panawen/nakalidad a pannakaileppas ti amin a trabaho gapu iti epektibo a mausar a ramit. # (Web Research)
No comments:
Post a Comment