Cabugao, Ilocos Sur – Agtigtignay ti LGU-Cabugao babaen iti Municipal Social Welfare and Development Office (MSWDO) nga agited ti Relief Goods kadagiti pamilia a naapektaran iti idadaliasat ti Super Bagyo Ompong idi Setiembre 15, 2018 kadagiti barangay ti ili a Cabugao, Ilocos Sur.
Dagiti nairingpasen a nawarasan ti Team ket iti Barangay Maradodon; Barangay Catucdaan; Brgy. Marga-ay; Brgy. Bungro; Brgy. Salapasap; Brgy. Arnap; Brgy. Reppaac; ken Brgy. Nagsantaan.
Ti pakabuklan ti tulong ket naggapu iti LGU-Cabugao nga idauluan ni Mayor Josh Edward S. Cobangbang. Tunggal maited a Relief Goods ket maipaay para iti pamilia a naapektaran iti limmabas a kalamidad.
Segun iti mapagdamagan, dagitoy a Relief Goods a maiwarwaras ket para iti sapasap a kayatna a sawen a maikkan ti amin a PamilIa ditoy ili ta naapektaran iti amin ken ni Bagyo Ompong. Maiyan-anus laeng ta saan a makapaggigiddan a papanan dagiti agibunong. Nupay kasta, naipakaammon daytoy a banag kadagiti Opisiales ti Barangay.
Kanaig daytoy, agtultuloy latta ti Relief Distribution ti Munisipio kadagiti dadduma pay a barangay ti ili a naapektaran agingga a sapasap a maikkan ti tulong dagiti maseknan a pamilia iti 33 a barangay ti ili.
Impeksa dagiti pamilia a nakaawaten iti Relief Goods iti panagyamanda iti Gobierno Lokal iti ili iti pannakaited kadakuada iti saranay.
Nakikaysa iti nadakamat a Relief Goods Distribution ni Mayor Josh Edward S. Cobangbang ken bimmayabay met dagiti Konsehales ti Ili kadagiti aldaw iti panagibunong nga isuda SBM Danny Q. Gazmen; SBM Vicky S. Serna; SBM Josefina S. Vallejo ken ni SBM Atty. Randy Baniaga G. Kinaud.
Kabayatan ti Distribusion ket nakipaset met dagiti pannakabagi ti Munisipio nga isuda HRM Officer Teresita “Mimie” S. Sison, ken agak-akem pay a mangidaulo ti MSWDO; Social Welfare Assistant Leonora G. Reintar; Miss Aida S. Cueto; Ms. Angeles Esteban; Mrs. Edith Z. Galamgam; Mr. Richard Pula ken dadduma a tumultulong a kakaduada a Job Order Personnel manipud iti Munisipio. # (Web In-Action)
No comments:
Post a Comment