Cabugao, Ilocos Sur – Naaramid ti Necrological Service a pangpadayaw iti pimmusay a Public Servant nga isu ni Dios ti aluadna a Bendell Soller-Tan iti Brgy. Rizal, Cabugao, Ilocos Sur iti Agosto 29, 2018 iti sango ti Rizal Barangay Hall Compound ti ili a Cabugao nga inimatangan ti Pamilia-LGU ken iti adu nga umili ken dadduma pay nga Opisiales ti nadumaduma a sektor ti kagimongan.
Inakem ni Retired Judge Efren S. Ubungen iti nangibasa iti paset ti kabibiag ni Former Mayor Bendell Soller-Tan.
Iti naangay a programa, nangited ti Eulogies (Sao ti Pammadayaw) da SB Secretary Maxfel S. Suboc ken ni Ms. Lucille S. Somera.
Nangipaay ti Cabugao SK Federated Association ti pammigbig babaen iti panangibasa ni President Hon. Marc Russel Morales iti Resolusion ti pannakipagladingit iti Pamilia ni Ex-Mayor Bendell Soller Tan. Imbagian met ni Brgy. Captain Ronel S. Zamora iti Barangay Salapasap ti Association of Barangay Captains (ABC) ti ili nga idauluan ni ABC President Thaddeus U. Soller a nangibasa iti resolusionda ken kasta metten iti Resolusion ti Sangguniang Bayan babaen iti panangibasa ni Vice Mayor DJ Savellano. Kalpasan ti panangibasa dagiti nadakamat nga Opisiales ti ili dagitoy a Resolusion ket inyawatda ti Kopia kadagiti kameng ti pamilia iti pimmusay a lider.
Nangipaay ti Message of Sympathy ni Mayor Josh Edward S. Cobangbang. Kuna ni Mayor Josh Edward a napateg pay a maibati a lagip ni Former Mayor Bendell iti napintas a panagserbina ken nagapuananna a lider.
Kalpasan ti Folding of the Philippine Flag ket naangay ti Flower Offering and Final Viewing. Impeksa met ti pannakabagi ti Pamilia ti pimmusay iti panagyamanda iti sapasap iti naited a memorial service ken pannakapadayaw ni Former Mayor Bendell sakbay a maiturong iti pagtungpalanna.
Ni Former Mayor Bendell Soller-Tan ket naipasngay idi Nobiembre 18, 1975 kadagiti agkasimpungalan a Benjamin Tan ken ni Hon. Andrea Soller-Tan, nagserserbi met a Municipal Mayor iti ili a Cabugao, Ilocos Sur.
Naiyasawa ni Former Mayor Bendell ken ni sigud a Jayhan Charisma T. Alcid, agdama ita a kameng ti Sangguniang Bayan ti ili a Cabugao ken kakabsatna da SBM Dr. Jemaima S. Tan-Yee ken ni nag-SK Federated President Jutta Soller-Tan.
Naparaburanda iti annak ken ni SBM Jayhan nga isuda Maria Anthea; Alyssia Bien; Jamina Andrea; Aaron Zachary ken ni Late baby Zabriel Jehohanan.
Nabutosan a Mayor ti ili a Cabugao ni Ex-Mayor Bendell Soller-Tan ket nagserbi idi Tawen 1998-2001.
Naaramid ti panagsasango dagiti nakipaset iti memorial service iti naisagana a pangngaldaw iti Cabugao Cultural and Sports Complex kalpasanna. # (Web In-Action)
No comments:
Post a Comment