Cabugao, Ilocos Sur – Naaramid ti District Escoda Celebration iti Tema: “Unleashing Potentials, Igniting Change” babaen kadagiti kameng ti Girl Scouts of the Philippines (GSP), Cabugao District idi Setiembre 23, 2017 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti GSP Members kadagiti pageskuelaan ti ili a Cabugao, Ilocos Sur.
Naangay ti Nasantuan a Misa iti Cabugao Catholic Church a nagatendaran dagiti Girl Scouts sakbay a naaramid ti Girl Scout Celebration Program iti Cabugao Cultural and Sports Complex.
Iti Program proper, naaramid ti Re-dedication to the GS Promise and Law babaen iti Cabugao South CS Girl Scout, Star Scout Promise and Law babaen iti Arnap E/S Star Scout, Star Scout Law iti Nagsantaan E/S Star Scout ken Twinkler Promise and Law babaen iti Nagsincaoan E/S Twinklers.
Nangipaay ti Welcome Talk ni Mrs. Estrellita M. Siruno, Principal III, Cabugao North CS ken Field Adviser ti Girl Scout. Inawisna ti kaaduan a makikaysada iti pannakaseremonia ti kabibiag ni Josefa Llanes Escoda, kangrunaan a pundador ti Girl Scouting ken maysa isuna nga Ilokana.
Simmaruno ti Presentation of Participants thru Yells by school babaen iti panangtarawidwid ni Mrs. Marilyn S. Raciles, Turod ES Troop Leader sa naisaganad a naangay iti ESCODA CEREMONY babaen iti panangiwardas ni Mrs. Estrellita M. Siruno, Principal III ken GS Credentialed Trainers, In-Charge.
Nangipaay ti mensahe ni SBM Dr. Jemaima S. Tan-Yee, GS District Committee Chairman. Dinayaw ti Konsehala ti napintas a panagkakammayet dagiti ubbing a babbai, nagannak, Guardians ken Teachers a nangtarabay kadagiti annakda a makipaset kadaytoy a programa. Dinakamatna ti namaris a kabibiag ni Josefa Llanes Escoda ken iti importansia iti pakabuklan ti Tema ti selebrasion ita a Tawen 2018.
Naisaruno ti Introduction of the Guest of Honor and Speaker babaen ken ni Ms. Cheryll S. Nasvarro, Sagayaden ES Troop Leader.
Nagpaay a Guest of Honor ken Speaker ni Atty. Jennelyn M. Abao.
Kimmablaaw ken nagyaman ni Atty. Abao iti naited kenkuana a gundaway a mangipaneknek ti pateg ti Girl Scout a pakasanayan ken pakasursuruan kadagiti napapateg a galad dagiti agad-adal a babbai.
Pinadayawan met ni Atty. Abao dagiti ubbing, estudiante, nagannak, Guardians, Teachers, GSP Officers ken Municipal Officials kadaytoy a naballigi a pannakaseremonia iti kabibiag ni Josefa Llanes Escoda, Ilokana a Founder ti Girl Scouting.
Kalpasanna, naipaay ken ni Atty. Abao iti Certificate of Appreciation iti pannakaawisna a nagsarita itoy a taripnong babaen kadagiti Opisiales ti Scouting ti Cabugao DepED District.
Naisaganad a nagpabuya dagiti ubbing a mangibagi iti UCCP Twinklers ken simmaruno iti Zone 1; Zone II; Zone III ken Zone IV babaen iti panangirepresentar dagiti pageskuelaan iti Cabugao North Central Girl Scouts; Namruangan E/S Girl Scouts; Cabugao South Central School Girl Scouts; ken Arnap E/S Girl Scouts kas panagsasaganadda.
Nag-Closing Remarks ni Mrs. Nora R. Quibilan, Vice President, GSP Troop Leaders Association. Nagyaman iti amin a nakipartisipar iti naballigi a resulta ti selebrasion iti Girl Scouting.
Nagpaay nga Emcee da Ms. Delia Reintar ken ni Ms. Flordeliza Artates. # (Web In-Action)
No comments:
Post a Comment