RELIEF GOODS, AGTULTULOY A MAIT-ITED KADAGITI NAAPEKTARAN TI BAGYO OMPONG!

Cabugao, Ilocos Sur – Agtigtignay ti LGU-Cabugao babaen iti Municipal Social Welfare and Development Office (MSWDO)  nga agited ti Relief Goods  kadagiti pamilia a naapektaran iti idadaliasat ti Super Bagyo Ompong idi Setiembre 15, 2018 kadagiti barangay ti ili a Cabugao, Ilocos Sur.

Dagiti nagturonganen  ti Distribution of Relief Goods  Team ket iti Barangay Namruangan; Barangay Salomague; Barangay Cael-layan; Barangay Aragan; Barangay Carusipan; Barangay Sagayaden; Barangay Sabang; Barangay Daclapan ken ti Barangay Cuantacla. 

Dagiti pakabuklan ti tulong ket naggapu iti LGU-Cabugao nga idauluan ni Mayor Josh Edward S. Cobangbang. Tunggal maited a Relief Goods ket maisangrat para iti pamilia a naapektaran iti limmabas a kalamidad.

Kanaig daytoy, agtultuloy latta ti Relief Distribution ti Munisipio kadagiti dadduma pay a barangay ti ili a naapektaran agingga a sapasap a maikkan ti tulong dagiti maseknan a pamilia iti 33 a barangay ti ili.

Impeksa dagiti pamilia a nakaawat iti Relief Goods iti panagyamanda iti Gobierno Lokal iti ili iti pannakaited kadakuada iti saranay.

Nakikaysa iti nadakamat a Relief Goods Distribution ni Mayor Josh Edward S. Cobangbang ken  bimmayabay met  dagiti Konsehales ti Ili kadagiti aldaw iti panagibunong nga isuda SBM Danny Q. Gazmen; SBM Vicky S.  Serna; SBM Dr. Jemaima S. Tan Yee; SBM Josefina S. Vallejo; SBM Atty. Randy Baniaga G. Kinaud ken ni SK Federated President Marc Russel Morales.

Kabayatanna, nangipaay met ti tulong ni Former Congressman Ronald V. Singson kadagiti naapektaran idiay Barangay Salomague a no sadino a ditoy ket kinadua ni Mayor Josh Edward S. Cobangbang ni  nag-Diputado Ronald  ken dagiti Personnel ti Munisipio iti pannakaibunong dagitoy a tulong.

Kabayatan ti Distribusion ket nakipaset met dagiti pannakabagi ti Munisipio nga isuda HRM Officer Teresita “Mimie” S. Sison; Social Welfare Assistant Leonora G. Reintar; Miss Aida S. Cueto; Mrs. Wilma S. Cruz; Ms. Angeles Esteban; Mrs.  Edith Z. Galamgam; Mr. Kevin S. Somera  ken dadduma a tumultulong a kakaduada a Personnel manipud iti Munisipio. # (Web In-Action)