Cabugao, Ilocos Sur –Agdama a mar-aramid ti panagsasalip/panagay-ayam dagiti Town Entries iti Umuna a Distrito ti Probinsia ti Ilocos Sur iti 3rd Congressman Ronald V. Singson Inter-Town Basketball Cup ket nayeskediul ti ay-ayam ditoy Cabugao a naangay iti Cabugao Cultural and Sports Complex, Brgy. Rizal, Cabugao, Ilocos Sur idi Mayo 11, 2014 (Domingo).
Nagsalisal dagiti umaayam iti ili ti Caoayan ken San Juan iti umuna a Game idinto ta iti Cabugao ken Magsingal iti maikadua a Game iti malem.
Kas iti gagangay, innayon dagiti napagdamagan a naregget dagiti Basketball Cheerers ken Basketball Sympathizers nga agindeg kadagita nga ili agraman dagiti Opisialesda a nangtarabay/nangsurot kadagiti Players-da a makidangadang iti basketball iti Cabugao Cultural and Sports Complex a pakaang-angayan dagiti naka-schedule a Games.
Maibasar iti pakaammo iti pakaseknan ti pay-ayam, magun-od dagiti mangabak iti agkakadakkel a premio kas iti sumaganad: Champion – 150,000; 1st Runner-up – 100,000; 2nd Runner-up - 60,000; 3rd Runner-up – 40,000 ken sag-10,000 a Consolation Prize.
Iti nasao nga eskediul ti panagay-ayam, napunno ti nagbuya iti Sports Complex ti ili ti Cabugao gapu iti gagarda a mangammo kadagiti mangabak a Team. # (Web In-Action)
No comments:
Post a Comment