Cabugao, Ilocos Sur – Maus-usaren ti baro a Basketball Court (Fiber Glass Board) agraman ti dadduma a kasapulan iti nasao a pagay-ayaman a naipatakder iti uneg ti napabaro met a Cabugao Cultural and Sports Complex, Brgy. Rizal, Cabugao, Ilocos Sur babaen iti panagkakammayet da Governor Ryan Luis V. Singson, Congressman Ronald V. Singson ken iti LGU Cabugao nga idauluan ni Mayor Edgardo “Ediboy S. Cobangbang, Jr. tapno maisagut a pagay-ayaman ti sapasap partikular kadagiti agtutubo ken estudiante ket mapagnumaranda ti tiempoda ken nausar payen kadagiti maar-aramid a paliga a kas iti Inter-Barangay Basketball Tournament ti ili, Inter-Agency Basketball Competition iti agdama ken iti 3rd Congressman Ronald V. Singson Inter-Town Basketball Cup iti Probinsia ti Ilocos Sur iti bulan ti Abril-Mayo 2014.
Ti proyekto ket paset ti pannakaidur-as ti programa ti Sports Development iti Gobierno Lokal ken iti Gobierno Probinsial tapno matubay ti kabaelan/pagduyosan dagiti agtutubo ket agbalinda a mapangnamnamaan nga umili. # (Web In-Action)
No comments:
Post a Comment