Cabugao, Ilocos Sur – Masarakan ti Opisina ti National Tobacco Administration (NTA)-Cabugao Area iti maikadua a kadsaaran ti Munisipio ti Cabugao, Ilocos Sur.
Segun ken ni Mrs. Wilma Tisbe, Staff ti NTA-Cabugao Area, paset ti istruktura ti Opisinada iti pannakaidanon ti napintas a koordinasion kadagiti partner-agency-da ken dagiti mannalon ti tabako a kangrunaan a maserbisyuanda.
Innayon ni Mrs. Tisbe nga agdama ita a programa nga ipatpatungpal ti Opisinada ket iti koleksion kadagiti naipabulod a puonan kadagiti mannalon ti tabako ken iti Seedlings Production para iti Reforestation Project ti NTA.
Kadua ni Mrs. Tisbe dagiti empleado a mangbukel ti NTA-Cabugao Area ket isuda: Tomasito G. Taloza, Laurence R. Bueno ken ni Delia R. Giron # (Web In-Action)
No comments:
Post a Comment