Cabugao, Ilocos Sur - Segun ken ni Mr. Robert S. Savella, Municipal Plant and Nursery Coordinator, sisasagana ita dagiti maited a seedlings para iti Tree Planting iti masungad a bulan ti Hunio 2014. Innayonna nga umabot ti nasurok a 10, 000 a puon ti nagyan iti ikub ti Municipal Plant and Nursery, Brgy. Baclig, Cabugao, Ilocos Sur.
Innayon ni Mr. Savella a kaaduan a mabalin a maimula ket iti Mahogany, Guayabano, Manila Palm (Butchina), Katuday ken dadduma pay a klase ti seedlings. Agtultuloy latta met dagiti patubuenda a bukel ken transplanting (maiyalis iti selopin a seedlings) tapno adda pangsulnitda kadagiti mairuar a seedling ket agtultuloy latta ti operasion ti Nursery a kas pangkomplementar iti “Clean and Green Program” ti Munisipio ti Cabugao.
Innayon ni Mr. Savella a kaduana nga agas-asikaso dagiti Job Order Personnel ken SPES Employee ti Munisipio kadagiti seedlings.
Dagitoy nga inisiatiba ket paset ti agtultuloy a programa ti Gobierno Munisipal ti Cabugao iti Clean and Gree partikular iti Reforestation tapno mabalanse iti temperatura ti aglawlaw babaen iti pannakanayon dagiti pinuon ti kayo nga agbiag iti lokalidad. # (Web In-Action)
No comments:
Post a Comment