Monday, November 20, 2017

DIVISION SCHOOLS PRESS CONFERENCE 2017, NAANGAY ITI SINAIT NATIONAL HIGH SCHOOL

Cabugao, Ilocos Sur – Naangay ti 2-Day Division Schools Press Conference 2017  dagiti pagadalan ti eskuela-elementaria ken dagiti sekundaria iti DepED-Ilocos Sur nga addaan ti Tema: “Embracing ASEAN Integration: Campus Journalisms’ Role in Advancing Inclusive Education” iti Nobiembre 19-20, 2017 a naangay iti Covered Court, Sinait National High School, Sinait, Ilocos Sur. 

Iti Day 1, Nobiembre 19, 2017,  naangay ti Opening Program.

Nangted ti Mensahe ni Dr. Gemma Q. Tacuycuy, CESO VI, Schools Division Superintendent. Kimmablaaw ken nagyaman iti pannakipaset  dagiti mannursuro ken mannurat. Pinaregtana dagiti participants nga agtultuloyda koma a  mangasa iti kabaelanda nga agsurat ta napateg a mangpasayaat kadakuada  daytoy a talentoda   ken iti pananggun-odda pay kadagiti  balligi  a pakaidaydayawan ti paggapuanda nga eskuela ken iti ilida.

Iti Day 2, nagtultuloy ti salip dagiti nagduduma nga aspeto iti panagsuratan babaen iti pannarabay dagiti Speakers ken Facilitators kadagiti Contestants  a kas iti sumaganad:

News Writing; Feature Writing; Editorial Writing; Sports Writing; Copyreading and Headline Writing; Photojournalism; Editorial Cartooning; Radio Broadcasting and Scriptwriting; Collaborative Publishing; Science and Health Writing; TV Broadcasting and  Scriptwriting ken ti Online Publishing. Dagitoy a nategoria ket maisurat iti English ken Filipino.
Maipatungpal ti tinawen a Division Schools Press Conference (DSPC) babaen iti mandato ti RA 7079 nga am-ammo a “Campus Journalism Act of  1991”. Ken naaramid babaen iti Division Memorandum No. 334, Series of 2017 iti DepED-Ilocos Sur. 

Kalpasan ti maysa nga aldaw nga aktibibidad ket maipakaammo dagiti Regional Qualifiers iti School Paper ken iti Awarding of First Day  Individual and Group Events.  # (Web In-Action)

No comments:

Post a Comment