Wednesday, November 15, 2017

MUNICIPAL ADVISORY COMMITTEE (MAC) KEN TI 4Ps UPDATE

Cabugao, Ilocos Sur – Iti pannakiuman ti Web In-Action, imbatad dagiti Municipal Link Staff ti 4 Ps a napagsasaritaan ken nasolusionan dagiti naidokumento (Minutos ti Binulan a Mitingda)  a pakaseknan ken problema dagiti 4 Ps iti ili a Cabugao, Ilocos Sur iti umuna a tallo a  bulan ti (2nd Semester)  ti Tawen 2017.

Innayonda a maitultuloy a maipatungpal ti Family Development Session (FDS) ita a Tawen 2017 kadagiti barangay agsipud ta daytoy ti “pannakapuso”  ti programa iti serbisio-sosial ti DSWD ken ti LGU-Cabugao.

Sakbayna, naangay ti panagmiting ti Municipal Advisory Committee (MAC)  kadagiti napalabas a bulan babaen iti panangidaulo ni Mayor Josh Edward S. Cobangbang iti ili a Cabugao, Ilocos Sur.

Ni Mayor Josh Edward  ti ag-Preside kadagiti  nasao a miting a pagatendaran dagiti Staff nga idauluan ni MSWD Officer Mrs. Lydia S. Gazmen; Staff ti Municipal Operations Office ti 4 Ps; Parent-Leaders ti 4Ps; ken dagiti pannakabagi ti RHU-Cabugao  ken iti DepED-Cabugao.
Maibasar iti rekord ti Minutos ti Miting-da ket naangay dagiti kallabes ken nagsaruno a  mitingda idi Oktubre 9, 2017 ken iti Nobiembre 13, 2017 ditoy Munisipio.

Kangrunaan a nataming iti nadakamat a miting iti pannaka-update dagiti pakaseknan ken  problema a timmaud   iti biang dagiti 4 Ps Beneficiaries ken iti pannakaaksion/pannakasolusionda  agraman iti pagturturonganen  ti pakabuklan ti programada iti babaen ti pannarabay ti Munisipio. # (Web In-Action)

No comments:

Post a Comment