Friday, November 24, 2017

PANANGIDUR-AS TI SERBISYO TI HUMAN RESOURCE MANAGEMENT OFFICE (HRMO) TI LGU-CABUGAO, AGTULTULOY

Cabugao, Ilocos Sur - Ti Human Resource Management Office (HRMO)   ket maysa a benneg ti Opisina ti Mayor ken masarakan ti temporario a pagopisinaanda  iti agdama  iti  
maikadua a kadsaaran ti pasdek ti  Rizal Barangay Hall,  Brgy. Rizal, Cabugao, Ilocos Sur.


Ti LGU Cabugao ket maysa kadagiti “accredited agencies” iti Region I.  Dagiti mangidadaulo iti ahensia nga “accredited” ket  addaanda iti autoridad nga agaprobar kadagiti “Appointments” ti empleyado a masakupan ti serbisio-publiko. Paglintegan ti CSC nga ipatungpal dagiti polisia iti akreditasyon nga sakupen ti PRIME HRM  tapno mataginayon  ti autoridad  iti maysa nga Ahensia wenno sanga ti Gobierno nga agaprubar iti appointments.  Kanayunan dagiti responsibilidad nga aramiden ti  HRM Office iti mangkita iti pannakatungpal dagiti “Indicators” wenno naipaulog a pagbasaran ti CSC. Kas mangitaktakder iti nadakamat nga Opisina ti LGU-Cabugao, nagatendar ni Miss Teresita Maximina “Mimie” S. Sison, Section Chief, Human Resource Management Office/PESO and MDO Designate ti Local Government Unit (LGU)-Cabugao, Ilocos Sur kadagiti nadumaduma a seminar a mainaig kadaytoy a pagrebbengan ken trabaho nanipud idi bulan ti Oktubre 2017 ken iti bulan ti Nobiembre  2017 kas iti sumaganad:

1.Luzon Council of Human Resource Management Practitioners (LCHRMP), Inc.,  First Luzon Council of Human Resource Management Practitioners General Assembly cum Seminar babaen iti Tema:  “Unity in Diversity, Collaborative Undertaking in Improving Human Resource Management a naangay idi Nobiembre 7-8, 2017 a idiay Cuneta Astrodome, Pasay City.   
Naggapu dagiti nagseminar iti pito a Rehion iti Luzon (Region 1-5 agraman iti Cordillera Administrative Region (CAR)  ken iti National Capital Region (NCR).

2. 17th National PESO Congress idi Oktubre 6 - 8, 2017 a naangay idiay  Cauayan City, Isabela – taripnong daguiti Public Employment Service Officers (PESOS) iti entero nga Pilipinas babaen iti tema : “Trabaho, Negosyo at Kabuhayan Matatag na PESO kaagapay ng bawat Pilipino”


3. 2-Day Training  for Migrant Desk Officers (MDOs) and OFCs idi Oktubre 24-25, 2017 babaen iti Tema:  “An Enhanced Course on OWWA Programs and Services and Case Management System”.
Nainayon pay a gapuanan ti Opisina iti  naaramid a  Calibration of Performance Target and Ratings dagiti Empleado iti nagduduma a Departamento ti  LGU Cabugao idi Nobiembre 14-15, 2017 a naangay iti SB-ABC Hall, Cabugao, Ilocos Sur tapno naan-anay nga mapasayaat ti Performance Management System iti Munisipyo ken ti pannakayted iti Orientation a naangay iti November 22 – 23, 2017  kadagiti 2 nga grupo ti estudyante iti Sinait National High School nga taga Cabugao para iti Work Immersion program da a kas maysa nga requirements tapno agturpos da iti Senior High School.


Dagitoy a kalkalpas a panagsanay/aktibidad  nga inatendaran ni Miss Sison ket parte iti pagrebbenganna a kas Human  Resources Management Officer (HRMO)/PESO/MDO  ken pannakanayon ken pannakapapintas metten iti panangtarawidwidna iti nasao nga Opisina ti Gobierno Lokal ti ili a Cabugao, Ilocos Sur ken iti pannakatulong pay dagiti kakailiantayo ken  karamanan metten dagiti OFWs ken ti pamilyada. #

No comments:

Post a Comment