MAFC MEETING, NAANGAY ITI BULAN TI PEBRERO 2018

Cabugao, Ilocos Sur – Naaramid ti panagmiting dagiti pannakabagi ti nadumaduma a sektor a mangbukbukel iti Municipal Agriculture  and Fisheries Council (MAFC) ti ili a Cabugao, Ilocos Sur nga idauluan ni MAFC Chairman Rogelio C.  Barlolong,  Presidente. Naangay ti miting iti   Parish Center Building, Cabugao Catholic Church idi Pebrero 13, 2018.

Nakikaysa da Federated Farmers President Modesto P. Ronque; Federated Fishermen President Magno Carbonel; Federated Farmers Coordinator Nathaniel B. Galamgam ken ni  Municipal Agriculturist Robert S. Savella iti nasao a miting. 

Kalpasan ti Opening Prayer, naibasa ti linaon ti Minutos iti napalabas a miting ti MAFC. 

Kalpasan a maibasa ti Minutos ti Miting, nagsarita ni  MAFC President Barlolong ket inulitna a sinalaysay dagiti napagsasaritaan iti napalabas a miting ket kalpasan a maanamongan iti kaaduan, naideklarar a pinal ken naaprobaranen  ti  Minutos.

Dagiti  immuna  a nataming ket  iti sumaganad: 

1.Pannakaited ti importansia kadagiti Seed Growers ti ili a Cabugao tapno maorganisar ken masanay-da para iti produksion ti bin-i a para kadagiti makasapul iti ili iti panawen ti panagtalon.
2.Panamagsagana iti Agriculture Sector iti pannakipasetda iti panagpiesta ti ili iti bulan ti  Abril 2018.
3.Natratar dagiti wagas a mangpadur-as iti agricultural productivity para iti benneg ti pagay; mais; nateng; tabako; carabao breeding; pamataudan ti nayon a danum para iti panagmulaan kas iti panagkulukol (drilling machine); irigasion ken kanaigna a kasapulan iti produksion  a pakairamanan iti makinaria ken dadduma pay.
4.Nakipaset ni ABC President Thaddeus “Teddy” U. Soller a nakipagtaming kadagiti napagsasaritaan.

Naballigi a napagnanamingan dagiti naidatag nga Agenda ken dadduma a pakseknan agingga a nag-adjourn ti miting iti 12:00 ti aldaw.

Dagiti Opisiales ti MAFC para iti Tawen 2016-2019:

Chairman – Rogelio C. Barlolong
Vice Chairman (PS)  – Grenalyn P. Amoroso
Vice Chairman (GS) – Robert S. Savella
Secretary (PS) – Jimmy P. Seguban
Secretary (GS) Arceli Antonette S. Racho
Treasurer – Nona Lidia M. Tabaco
Internal Auditor – Joselino S. Carbonel 
P.R.O. – Joselito A. Pablico 

Nabutosan pay ti 10 a Sectoral Committee Chairpersons ken 4 a Working Committee Chairpersons. # (Web In-Action)