Cabugao, Ilocos Sur – Naangay ti Elementary Day iti Cabugao South Central School baben iti Tema: “Aloha! CSCS Strengthens Solidarity Thru a Hawaiian Festivity” a nagpartisiparan dagiti agbasbasa nga ubbing manipud iti Kindergarten agingga iti Grade VI; Balikbayans; Mangisursuro; PTA Officers; Opisiales ti Ili; Nagannak/Guardians; Bisita ken lumugar iti Barangay Bonifacio ket naangay ti panagselebrar iti Cabugao Central Park (CCP) Stage idi karabiyan ti Pebrero 25, 2018.
Immuna a naaramid ti Parada iti aglawlaw ti Poblasion iti bigat dayta a petsa.
Iti Coronation Rites, insaad da Mayor Josh Edward S. Cobangbang ken ni Public Schools District Supervisor Dr. Consesa T. Rumias ti Korona da King Oliver 1st ken ni Queen Sofia 1st.
Nangipaay ti Mensahe ni Mayor Josh Edward S. Cobangbang. Kimmablaaw ken nagyaman. Pinadayawanna dagiti nakipaset a Balikbayans, Mangisursuro, Nagannak, Guardians, Ub-ubbing ken iti amin a naitaripnong iti kinapintas dagiti naipabuya. Kunana a napintas unay dagitoy a gannuat nga iti panggepna ket mangpasayaat iti pageskuelaan ken dagiti agad-adal.
Kalpasan ti Investiture ket nagpabuya dagiti Grade Levels manipud iti Kindergarten agingga iti Grade VI.
Nagsarita da Public Schools District Supervisor Dr. Consesa T. Rumias ken ni Mrs. Estrellita M. Siruno, Principal III ti CSCS.
Nagatendar met ni Vice Mayor DJ Savellano ken dagiti Konsehales ken Opisiales ti LGU-Cabugao iti nadakamat a panagselebrar. # (Web In-Action)
No comments:
Post a Comment