Cabugao, Ilocos Sur – Nagturong dagiti Farmer Leaders ti ili a Cabugao, Ilocos Sur iti Municipal Agriculture Office, Brgy. Baclig, Cabugao, Ilocos Sur ita a Pebrero 8, 2018 tapno kitaenda iti mabatayanda iti maiwaras a Rice Seeds nga inted ti DA-RFO 1.
Maaramid ti distribution ti nasao a pamin-ian a pagay kadagiti mannalon babaen kadagiti DA-LGU Cabugao Staff ken dagiti Opisiales dagiti Asosasion ti mannalon iti tunggal barangay kalpasanna.
Umabot ti 470 Bags @ 40 kgs./bag ti maiwaras a bukel iti pagay.
Imbatad ni Mr. Nathaniel B. Galamgam, Municipal Rice Program Coordinator a maited daytoy a bin-i kadagiti Accredited nga Asosasion agraman iti SWISA ket makaammoda a mangprobitsar iti pakaibanaganna ta agbalinto a pundoda iti pagbayad dagiti makausar.
Dagitoy nga aksion ken inisiatiba ket gubuay iti napintas a timpuyog ti Pederasion ti mannalon ken iti LGU-Cabugao nga idauluan ni Mayor Josh Edward S. Cobangbang ken irepresentaran ni SBM Atty. Randy Baniaga G. Kinaud, Committee Chairman on Agriculture. # (Web In-Action)
No comments:
Post a Comment