Cabugao, Ilocos Sur – Naaramid ti Signing ti Service Agreement ti Sisterhood ti City County of Hawaii ken ti ili a Cabugao, Ilocos Sur babaen iti opisial nga bibisita dagiti Sakada manipud iti Hilo ken Hawaii, USA nga indauluan ni Council Chairwoman Valerie Poindexter ken ni Council Member Eileen O’Hara ken dagiti Opisiales ti LGU-Cabugao nga idauluan ni Mayor Josh Edward S. Cobangbang.
Naaramid ti agreement signing iti Opisina ni Mayor Josh Edward nga inannong ti Chief Executive ken iti Hawaii Delegation Officials iti imatang dagiti Sakada; Opisiales ti Ili ken dagiti Department Heads/Section Heads ti LGU-Cabugao idi Pebrero 13, 2018.
Sakbayna, pormal a nakipinnirma iti Katulagan ni Mayor Josh Edward ken ni County Mayor Harry Kim iti panagbalin a Sisterhood City ti ili a Cabugao kadaytoy nadakamat a siudad a masakupan iti Estado ti Hawaii iti imatang dagiti kameng ti Konseho ti Siudad nga indauluan ni Council Chairwoman Valerie Poindexter kasta metten dagiti Konsehales ti ili a Cabugao idiay Hawaii, USA.
Kabayatanna, simmangpet ti Delegasion ti Hawaii idi Pebrero 9, 2018 ket manamnama a maileppas ti panagbisitada iti Pebrero 15, 2018.
Sakbayna, kangrunaan a paset ti panagbisitada iti naaramid a Sakada Commemoration iti Port Salomague Sakada Shrine, Barangay Salomague, Cabugao, Ilocos Sur ken ti naaramid a Sakada Night idi Pebrero 10, 2018 iti Cabugao Cultural and Sports Complex, Barangay Rizal, Cabugao, Ilocos Sur.
Kabayatanna, inasistiran dagiti natudingan nga empleado ti Munisipio a nagbisita kadagiti Tourist Destinations iti Ilocandia kabayatan kadagiti aldaw (Pebrero 9-15, 2018) a panagyanda ditoy Ilokos partikular ditoy ili ti Cabugao, Ilocos Sur. # (Web In-Action)
No comments:
Post a Comment