Cabugao, llocos Sur – Naaramid ti pannakai-turnover ti ganagan ken Hybrid Rice Seeds nga impaay ti Provincial Government kadagiti mannalon ti Cabugao, Ilocos Sur.
Iti aldaw ti distribusion, Hunio 17, 2019, immawat ti saggaysa a sako ti ganagan (Urea) ken Hybrid Rice Seed ti tunggal naka-ID a Farmer babaen iti panangiyawat dagiti pannakabagi ti Municipal Agriculture Office nga idauluan ni OIC Municipal Agriculturist Nereo S. Daproza ken dagiti pannakabagi ti OPAG-Ilocos Sur.
Indauluan ni Mayor Josh Edward S. Cobangbang dagiti umili a nangpasangbay iti bunggoy ti Hunta Provinsial nga idauluan ni Vice Governor Jeremias C. Singson a binayabay ni SPM Efren “EJ” Rafanan. Nagyaman da Mayor Josh Edward ken dagiti kailianna iti Gobierno Probinsial nga idauluan ni Governor Ryan Luis V. Singson kadaytoy a naited a pangnayon dagiti mannalon iti usarenda iti panagtalonda iti Wet Season 2019.
Iti pakauna a programa, nangipaay ti mensahe ni Acting Governor Jeremias “Jerry” Singson para iti pannakaiwaras daytoy a tulong kadagiti mannalon ditoy nga ili. Nagsarita met ni SPM EJ Rafanan ken ni Mr. Mar Alibin, OIC Provincial Agriculturist iti nadakamat a taripnong. # (Web In-Action)
No comments:
Post a Comment