Cabugao, Ilocos Sur – Nagatendar ni Mr. Obas Bill Y. Baclig, AT, agak-akem a Municipal Rice Program Coordinator iti LGU-Cabugao iti naaramid a Performance Assessment Meeting cum Planning Workshop for Seed Coordinators and Seed Inspectors of Region 1 a naangay idiay Venus Parkview Hotel, Baguio City idi Hunio 7-8, 2019.
Kadua ni Mr. Baclig a nagatendar dagiti pannakabagi ti nadumaduma a Municipal Agriculture Offices iti DA-RFO 1 nga idauluan ni RD Lucresio R. Alviar, Jr., CESO III.
Kangrunaan a nataming iti daytoy a panagtitipon ket iti pannakaiwayat ti sistematiko a panagplano iti pannakaipatungpal ti programa ti Rice Competitiveness Enhancement Program, Seed Component iti benneg ti Seed Production. # (Web In-Action)
No comments:
Post a Comment