PAMILIA-LGU KEN DADDUMA NGA AHENSIA, NAGSELEBRAR ITI 121st PHILIPPINE INDEPENDENCE DAY

Cabugao, Ilocos Sur – Nakikaysa ti LGU-Cabugao iti liderato ni Mayor Josh Edward S. Cobangbang  iti pannakaselebrar ti 121st Philippine Independence Day iti intero a pagilian iti aldaw ti Hunio 12, 2019 babaen iti Tema: “Kalayaan 2019: Pagbabagong Ipinaglaban, Alay sa Masaganang Kinabukasan”.

Naangay ti Flag Raising Ceremony iti sango ti baro a pasdek ti Munisipio a nagpartisiparan ti pakabuklan iti amin a Departamento/Section  ti LGU-Cabugao ken dagiti Empleadosna a pakairamanan  metten  dagiti kameng ti Municipal Police Station ken  Bureau of Fire Protection (BFP)-Cabugao.

Nakikaysa met dagiti School Heads iti Cabugao DepED District agraman dagiti Barangay Officials a nagatendar.

Nangipaay ti Mensahena ni Mayor Josh Edward. Kimmablaaw ken nagyaman iti napintas a partisipasion ti Pamilia-LGU ken dagiti Ahensia kas iti DepED; PNP ken BFP; Barangay Officials   ken dagiti kailianna iti obserbasion iti selebrasion ti panagwaywayas ti pagilian. Impasagepsep ti Ama ti Ili ti  pateg iti sakripisio nga imbukbok dagiti Bannuar tapno magun-od laeng iti panagwayas ken karaman iti pananglagip ken panangpadayaw kadagiti sakripisio dagiti bannuar ti pagilian.

Kalpasan itoy,  naaramid ti wreath laying wenno floral offering iti Monumento ni Dr. Jose P. Rizal a sinaksian ti amin a nagatendar iti Flag Raising. Simmaganad ti floral offering kadagiti Monumento a masarakan iti ili: indauluan ti BFP iti monumento ni General Antonio Luna  iti sango ti Simbaan Katoliko; inannong dagiti School Heads iti pannakaidaton ti sabong iti  Monumento ni Andres Bonifacio iti Barangay Bonifacio ken iti met PNP-Cabugao iti  Monumento ni nag-Presidente Manuel L. Quezon idiay Plaza ti Barangay Hall, Barangay Quezon.

Indauluan ni Mayor Josh Edward dagiti Opisiales ti ili nga isuda SBM Danny Q. Gazmen; SBM Vicky S. Serna; SBM ken Incoming-Vice Mayor  Dr. Jemaima S. Tan-Yee; SBM Josefina S. Vallejo; SK Federated President Marc Russel Morales; ABC President Thaddeus U. Soller; MPDC/Budget Officer Florante S. Jara agraman dagiti Department/Section Heads a nangbayabay iti Ama ti Ili  kabayatan iti selebrasion.

Naballigi ti pannakaselebrar ti 121 st Independence Day 2019 babaen iti panagkakammayet dagiti nadakamat nga Ahensia ti Gobierno ditoy nga ili. # (Web In-Action)