2018 BSP DISTRICT CAMPORAL, NAANGAY IDIAY BRGY. SALAPASAP

Cabugao, Ilocos Sur – Naangay ti  Cabugao District 2018 Boy Scout of the Philippines (BSP) Camporal ti Cabugao DepED District idi  Nobiembre 23-25, 2018  idiay Brgy. Salapasap, Cabugao, Ilocos Sur babaen iti Tema: “Commitment to Excellence”.

Iti Day 1, Nobiembre 23, 2018 (Friday), daytoy ti Arrival, Settling-in, ken Camp-set up nga inaramid dagiti Boy Scouts ken tinarabay ida dagiti Troop Leaders.

Naaramid ti Opening Program iti malem. Kalpasan ti Opening Prayer, Pambansang Awit ken Panunumpa sa Watawat, naibasa ti Re-dedication to the Scout Oath/Law  ken iti BSP Vision and Mission. 

Nangipaay ti Welcome Address ni Punong Barangay Ronel S. Zamora. Pinagyamananna ta naaramid ti District Camporal iti lugarda ket inkumitna iti naan-anay a suportada iti Konseho-da ken dagiti kalugaranna iti maaramid nga aktibidad ti DepEd.

Simmaganad ti Presentation of the Participants. Naaramid ti Contested Yell Presentation by Troop ken iti Yell and Song iti by Zone (1-4). Kalpasan daytoy, indeklara ni BSP District Coordinator Francis de la Cruz ti panaglukat ti 2018 BSP District Camporal.

Timmarabay ti MDRRMC/Cabugao Rescue nga idauluan ni Engr. Nestor B. Somera mainaig kadagiti naaramid nga aktibidades iti Boy Scouts para iti District Camporal iti aldaw ken rabii.

Nakikaysa da  Mayor Josh Edward S. Cobangbang, Municipal Scouting  Committee Honorary Chairman  ken dagiti Opisiales ti Municipal Scouting Committee iti nadakamat a panaglukat ti BSP Camporal 2018. Nangipaay ti Mensahena ni Mayor Josh Edward S. Cobangbang kadagiti Scouts. Kasta met a nagsarita ni Mr. Rudy Vallejo, Scout Executive (OIC).

Iti Nobiembre 24, 2018 (Saturday) – Naaramid ti  ti Kawan Holiday (Kab Scout Field Day)  iti isu met laeng a disso ket naaramid ti Opening program ken naisaganad dagiti nagduduma a   paay-ayam. Indeklara ni Mrs. Mildred M. Naval, District Kawan  Coordinator  ti panaglukat ti Kawan Holiday. 

Naaramid ti Closing Program and Awarding Ceremonies  idi Nobiembre 25, 2018.

Natarawidwidan ti Cabugao District 2018 BSP Camporal  babaen kada Dr. Concesa T. Rumias, Ed. D., Public Schools District Supervisor, District Commissioner kas Camp Chief; Salapsap  Barangay Captain Ronel S. Zamora, Camp Director. 

Ti Standing Committee ket  buklen dagiti kameng ti Program Activities; First Aid/Preparedness ken iti Security and Safety a bukbuklen ti PNP ken dagiti BPATS iti Barangay Salapasap, Cabugao, Ilocos Sur. 

Ti  Working Committees ket  buklen dagiti mangisursuro a mangimaton kadagiti nadumaduma nga aktibidades nga aramiden ken pagkokontesan ti Boy Scouts kasta metten iti Action Committees a buklen met laeng dagiti mangisursuro a nangtaming iti Camp Layout; First Aid/Safety; General Services; Registration; Secretariat; Reception ken iti Invitation. 

Dagiti sumaganad dagiti Opisiales ti Municipal Scouting Committee iti ili a Cabugao: Honorary Chairman – Mayor Josh Edward S. Cobangbang; Chairman – ABC President Thaddeus U. Soller; Vice Chairman – Brgy. Capt. Arnold V. Yangat; Finance - IR Edwin Duque;  External Operations - Mr– John Paul Hadoc; Internal Operations – IR Edwin S. Savellano; Secretary – BSP Coordinator Francis A. de la Cruz; Assistant Secretary – District Kawan Coordinator, Miss Mildred M. Naval; Treasurer - Mrs. Maricon Sunio; Auditor – Brgy. Capt. Ronel S. Zamora; Assistant Treasurer – Zone I – IR Fidel Sinampaga; Zone II – IR Rodel Suniega; Zone III – IR Gilbert Asuncion; Zone IV – IR Nestor de los Santos.
Business Managers:  Zone 1 – IR Genaro Solmerin; Zone II – IR Ronel Ubaldo; Zone III – IR Donato Sajor ken iti Zone IV – IR Edison Savellano. # (Web In-Action)