KAUBINGAN A MAYOR, NAGTURPOS ITI MASTER IN PUBLIC MANAGEMENT

Cabugao,Ilocos Sur – Nagturpos iti Master in Public Management  ni Cabugao Mayor Josh Edward Seguban Cobangbang, MPM Batch 2018, iti Ateneo School of Government, Ateneo de Manila University, Diliman, Quezon City itay nabiit.

Iti panangileppas ti kaubingan a lider ti Gobierno Lokal ti ili a Cabugao, Ilocos Sur daytoy a tukad ti adal, imbatadna:

“I personally believe that in order to further raise the quality of genuine public service, a true leader needs to have faith, political will and intellect, with good governance as the foundation. The application of the things I have learned throughout my master's education and my immersion as a public servant is geared towards the betterment of Cabugao and the government bureaucracy. This would not have been possible without the support of my family, especially my dad and mom, my allies in the Local Government Unit of Cabugao, my friends, classmates, professors in ASoG and of course my fellow Cabugaoenians. I thank God for giving me the strength to stand firm amidst the adversities I face and I thank everyone that believes in me, as your public servant.

This is for you, Cabugao Ilocos Sur!”

Sakbayna, inleppas ni Mayor Josh Edward ti  Elementaria  ken High School idiay St. Paul College of Ilocos Sur ken nagturpos iti  Degree of Bachelor of Science in Business Management iti  De La Salle University, Manila sakbay ti masteral-na.

Nabutosan a Municipal Mayor ti ili a Cabugao, Ilocos Sur idi 2016 ket saan a lapped ti kinaubingna a lider agsipud ta marespeto ken rinaraem dagiti kadaduana nga opisiales ti ili ken kakailianna ditoy ken iti ballasiw-taaw gapu iti kinapudnona nga agserbi; maikanatad a desisionna iti pakaseknan dagiti bambanag a mainaig iti trabahona a kas pangulo ti ili. Nadayaw, napakumbaba ken naasi pay isuna a lider kadagiti kailianna.

Gapu itoy a galad, dinanggayan ti kinatunos dagiti kailianna a mangabrasa kadagiti nagkaadu a naileppas a programa ken proyekto iti amin a sektor iti munisipalidad ken dadduma pay a napapateg a serbisio a maited/maidanon kadagiti kailianna  iti las-ud ti panagtakemna. Dagitoy a gannuat ket mangnaynayon    a mamaglupos ti kabibiag dagiti umili ken iti kasasaad ti ili  nga idadauluanna.

Ni Mayor Josh Edward ket naipasngay idi  Disiembre 01, 1994 kada agkasimpungalan, Cabugao Former Mayor Edgardo “Ediboy”  S. Cobangbang,  Jr. ken ni  Mrs. Jerlie Seguban-Cobangbang iti Cabugao,Ilocos Sur.  (Web In-Action)