Cabugao, Ilocos Sur – Maang-angay ti opisial a pannakaiyallawat dagiti naruk-atan a Farm Equipments ken Farm Implements ken kanaigna a ramit ken mausar iti panagtalon a naggapu iti LGU-Cabugao, Ilocos Sur a para kadagiti mannalon iti Cabugao, Ilocos Sur.
Indauluan ni Mayor Josh Edward S. Cobangbang ken binayabay dagiti Opisiales ti Ili ken Pederasion Dagiti Mannalon a nagturong kadagiti barangay a nakaeskediulan ti panagbunong kadagitoy a ramramit ken kadagiti lumugar a pakaitedan dagitoy a ramit. Narugian ken agdama ita a maiyaw-awat iti imatang dagiti lumugar kadagiti nakaeskediul a barangay a pakaitedan dagitoy a ramramit a kas iti sumaganad:
Barangay Sabang
Barangay Daclapan
Barangay Namruangan
Barangay Salapasap.
Indauluan ni Mayor Josh Edward S. Cobangbang ken binayabay dagiti Opisiales ti Ili ken Barangay iti nadakamat a distribusion ken inimatangan dagiti Kameng ken Opisiales ti Pederasion Dagiti Mannalon nga idauluan ni Farmers Federated President Modesto P. Ronque kasta metten dagiti nadumaduma a sektor a masakupan dagiti barangay.
Nangipaay ti Mensahe ni Mayor Josh Edward S. Cobangbang. Kimmablaaw ken nagyaman. Dinakamatna ti agtultuloy a napintas a kammayet dagiti kameng ti Asosasion/Bumarangay ken iti LGU-Cabugao ta insegida a maaksionan dagiti kalikagumda.
Innayonna a no napintas ti pannakaiyimplimentar ti usar dagitoy a naited a ramit ket manayonanto manen iti ad-adu a proyekto a pagimbagan dagiti mannalon.
Nagsarita met ti Opisial ti ili a kimmuyog ken ni Mayor Josh Edward nga isu ni SBM Dr. Jemaima S. Tan-Yee.
Nagyaman met dagiti Kapitanes ti Barangay; Presidente ti Asosasion dagiti Mannalon agraman kadagiti lumugar kadagitoy a naited a proyekto/ramit babaen iti LGU-Cabugao.
Nakikaysa met ni SBM Danny Q. Gazmen; SBM Josefina S. Vallejo ken ni Mr. Edgar S. Balangatan, Project Coordinator kadaytoy Day 2 a nakaeskediul a distribution ceremonies kadagiti barangay. # (Web In-Action)
No comments:
Post a Comment