Cabugao, Ilocos Sur – Naangay Meeting dagiti Opisiales ken Kameng ti Cabugao Federated Senior Citizen iti Nobiembre 20, 2018 ket tinamingda manen iti pagsayaatan dagiti nataengan iti dayta a bulan. Naaramid ti mitingda iti Senior Citizens’ Center, Brgy. Rizal, Cabugao, Ilocos Sur.
Impakaammo ni Mr. Bonifacio Somera, Presidente a nagatendar dagiti Staff ti MSWDO tapno makipagtamingda kadagiti kangrunaan nga agenda a mapanda trataren.
Nakitinnarabay met ni Mr. Remigio Sunico, OSCA Head iti nasao a miting.
Kalpasan ti panglukat a kararag, naaramid ti Roll Call; naisaruno ti President Report; Treasurer’s Report ken dadduma pay a pakaseknanda iti las-ud ti Pederasion ken dagiti Barangay Chapter-da.
Napagkaykaysaanda pay a maaramid ti Christmas Celebration-da a nataengan inton Disiembre 11, 2018.
Nataming pay dagiti Death Aid ken dagiti eskediul ti igannuatda a Prayer Service kadagiti nagminatay a kamiembruanda.
Nabigbig; nakablaawan ken naselebraran dagiti nagkasangay a Senior Citizen ita a bulan ti Nobiembre 2018.
Nakikaysa met da Ms. Wilma S. Cruz ken ni Ms. Lucilla S. Somera, agpada a mangtartarabay kadagiti Senior Citizen iti nadakamat a selebrasion. # (Web In-Action)
No comments:
Post a Comment