GOV. RYAN EMERGENCY SHELTER ASSISTANCE, NAITED GAPU ITI BAGYO

Cabugao, Ilocos Sur – Inawat dagiti Recipients  nga umili a nadadaelan ti pagtaenganda (partially damaged)   iti kallabes a panagbagyona babaen iti panangited ni Governor Ryan Luis V. Singson babaen iti tarabay ti  LGU-Cabugao kadagiti umili idi  Nobiembre 26, 2018 iti Cabugao Cultural and Sports Complex, Barangay Rizal, Cabugao, Ilocos Sur. 

Inawat dagiti maseknan nga umili ti sag-P500 iti tunggal maysa. 

Kadua ni Mayor Josh Edward S. Cobangbang ken dagiti kakailianna iti agyaman iti panangipaay  ni Governor Ryan Luis V. Singson kadagiti cash ken material assistance para kadagiti nadidigraan iti pagtaengan ditoy Cabugao. 

Timmulong dagiti pannakabagi ti Munisipio iti Paying Team kadagiti nag-claim nga umili sakbay nga inawatda iti mabatayanda a gatad. # (Web In-Action)