Thursday, January 17, 2019

EVALUATION KEN FAMILY DEVELOPMENT SESSION (FDS) TI 4 Ps, MAAR-ARAMID

Cabugao, Ilocos Sur –  Iti pannakiuman ti Web In-Action, impakaammo  dagiti Staff ti  Opisina ti Municipal Operations  Office (MOO) ti 4 Ps Program, Municipal Link-Cabugao 
a maar-aramid ita iti massive evaluation kadagiti Senior Citizens Pensioner ken itarapnosda metten dagiti 4 Ps members iti 33 a barangay ti ili a Cabugao, Ilocos Sur.

Naregget nga itultuloy dagiti Staff  iti Municipal Link nga isaksaknap  ti pakabuklan ti programa ti   4 Ps iti  pagnaedan dagiti kameng kadagiti barangay ti Munisipalidad ti Cabugao tapno naan-anay nga agballigi ti panggep ti Gobierno Munisipal nga idauluan ni Mayor Josh Edward S. Cobangbang a mangpasayaat pay iti kasasaad dagiti nakurapay nga umili. 

Kabayatanna, makiko-koordinarda  latta kadagiti Opisiales ti Barangay/Parent Leaders  a katinnulongda  a mangorganisar iti Family Development Session (FDS) para iti Topiko nga imitingda kadagiti 4 Ps para iti daytoy a bulan.

Iti binulan a pannakaangay ti Family Development Session (FDS) kadagiti barangay ket nasursuron dagiti Parent-Leaders iti tumakder iti bukodda a panangtarawidwid iti miting ken seminar iti masakupanda.

Dagiti kameng ti  Pantawid Staff ti Municipal Operations Office ti 4 Ps ti aglektiur (Learning Service Provider) ken karaman nga Ahensia  kadagiti FDS Session-da ket napagkaykaysaanda a maysa a Topiko iti binsaenda kadagiti Family Development Session-da tapno nadardaras a maawatan dagiti klienteda. Nalaklaka pay a maawatan dagiti adalanda a 4 Ps no dagitay kabisadoda/naipanawen  a Topiko/Situasion  iti maiyad-adal kas parte  iti Values  Formation iti Programa.

Dagitoy nga aksion ken inisiatiba ket katinnulong  iti agtultuloy a panangtarabay kadakuada ti Gobierno Munisipal iti panangidaulo ni Mayor Josh Edward S. Cobangbang iti pannakikammayetna iti Ahensia ti DSWD iti napintas a maaramidan dagiti programa a maisaksaknap kadagiti barangay tapno maragpat iti sapasap a panagrang-ay iti Pamilia ken dagiti umili.  # (Web In-Action)

No comments:

Post a Comment