RUAR-BATOG TI TIENDAAN (NISTC), AGTULTULOY A MADALUSAN

Cabugao, Ilocos Sur – Mairusrusat latta ti pannakadalus iti asideg ken mabatogan a parte ti NISTC Public Market iti National Highway babaen iti  panangigannuat ti Cleaning Program ti Munisipio nga imatonan ni MENRO Edgar S. Balangatan tapno naan-anay ti nadalus a buya ti aglawlaw kadagiti pasilidad ti LGU- Cabugao nga adda kadagitoy a disso.

Mangnamnama ni MENRO Balangatan a babaen iti nangatngato nga agpang ti koordinasion kadagiti barangay a makasakup kasta metten  kadagiti establisimiento a masarakan  iti malinisan a disso  ket nadardarasda nga ipatungpal ti agtultuloy a panagdaldalus a pakaisagutan met ti sapasap iti napintas a buya ken sanitasion. 

Dagitoy nga aksion ken inisiatiba ket paset iti Clean-up Drive ti Munisipio a mangmantener iti kinalinis ti aglawlaw a maysa a kangrunaan a programa ti LGU-Cabugao nga idauluan ni Mayor Josh Edward S. Cobangbang.  # (Web Situational Report)