Cabugao, Ilocos Sur – Tapno naan-anay a maipasagepsep iti kaipapanan ken pateg ti nagun-od ti LGU-Cabugao a pammadayaw iti Serbisio Sibil, naulit a naaramid ti Awarding iti LGU-Cabugao (Prime HRM Level II – Awardee)
iti panangipaay ti Civil Service Commission Region 1 ket inawat ni Mayor Josh Edward S. Cobangbang ti Certificate of Recognition iti imatang ti Pamilia-LGU kalpasan iti tradisional a Flag Ceremony iti kada bigat ti Lunes iti petsa Enero 21, 2019 iti Rizal Barangay Hall Flagpole, Barangay Rizal, Cabugao, Ilocos Sur.
Iti panagsarita ni Miss Teresita “Mimie” Sison, HRM Officer, impeksana ti panagyamanna ken iti suporta ti LGU-Cabugao ket kinunana: “Haanmi kaya nga aramiden a maymaysa dagiti masapul nga aramiden isu nga daytoy nga pammadayaw ket kukua tayo amin. Sapay la koma ta itultuloy tayo ti agtrabaho para ti nasaysayaat pay nga serbisyo para kadagiti kakailian tayo ken adda pay nangatngato nga pammadayaw nga masapul nga gun-oden tayo.”
Nakikaysa dagiti Opisiales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; Mrs. Rosario Charity Abara, Municipal Civil Registrar ken dadduma a Department/Section Head a nakaimatang iti re-enactment/awarding a napasamak iti nagun-od ti LGU-Cabugao a Pammadayaw manipud iti Civil Service Commission (CSC). # (Web In-Action)
No comments:
Post a Comment