Cabugao, Ilocos Sur – Nasayud latta ti napintas a panagtimpuyog dagiti agtartaraken iti animales kas iti cattle ken domestic pets pakaseknan iti pannakaasikasoda iti Animal Care and Livestock Program ti LGU-Cabugao nga idauluan ni Mayor Josh Edward S. Cobangbang.
Ni Dr. Melvyn G. Castro, DVM, Municipal Livestock Inspector ti makikokoordinar iti dadduma a maseknan nga Ahensia ken iti Provincial Veterinary Office.
Iti agdama, mayes-eskediul latta iti Municipal-wide Deworming and Rabies Vaccination (Household Pets) ti animales ken dinguen iti intero a Munisipalidad ti Cabugao babaen iti aksion ni Dr. Melvyn G. Castro ti DA-LGU-Cabugao. Uray iti aldaw ti Sabado ken Domingo no adda umawag iti serbisio ni Dr. Castro ket aksionanna a dagus tapno masalbar dagiti adda an-annayenna nga ayup ken taraken.
Dagitoy nga aksion ken inisiatiba ket gubuay ti napintas a pannakibinnulig ti Gobierno Munisipal nga idauluan ni Mayor Josh Edward S. Cobangbang kadagiti maseknan a Partner-Agencies tapno agtultuloy a dumur-as ti kasasaad ti Livestock Sector iti ili a Cabugao. # (Web In-Action)
No comments:
Post a Comment