Cabugao, Ilocos Sur – Iti pannakiuman ti Web In-Action, imbatad dagiti Municipal-LGU Link Staff ti 4 Ps a napagsasaritaan ken nasolusionan dagiti naidokumento (Minutos ti Binulan a Mitingda) a pakaseknan ken problema dagiti 4 Ps iti ili a Cabugao kada tallo a bulan a nasakupan ti 2018-2019.
Innayonda a maitultuloy a maipatungpal ti Family Development Session (FDS) ita a Tawen 2019 kadagiti barangay agsipud ta daytoy ti “pannakapuso” ti programa iti serbisio-sosial ti DSWD ken iti LGU-Cabugao.
Sakbayna, naangay ti panagmiting ti Municipal Advisory Committee (MAC) kadagiti napalabas a bulan babaen iti panangidaulo ni Mayor Josh Edward S. Cobangbang iti ili a Cabugao, Ilocos Sur.
Ni Mayor Josh Edward ti ag-Preside kadagiti nasao a miting a pagatendaran dagiti Staff nga idauluan ni MSWD Officer Mrs. Lydia S. Gazmen; Staff ti Municipal Operations Office ti 4 Ps; Parent-Leaders ti 4 Ps; ken dagiti pannakabagi ti RHU-Cabugao; IPs ken iti DepED-Cabugao.
Maibasar iti rekord ti Minutos ti Miting-da ket kangrunaan a nataming iti pannaka-update dagiti pakaseknan ken problema a timmaud iti biang dagiti 4 Ps Beneficiaries ken iti pannakaaksion/pannakasolusionda agraman iti pagturturonganen ti pakabuklan ti programada iti babaen ti pannarabay ti Munisipio.
Mainayon pay a matratar dagiti aspeto a karaman iti programa a kas iti Finance; Sustainable Livelihood Program (SLP); Health ken dadduma pay nga area of concern. # (Web In-Action)
No comments:
Post a Comment