Cabugao, Ilocos Sur – Inawat ti 110 a recipients nga umili a napakaruan a nadadaelan ti pagtaenganda iti kallabes a panagbagyona babaen iti panangited ti Department of Social Welfare and Development (DSWD)- Region 1 a naidalan iti LGU-Cabugao itay nabiit iti Cabugao Cultural and Sports Complex, Barangay Rizal, Cabugao, Ilocos Sur.
Immawat dagiti maseknan a recipients iti sag-P33,100.
Indauluan ni MSWD Officer Lydia S. Gazmen iti pannakaurnos dagiti papeles dagiti nag-claim nga umili sakbay nga inawatda ti mabatayanda a gatad.
Sakbay a nairugi ti Pay-out ket kimmablaaw ken nagyaman ni Mrs. Gazmen. Inlawlawagna ti pakabuklan ti Emergency Shelter Assistance (ESA) ti DSWD Region 1 ket pagyamyamananna iti agtultuloy a panangtarabay ti LGU-Cabugao nga idauluan ni Mayor Josh Edward S. Cobangbang kasta metten kadagiti Opisiales ti DSWD ta adda daytoy a saranay kadagiti nadadaelan ti balayda iti naglabas a Bagyo. # (Web In-Action)
No comments:
Post a Comment