Cabugao, Ilocos Sur – Nasapa ken sigagagar a nagturong dagiti mannalon a tinarabay dagiti Farmer Leaders dagiti nakaeskediul a barangay ti ili a Cabugao, Ilocos Sur iti Cabugao Cultural and Sports Complex, Brgy. Rizal, Cabugao, Ilocos Sur tapno awatenda iti mabatayanda iti maiwaras nga inbred rice seeds babaen iti pannakikammayet ti LGU-Cabugao nga idauluan ni Mayor Josh Edward S. Cobangbang iti Pebrero 13, 2019..
Sakbay a maiwaras ti bin-i, nangipaay ti Mensahe ni Mayor Josh Edward. Kimmablaaw ken nagyaman nangruna kadagiti umili ti Cabugao ta maikkanda iti tulong a pakasagrapanda ti pagsayaatan ket sangsangkamaysa koma dagiti mannalon a mangusar iti umisu a pakaibanaganna daytoy a maited a pagimbaganda ket agballigi koma latta dagiti programa para kadagiti mannalon iti ili.
Nagtinnulong da Federated President Modesto P. Ronque ken ni Program Coordinator Edgar S. Balangatan a nangiwardas iti programa ken distribusion kalpasanna. Umawat ti tunggal ID Card Holder a mannalon iti 20 kilos nga inbred rice seeds a mausar para iti sumaruno a panagtatalon.
Nagatendar met dagiti pannakabagi ti Municipal Agriculture Office ti ili. # (Web In-Action)
No comments:
Post a Comment